Evangeliumo kathar o Mate
17. fejezet
O Jezush avriparnyol
1. vers
Pala shov dyes o Jezush pasha peste las le Peteres, le Jakabos, haj le Janoshes, leske phrales, haj opre ingerdas len pekh baro ucho plaj,
2. vers
haj avri parnyilas angla lende. Ablyolas leski mosura, sar o kham, leske gada pale parne kerdyiline, sar le khameske fimlala.
3. vers
Haj aketa, sikadyilas lenge o Mozesh haj o Illesh, haj vorbinaspe lesa.
4. vers
O Peter atunchi kado phendas le Jezusheske: „Raja, lashoj amenge kathe te avas! Te kames, kerav kathe trin cerhi, tuke jekh, le Mozesheske jekh haj le Illesheske jekh.”
5. vers
Inke vorbilas kana aketa, jekh fimlalo noro ushajinisardas len andre, haj anda noro jekh glaso das duma: „Kadoj muro kamado shavo, ande kaste muri voja pherdyol, les ashunen”.
6. vers
Kana kado ashundine le sityarde pe mosura burdadyiline tele haj zurales darajline.
7. vers
O Jezush kothe gelas, lende reslas, haj kodo phendas: „Ushtyen opre haj na daran!”
8. vers
Kana opre vazdine penge jakha, khanyikas chi dikhline, feri le Jezushes korkoro.
9. vers
Kana avenas tele pa plaj, o Jezush vladisardas lenge: „Khanyikaske tena vorbin pa sikadyimata, zhikaj le Manushesko Shavo anda meripe opre chi trajila.”
Le Illeshesko avlipe
10. vers
Pala kado le sityarde pushline lestar: „Sostar phenen atunchi le iskiritora, ke le Illesheske majanglal trubuj te aveltar?”
11. vers
Voj kado phendas palpale: „O Illesh chachikanes aveltar, haj po than shol sakofalo,
12. vers
Ba phenav tumenge: o Illesh aba avilastar, haj chi pinzhardine opre les, haj kodo kerdine lesa so feri kamline. Zhikade vi le Manushesko Shavo dukhardyola anda lende.”
13. vers
Atunchi hatyardine le sityatde, ke pa Bolari Janosh vorbisardas lenge.
Jekh shavesko sastyaripe, kon sovjindes phirelas
14. vers
Kana palpale resline kaj butimata, kothe avilas leste jekh manush, pe changa das angla leste
15. vers
haj kodo phendas: „Raja, zhutisar pe muro shavo, ke sovjindes phirel haj zurales dukhilpe. Butivar ande jag perel, kaver data pale ando paji.
16. vers
Kothe ingerdom les kaj tye sityarde, ba chi zhangline te sastyaren les.”
17. vers
O Jezush kado phendas palpale: „O, bi- patyamno, nasul generaciovo! Zhikaj te avav inke tumenca? Zhikaj te toleralisarav tumen? Anen les kathe mande!”
18. vers
O Jezush pe leste vladisardas, haj o beng avri gelas anda leste, haj o shavoro sastyilas ande kodo chaso.
19. vers
Atunchi le sityarde kothe geline kaj o Jezus haj pushline lestar: „Ame sostar chi zhanglam avri te nashavas les?”
20. vers
Kodo phendas lenge palpale: „Anda tumaro cerra patyamnipe. Ke Amen, phenav tumenge: kana feri kabor patyamnipe avla tumen, sar o sinap sumburo, haj kodo te phenena kadale plajeske, »zha kathar kothe«, zhalatar, haj khanchi chi avla tumenge nashtipe.”
Le dukhardyimasko haj le opretrajisarimasko dujto profecipe
22. vers
Kana ande Galilea kethane aviline, o Jezush kodo phendas lenge: „Le Manusheske Shaves perdal dena ande manushenge vast,
23. vers
mudarena les, ba po trito dyes opretrajila.” Pe kado zurales brigajline.
La khangeraki taksha
24. vers
Kana ando Kafarnaumo resline, kothe geline kaj o Peter kodal, kon le duj drachmi kiden, haj kodo phendine leske: „Tumaro Maistrovo chi potyinel avri le duje drachmi?”
25. vers
Kado phendas: „Ba ova!” Kana khere reslas, aba o Jezush anglunes phenlas leske: „So gindis, Shimon, la phuvake kraja kastar kiden vamo bake taksha: kathar penge shave bake kathar le strena?”
26. vers
Voj kodo phendas palpale: „Kathar le strena.” O Jezush pe kado kade das duma: „Atunchi apol le shave oprej muntume.
27. vers
Ba tena xolyaras len opre, zha kaj e mara, shude avri tyo kirligo, haj xutyil avri le anglunes dindalde mashes. Puter avri lesko muj, haj rakhesa ande leste jekh staterto. Xutyil kodo haj deles kothe lenge anda mande haj anda tute.”
Könyvek
