Evangeliumo kathar o Mate
capítulo 18
Le sityardengo rivalizalipe
verso 1
Ande kodo chaso le sityarde kothe aviline kaj o Jezush haj kodo phendine: „Kon si o majbaro ande rajosko them?”
verso 2
Pe kado voj kothe akhardas jekhe shavores, mashkar lende tordyardas les,
verso 3
haj kade das duma: „Amen, phenav tumenge: tena boldentume karing o Del, haj ch«avena kasave, sar le cine shavora, chi zhan andre ande rajosko them.
verso 4
Ke kon cino kerdyol, sar kado shavoro, kodo si o majbaro ande rajosko them.
verso 5
Haj kon andre svagarel jekhe kasave cine shavores ande muro anav, man svagarel andre.
Feripe kathar kordolardyipe
verso 6
Kon pale koldolarel mashkar kadal cine jekhes, kon patyan ande mande, maj mishto avlas kodaleske, kana assavesko barr te phandenas ande leski kor, haj ande mara te shudenas les.
verso 7
Jaj la lumake andaj bidi! Chaches, ke trubuj te aven bidimata, ba jaj kodale manusheske, kon pecil e bida.
verso 8
Kana tyo vast bake tyo punro koldoralel tut, shinles tele haj shudeles tutar! Maj mishtoj tuke paralizanes bake banges andre te zhas ando trajo, sar duje vastenca haj duje punrenca ande sagutni jag te reses.
verso 9
Haj kana tyi jakh koldolarel tut, shinla avri haj shudela tutar! Majmishtoj tuke dopash jakhasa ando trajo andre te zhas, sar duje jakhenca pe dyehennaki jag te reses.
verso 10
Len sama, na dikhen tele chi jekhes mashkar le cine. Ke phenav tumenge: lenge andyela sagda dikhen ando rajo mure Dadeski mosura, kon ando rajo si.
Parabola pa xasalylo bakro
verso 12
So gindin? Kana jekhe manushes shel bakre siles, haj mashkar kodal jekh xasalyvel, chi mukel dore kothe le ijjavardesh thaj ijjan pe plaja, dore chi zhalatar haj chi rodela le xasalyline bakres?
verso 13
Kana pale rakhelales, Amen phenav tumenge: majfeder loshshala kodaleske, sar le ijjavardesh thaj ijjange, save china chi xasalyline.
verso 14
Zhikade tumaro Dad, kon ando rajo si, chi kamel te xasalyvel, chi jekh mashkar kadal cine.
Dumadinipe po phral
verso 15
Tyo phral te bezexarla tuke, zha haj de peleste duma kana duj zhene sanle.
verso 16
Ba tena ashunela pe tute, atunchi le pasha tute inke jekhe bake duje amalen, ke sakone butya duje bake trine manushenga vorbasa trubuj te chacharen.
verso 17
Kana chi pe lengi vorba chi kamel te ashunel, phenles avri la eklezhiake. Kana pale chi pe eklezhia chi kamel te ashunel, te avel pe tyi rig kasavo, sar o murtikano bake o financo.
verso 18
Amen, phenav tumenge: sa kodo so phandav pe phuv, phanglo avla vi ando rajo, haj so opre putrav pe phuv, opre avla puterdo vi ando rajo.
verso 19
Haj Amen, phenav tumenge: kana pe phuv duj zhene ande jekh hatyarimata mangen variso, zhiso te avel kodo, lenales kathar muro Dad, kon ando cheri si.
verso 20
Ke kaj dujzhene bake trin zhene kethane aven ande muro anav, kothe som mashkarlende.”
O Jertipe
verso 21
Atunchi o Peter kothe gelas leste, haj kodo phendas leske: „Raja! Sodivar shaj bezexarel mange muro phral, sodivar trubuj te jertisarav leske? Dore eftavar”
verso 22
O Jezush kado phendas leske palpale: „Na kodo phenav, ke eftavar, ba eftavardesh thaj eftavar.
Parabola pa brutalisho sluga
verso 23
Anda kado cirdel le rajosko them pekh kraj, kon kamlas agurutnes te lasharel peske slugen.
verso 24
Kana las te kerel e traba, kothe ingerdine leste jekhes, kon desh miji talentumonca kamelas leske.
verso 25
Ke nasles anda soste te delle, o raj vladisardas, te biknen les, leska romnya, leske shavoren, haj sakofalo so feri siles, haj kade te potyinel.
verso 26
E sluga pe kado zhikaj e phuv bandyilas, haj tele burdosardes mangelas les: »Av jekh cerra pachuno mande, haj sakofalo do me tuke.«
verso 27
Sunusardyilas le rajesko ilo pe sluga, bishaldas apol les, haj inke vi o kamipe muklas leske.
verso 28
Kadi sluga apol, kana avri gelas, maladyilas peske slugone amalesa, kon kamelas leske shele denaronca. Xutyildas les, las te tasavel les haj kade cipilas: »De palpale, sosa kames mange.«
verso 29
Lesko slugicko amal zhikaj e phuv bandyilas, haj mangelas les: »Av jekh cerra toleransho mande, haj dole tuke.«
verso 30
Ba kodo chi mukelas anda pesko, ba ingerdas les haj ande robija shudas les, zhikaj dela o kamipe.
verso 31
Kana le slugaske amala dikhline e pecimata, zurales brigajline. Gelinetar haj avri phendine sakofalo penge rajeske, ke so pecisardyilas.
verso 32
Atunchi o raj peste akharadas les, haj kado phendas leske: »Tu nasul sluga! Me o intrego kamipe mukhlom tuke, ke mangesas man.
verso 33
Chi trubusardino vi tuke lasho te aves tye amalesa, sar vi me lasho somas tute?«
verso 34
Haj o raj ande peski xolyi perdal das les le dukharenge, zhikaj chi dela pesko intrego kamipe.
verso 35
Kade kerla vi muro rajuno Dad tumenca, kana savorazhene mashkar tumende chi jertisarela peske phraleske anda pesko ilo.”
Libros
