Evangeliumo kathar o Mate
22. fejezet
Parabola pa krajicko abav
1. vers
Pala kado o Jezush pale las te vorbil, haj pale ande paraboli vorbilas lende:
2. vers
„Cirdel le rajosko them pekh kraj, kon abav lasharlas peske shaveske.
3. vers
Bishaldas peske slugan, te akharen le akhardinen po abav, ba kodala chi kamline te aventar.
4. vers
Atunchi kavere slugan bishaldas kadale vorbenca: „Phenen le akhardinenge: Aketa, o xamo kerdom, mure guruven haj oprethulyarde pedon tele shindom, sakofalo gata si aven apol po abav.
5. vers
Ba kodal chi grizhonaspe lesa. Gelinetar, o jekh pe peski phuv, o kaver pala pesko bizniso,
6. vers
le maj but pale xutyildine le slugan, kushenasle haj mudardine len.
7. vers
Xolyarnyiko kerdyilas pe kado o kraj, haj bishaldas peske ketanen. Le mudaren mudaradas, lengo foro pale opre phabaradas.
8. vers
Pala kodo kodo phendas peske slugange: „O abav aba gataj, ba le akharde nas dosta karing leste.
9. vers
Zhan avri apol po bulho drom, haj kas feri rakhen, akharenle po abav.”
10. vers
Le slugi avri geline pel droma, haj kethane kidine sakones, kas feri arakhline, lashen thaj nasulen jekharsa, haj le abaveskokher pherdyilas manushenca.
11. vers
Kana o kraj andre gelas, te dikhel kon beshen kaj le mesalyi, sama las kothe jekhe manushes, kon nas ande abaveske gada urado.
12. vers
Kodo phendas leske: „Muro vortakona, ta sar avilan andre kathe bi abaveske kada?” Kodo chi das duma khanchi.
13. vers
Pe kado o kraj kodo phendas le opreslugarenge: „Phanden kethane leske vast thaj punre, haj shuden les avri po avraluto tunyarikipe. Avla kothe rovjipe haj dand kircipe!
14. vers
Ke but zhene si a-kharde, ba cerra zhene alosarde.”
Pushlipe pa taksha
15. vers
Atunchi le farizana gelinetar haj avri gindisardine, ke sar shaj maren les perdal vorbasa.
16. vers
Kothe bishaldine leste penge sityarden le Herodeshickirenca kethane, haj kodo phendine leske: „Maistro! Zhanas, ke chacho vorbako san haj le Devlesko drom kathar o chachipo sityares, chi grizhostu khanyikasa, ke chi dikhes le manushengo konipe.
17. vers
Phen amenge apol so gindis: Slobodo si taksha te potyinas le chasaroske, bake na?”
18. vers
Ba o Jezush oprepinzhardas lengo nasulipe haj kade das duma: „Sostar zumaven man, tume paxande!
19. vers
Sikaven mange la takshake love!” Kodal kothe andine leske jekh denaro.
20. vers
Atunchi pushlas lendar: „Kaskij kadi mosura haj opreiskirimata?”
21. vers
Kodo phendine leske: „Le chasareskoj.” Pe kado kodo phendas lenge: „Den apol le chasareske so le chasareskoj, haj le Devleske, so le Devleskoj.”
22. vers
Kodal kado ashundines bari dikhline, kothe mukhline les haj gelinetar.
Pushlipe pa mulengo opretrajisaripe
23. vers
Kodo dyes kothe geline leste le sadducana, kon kodo phenen, ke naj opretrajisaripe. Pushline les:
24. vers
„Maistro, o Mozesh kodo phendas: »Kana varikon merel bi shavoresko, atunchi lesko phral te lel peste leska romnya, haj te kerel shavoren peske phraleske«.
25. vers
Apol, sas lende efta phral. O Angluno romnya las, ba mulas, haj ke chi ashilas les shavoro, pe pesko phral mukhlas peska romnya.
26. vers
Zhikade mulas vi o dujto haj trito, haj inke, sa le efta.
27. vers
Pala savorazhene pale mulas vi e romnyi,
28. vers
Kaj o opretrajisaripe apol kaski romnyi avla mashkar le efta. Ke apol savorezhenengi sas.”
29. vers
O Jezush kade das duma lende: „Bi zhangles vorbin, ke chi pinzharen le Iskirimata, haj chi le Devlesko saktimo.
30. vers
Ke le opretrajisarde chi len romnyan, haj chi romeste chi zhan, ba kasave avna sar le andyelura ando rajo.
31. vers
Chi ginadine pa mulengo opretrajisaripe, so o Del phendas tumenge:
32. vers
«Me som le Abrahamesko le Izhakesko haj le Jakobesko Del?« Voj na le mulengo Del si, ba le zhuvindengo.”
33. vers
Kana e butimata kado ashundas, bari dikhlas pe lesko sityaripe.
Pushlipe pa angvladipe
34. vers
Kana le farizana ashundine, ke le sadducanen mutosardas, kethane aviline andekh grupo,
35. vers
haj o jekh mashkar lende, jekh kris pinzhardo, avri te zumavel les, pushlas lestar:
36. vers
„Maistro, savo si o majbaro vladipe ande kris?”
37. vers
Voj kodo phendas leske: „«Kam tye Rajes, tye Devles anda tyo intrego ilo, anda tyo intrego duho, haj anda tyo intrego godyipe«.
38. vers
Kadoj o majbaro, o angluno vladipe.
39. vers
O Dujto anel pe kado: »Kam tye dopashone vortakos, sar tut«.
40. vers
Pe kadal duj vladimata tordyol e intrego kris haj le profeti.”
Pushlipe pa Messhiasho
41. vers
Ke le farizana kethane sas, o Jezush pushlas len:
42. vers
„So gindin pa Kristo? Kasko shavo si voj?” Kodo phendine leske: „Le Davidesko.”
43. vers
Pe kado pushlas lendar: „Atunchi o David sostar phenel les kathar o Duho rajeske, kana kade del duma:
44. vers
»Kade del duma o Raj kaj muro Raj:
Pa muri chachi rig besh tele,
zhikaj tala tye punre shudav tye dushmanon«.
45. vers
Kana apol o David Rajeske phenel les, sar shaj avel lesko shavo?”
46. vers
Khonyik chi zhanglas palpale phenipe te del leske chi jekh vorba, haj kathar kodo dyes khonyik chi tromalas te pushel les.
Könyvek
