Janoshesko angluno lil

Chapters:

1 2 3 4 5

verse #1

Sa kodo, kon patyal, ke o Jezush si o Kristo, kathar o Del arakhadyilas. Haj sa kodo, kon kamel kodales, kon arakhadyisardas, kamel vi kodales, kon lestar arakhadyilas.

verse #2

Pa kodo pinzharas opre, ke kamas le Devleske arakhadyilen, kana le Devles kamas, haj keras leske vladimatan.

verse #3

Ke kodo si le Devlesko kamipe, ke andre inkras leske vladimata: haj leske vladimata naj phare.

verse #4

Ke sakofalo, so kathar o Del arakhadyilas, tele viktornisarel la luma. Kado kodo viktornope si, so tele viktornisarel la luma: amaro patyape.

verse #5

Kon kaver viktornisarel la luma, sar kon patyal, ke o Jezush si le Devlesko Shavo?

verse #6

Voj si kodo, kon perdal pa paji haj rat avilas, o Jezush Kristo. Na numa perdal pa paji, ba perdal pa paji haj rat. Haj o Duhoj kodo, kon chacharel, ke o Duho chachipe si.

verse #7

Ke trin zhene si, kon chacharen:

verse #8

o Duho, o paji haj o rat: haj kadal trin jekh si.

verse #9

Te patyas le manushengo chacharipe, le Devlesko chacharipe majbaro si. Haj le Devlesko chacharipe kodoj, ke chacharipe kerdas pa pesko Shavo.

verse #10

Kon patyal ande Devlesko Shavo, kodo ande peste phiravel le Devleske chacharipes. Kon chi patyal le Devleske, kodo xoxamneske inkrel les, ke chi patyal ande kodo chacharipe, so voj kerdas pa pesko Shavo.

verse #11

O chacharipe pale kodo si, ke o Del sagutno trajo das amen. Haj kado trajo ande lesko Shavo si.

verse #12

Kon peskireske shaj phenel le Shaves, kodales siles trajo: kon nashtig phenel peskireske le Devleske Shaves, kodales najles trajo.

verse #13

Kadal anda kodo iskirisarav, ke te zhanen: tumenge, kon patyan ande Devleske Shavesko anav, sagutno trajo si tumen.

verse #14

Ande kodo garadyol amaro patyape ande leste, ke zhiso te mangas kathar lesko kamipe, ashunel amen.

verse #15

Haj te zhanas, ke ashunel amen, vi zhiso te mangas lestar, vi kodo zhanas, ke aba amaro si, so manglam.

verse #16

Kana varikon dikhel, ke lesko phral bezexarel, ba na merimaske bezexasa, te rudyil anda kodo, haj o Del trajo dela kodales, kon na merimaskires bezexardas. Si vi meripe reslimaski bezex: na pa kado phenav, ke varikon te rudyil anda leste.

verse #17

Sakofalo nasulipe bezex si, ba si vi meripe na kerdi bezex.

verse #18

Zhanas, ke sa kodo, kon kathar o Del arakhadyilas, chi bezexarel, ke kathar o del arakhadyipe inkrel les, haj o nasul chi resel leste.

verse #19

Zhanas, ke ame kathar o Del sam, kadi intrego luma pale ando nasulipe vulusardyol.

verse #20

Haj vi kodo zhanas, ke le Devlesko Shavo avilastar, haj hatyaripe das amen, ke te pinzharas kodales, kon chachoj. Ame ande leste sam, kon chachoj: ande lesko Shavo ando Jezush Kristo. Voj si o chacho Del haj o sagutno trajo.

verse #21

Mure shavora, ferin tumen kathar le fetishura! Amen.

Chapters:

1 2 3 4 5