Evangeliumo kathar o Mate
capítulo 8
Le lepralesko sastyaripe
verso 1
Kana pale tele avilas pa plaj, but manusha avile pala leste.
verso 2
Haj aketa, kothe avilas jekh lepralo, changa das angla leste, haj kodo phendas: „Raja, te kames, shaj uzhares man!”
verso 3
O Jezush avri lunzhardas pesko vast, leste reslas, haj kade das duma: „Kamav, av uzho!” Pe kado kuko atunchi uzho kerdyilas kathar e lepra.
verso 4
Atunchi o Jezush kodo phendas leske: „Lesama, khanyikaske na vorbin pa kado, ba zha haj sikav tut le rashajeske haj inbisar opre dimata, so o Mozesh vladisardas, po chacharipe lenge.”
O Kafarnaumicko shelari
verso 5
Kana pale andre gelas ando Kafarnaumo, kothe gelas leste jekh shelari, haj mangelas les:
verso 6
„Raja, muri sluga ande muro kher pashjol bi mishkisardes, haj zurales bare dukha siles.”
verso 7
Kodo phendas leske: „Zhav haj sastyarav les.”
verso 8
Ba o shelari kade das palpale duma: „Raja, chi som dosta, ke ande muro kher te aves, ba numa jekha vorbasa phen, haj sastyol muri sluga.
verso 9
Ke vi me tala saktimo inkerdo manush som, telalutne ketani slugin vi mange, haj kodo te pheno jekheske: »Zha!«, zhaltar, bake le kavereske »Av«, kothe avel, mure slugaske pale: »Ker kado«, kerelles.”
verso 10
Kado ashundes o Jezush bari dikhlas, haj kado phendas le manushenge, kon lesa inkrenas: „Amen, phenav tumenge: ando Izrael chi arakhlom kabor patyape khanyikaste.
verso 11
Phenav tumenge: But zhene avna pa oriento haj pa okidento, haj vatra malavena le Abrahamosa haj le Izhakosa haj le Jakobosa ande rajosko them.
verso 12
Le themeske shaven pale avri shudena ande avralutni tunyarikimata. Avla kothe rovjipe haj dand kircipe!”
verso 13
Pala kado o Jezush kade das duma kaj o shelari: „Zha, haj t«avel kade, sar patyajlan.” Haj sastyilas leski sluga ande kodo chaso.
Le Petereski sokrako sastyaripe
verso 14
Kana pala kado o Jezush andre gelas ande Peteresko kher, dikhelas, ke kodaleski sokra pashjol haj nasvali si.
verso 15
Kaj lako vast reslas, pe soste mukhlas la o nasvalipe. Opre ushtyilas haj opre slugisardas leske.
Le bengalenge haj le nasvalengo sastyaripe
verso 16
Kana andre ratyilas, kothe andine leste bute bengale manushen. Avri nashadas peska vorbasa le duhon, kodalen pale kas varisoske dukha sas, sastyardas,
verso 17
ke kade andre te pherdyon, so o Izajash profeta phendas:
»Voj amare slabimata pe peste las,
haj amare nasvalimata phiravelas«
Pala Jezush zhape
verso 18
Kana dikhlas, ke soske but manusha len les krujal, kodo vladisardas te zhan perdal pe kaver dolma.
verso 19
Atunchi kothe gelas leste jekh iskiritori, haj kodo phendas leske: „Maistro, zhav pala tute, zhikaj feri zhas.”
verso 20
O Jezush kado phendas leske palpale: „Le hilpan sile gropa, le chereske chiriklyan pale kujbo sile, ba le Manusheske Shaveske naj kaj tele te shol pesko shero.”
verso 21
Mashkar leske sityarde jekh pale kado manglas lestar: „Raja, mukh mange majanglal te zhavtar, haj te shaj praxosarav mure dades.”
verso 22
Ba o Jezush kodo phendas palpale leske: „Av pala mande, mukh pe mule, te praxon penge mulen.”
Le tufanesko tele pacharipe
verso 23
Kana andre hulyisardas ando bero, kade kerdine vi leske sityarde.
verso 24
Haj aketa, kasavo baro tufano kerdyilas pe mara, ke ando bero andre marenas le plemeni. Voj pale sovelas.
verso 25
Kothe aviline haj opre ushtyadine les: „Raja, muntusar amen, ke xasajvas!”
verso 26
Voj kodo phendas lenge: „Sostar sanle daramne, tume cine patyamne?” Pala kodo opre tordyilas, duma das pe balvaja haj pe mara, haj baro pachipe kerdyilas.
verso 27
Le manusha pale bari dikhline haj kade denas duma: „Kon si kado, ke inke vi le balvaja haj vi e mara mukelpe leske?”
Le gadaricka bengalenge sastyarimata
verso 28
Kana perdal resline pe kaver dolma, pe gadarenge phuva, angla leste avile duj bengale. Anda murmuntura aviline avri, anda kado khonyik chi tromalas pe kodo drom te phirel.
verso 29
Haj kodal aketa, kade cipinas: „So grizha si amen tute, Devlesko Shavo? Anda kodo avilan kathe, ke angla e vrama te dukhares amen?”
verso 30
Dur lendar jekh balengo kethanipe sas pe mal.
verso 31
Le beng mangenas les: „Avri te nashavesa amen, bishal amen ande balengo kethanipe.”
verso 32
Kodo phendas lenge: „Zhantar.” Kodal avri geline, haj andre huraldine ande balende. Haj aketa, tele nashlas o intrego kethanipe, tele pa mal ande mara, haj tasadyiline ando paji.
verso 33
Le balara pale nashletar ando foro, haj ingerdine e viaca, ke so pelaspe le bengalenca.
verso 34
Haj aketa, o intrego foro avri avilas angla o Jezush. Kana dikhline les, mangenas les, ke te zhaltar pe kaver phuva anda lengi granica.
Libros
