Janoshesko angluno lil

Chapters:

1 2 3 4 5

verse #1

Dikhen, sar kamelas amen o Dad, ke le Devleske shavorenge phenen amen, haj vi kodal sam! Anda kodo chi pinzharel amen e luma, ke chi les chi pinzharel.

verse #2

Mure kamade, akanak le Devleske shavora sam, ba inke chi zhanglyilas avri, ke so avasa. Ba zhanas, ke kana sikadyola, kasave avasa, sar voj, ke dikhasa les, sar so si.

verse #3

Sa kodo, kon kado sperantisarel lestar, suntosarelpe, sar kaj vi voj sunto si.

verse #4

Sa kodo, kon bezex kerel, vi nasulipe kerel, ke e bezex nasulipe si.

verse #5

Haj zhanen, ke voj anda kodo sikadyilas, ke te lel amare bezexa, haj ande leste naj bezex.

verse #6

Sa kodo, kon ande leste ashol chi bezexarel, haj sa kodo, kon bezexarel, chi dikhlas haj chi pinzharelas les.

verse #7

Mure shavora, khonyik tena xoxavel tumen! Kon chachipe kerel, kodo chachoj, sar kaj vi voj chacho si.

verse #8

Kon bezex kerel kathar o beng si, ke o beng zhikathar o anglalipe bezexarel. Anda kodo sikadyilas le Devlesko Shavo, ke tele te rumusarel le bengeske kerdyimatan.

verse #9

Sa kodo, kon kathar o Del arakhadyilas, bezex chi kerel, ke o Del ande leste si, haj nashtig bezexarel, ke kathar o Del arakhadyilas.

verse #10

Pa kado shaj pinzharen opre, ke kon si le Devleske shavora, haj ke kon le bengeske shavora. Sa kodo, kon na o chachipe kerel, haj chi kamel peske phrales, na kathar o Del si.

verse #11

Ke kodi viaca, so zhikathar o anglalipe ashundine, ke te kamas jekhavres.

verse #12

Na kade, sar o Kain, kon kathar o nasul sas, haj mudardas peske phrales. Haj anda soste mudardas les? Anda kodo, ke leske kerdyimata nasula sas, leske phraleske kerdyimata pale chache.

verse #13

Na dikhen bari phralale, kana e luma rucil tumen.

verse #14

Ame zhanas, ke anda meripe perdal gelam ando trajo, ke kamas amare phralen. Kon chi kamel ando meripe ashol.

verse #15

Sa kodo, kon rucil peske phrales mudari si. Haj mishto zhanen, ke chi jekhe mudres naj sagutno trajo, so asholas ande leste.

verse #16

Anda kado pinzhardam le kamipes, ke voj pesko trajo das anda amende, kade vi amenge amaro trajo trubuj te das anda amare phral.

verse #17

Kas si barvalipe, haj dikhel peske pharales, ke chorroj, ba phandavel pesko ilo angla leste, atunchi sar ashola ande kodo le Devlesko kamipe?

verse #18

Mure shavora! Na kamas vorbenca, chi shibasa, ba kerdyipesa haj chachipesa!

verse #19

Pa kado pinzharas opre, ke ando chachipe sam, haj anglaleste pachardyola amaro ilo. 20 Ke kana vi te dosharel amen amaro ilo, o Del majbaro si kathar amaro ilo, haj sakofalo zhanel.

verse #21

Mure kamade! Kana amaro ilo chi dosharel amen, patyape si amen kaj o Del,

verse #22

haj zhiso mangas, las kodo lestar, ke andre inkras leske vladimata, haj kodo keras, so skunpoj angla leste.

verse #23

Haj lesko vladipe kodoj, ke te patyas ande leske Shavesko ande le Jezush Kristosko anav, haj te kamas jekhavres, sar vladisardasles amenge.

verse #24

Kon andre inkrel leske vladimata, ando Del ashol, haj vi o Del ande leste. Apol ke voj ande amende ashol, kodo kathar o Sunto Duho zhanas avri, so amenge das.

Chapters:

1 2 3 4 5