Evangeliumo kathar o Mate
capítulo 17
O Jezush avriparnyol
verso 1
Pala shov dyes o Jezush pasha peste las le Peteres, le Jakabos, haj le Janoshes, leske phrales, haj opre ingerdas len pekh baro ucho plaj,
verso 2
haj avri parnyilas angla lende. Ablyolas leski mosura, sar o kham, leske gada pale parne kerdyiline, sar le khameske fimlala.
verso 3
Haj aketa, sikadyilas lenge o Mozesh haj o Illesh, haj vorbinaspe lesa.
verso 4
O Peter atunchi kado phendas le Jezusheske: „Raja, lashoj amenge kathe te avas! Te kames, kerav kathe trin cerhi, tuke jekh, le Mozesheske jekh haj le Illesheske jekh.”
verso 5
Inke vorbilas kana aketa, jekh fimlalo noro ushajinisardas len andre, haj anda noro jekh glaso das duma: „Kadoj muro kamado shavo, ande kaste muri voja pherdyol, les ashunen”.
verso 6
Kana kado ashundine le sityarde pe mosura burdadyiline tele haj zurales darajline.
verso 7
O Jezush kothe gelas, lende reslas, haj kodo phendas: „Ushtyen opre haj na daran!”
verso 8
Kana opre vazdine penge jakha, khanyikas chi dikhline, feri le Jezushes korkoro.
verso 9
Kana avenas tele pa plaj, o Jezush vladisardas lenge: „Khanyikaske tena vorbin pa sikadyimata, zhikaj le Manushesko Shavo anda meripe opre chi trajila.”
Le Illeshesko avlipe
verso 10
Pala kado le sityarde pushline lestar: „Sostar phenen atunchi le iskiritora, ke le Illesheske majanglal trubuj te aveltar?”
verso 11
Voj kado phendas palpale: „O Illesh chachikanes aveltar, haj po than shol sakofalo,
verso 12
Ba phenav tumenge: o Illesh aba avilastar, haj chi pinzhardine opre les, haj kodo kerdine lesa so feri kamline. Zhikade vi le Manushesko Shavo dukhardyola anda lende.”
verso 13
Atunchi hatyardine le sityatde, ke pa Bolari Janosh vorbisardas lenge.
Jekh shavesko sastyaripe, kon sovjindes phirelas
verso 14
Kana palpale resline kaj butimata, kothe avilas leste jekh manush, pe changa das angla leste
verso 15
haj kodo phendas: „Raja, zhutisar pe muro shavo, ke sovjindes phirel haj zurales dukhilpe. Butivar ande jag perel, kaver data pale ando paji.
verso 16
Kothe ingerdom les kaj tye sityarde, ba chi zhangline te sastyaren les.”
verso 17
O Jezush kado phendas palpale: „O, bi- patyamno, nasul generaciovo! Zhikaj te avav inke tumenca? Zhikaj te toleralisarav tumen? Anen les kathe mande!”
verso 18
O Jezush pe leste vladisardas, haj o beng avri gelas anda leste, haj o shavoro sastyilas ande kodo chaso.
verso 19
Atunchi le sityarde kothe geline kaj o Jezus haj pushline lestar: „Ame sostar chi zhanglam avri te nashavas les?”
verso 20
Kodo phendas lenge palpale: „Anda tumaro cerra patyamnipe. Ke Amen, phenav tumenge: kana feri kabor patyamnipe avla tumen, sar o sinap sumburo, haj kodo te phenena kadale plajeske, »zha kathar kothe«, zhalatar, haj khanchi chi avla tumenge nashtipe.”
Le dukhardyimasko haj le opretrajisarimasko dujto profecipe
verso 22
Kana ande Galilea kethane aviline, o Jezush kodo phendas lenge: „Le Manusheske Shaves perdal dena ande manushenge vast,
verso 23
mudarena les, ba po trito dyes opretrajila.” Pe kado zurales brigajline.
La khangeraki taksha
verso 24
Kana ando Kafarnaumo resline, kothe geline kaj o Peter kodal, kon le duj drachmi kiden, haj kodo phendine leske: „Tumaro Maistrovo chi potyinel avri le duje drachmi?”
verso 25
Kado phendas: „Ba ova!” Kana khere reslas, aba o Jezush anglunes phenlas leske: „So gindis, Shimon, la phuvake kraja kastar kiden vamo bake taksha: kathar penge shave bake kathar le strena?”
verso 26
Voj kodo phendas palpale: „Kathar le strena.” O Jezush pe kado kade das duma: „Atunchi apol le shave oprej muntume.
verso 27
Ba tena xolyaras len opre, zha kaj e mara, shude avri tyo kirligo, haj xutyil avri le anglunes dindalde mashes. Puter avri lesko muj, haj rakhesa ande leste jekh staterto. Xutyil kodo haj deles kothe lenge anda mande haj anda tute.”
Libros
