Evangeliumo kathar o Mate
18. fejezet
Le sityardengo rivalizalipe
1. vers
Ande kodo chaso le sityarde kothe aviline kaj o Jezush haj kodo phendine: „Kon si o majbaro ande rajosko them?”
2. vers
Pe kado voj kothe akhardas jekhe shavores, mashkar lende tordyardas les,
3. vers
haj kade das duma: „Amen, phenav tumenge: tena boldentume karing o Del, haj ch«avena kasave, sar le cine shavora, chi zhan andre ande rajosko them.
4. vers
Ke kon cino kerdyol, sar kado shavoro, kodo si o majbaro ande rajosko them.
5. vers
Haj kon andre svagarel jekhe kasave cine shavores ande muro anav, man svagarel andre.
Feripe kathar kordolardyipe
6. vers
Kon pale koldolarel mashkar kadal cine jekhes, kon patyan ande mande, maj mishto avlas kodaleske, kana assavesko barr te phandenas ande leski kor, haj ande mara te shudenas les.
7. vers
Jaj la lumake andaj bidi! Chaches, ke trubuj te aven bidimata, ba jaj kodale manusheske, kon pecil e bida.
8. vers
Kana tyo vast bake tyo punro koldoralel tut, shinles tele haj shudeles tutar! Maj mishtoj tuke paralizanes bake banges andre te zhas ando trajo, sar duje vastenca haj duje punrenca ande sagutni jag te reses.
9. vers
Haj kana tyi jakh koldolarel tut, shinla avri haj shudela tutar! Majmishtoj tuke dopash jakhasa ando trajo andre te zhas, sar duje jakhenca pe dyehennaki jag te reses.
10. vers
Len sama, na dikhen tele chi jekhes mashkar le cine. Ke phenav tumenge: lenge andyela sagda dikhen ando rajo mure Dadeski mosura, kon ando rajo si.
Parabola pa xasalylo bakro
12. vers
So gindin? Kana jekhe manushes shel bakre siles, haj mashkar kodal jekh xasalyvel, chi mukel dore kothe le ijjavardesh thaj ijjan pe plaja, dore chi zhalatar haj chi rodela le xasalyline bakres?
13. vers
Kana pale rakhelales, Amen phenav tumenge: majfeder loshshala kodaleske, sar le ijjavardesh thaj ijjange, save china chi xasalyline.
14. vers
Zhikade tumaro Dad, kon ando rajo si, chi kamel te xasalyvel, chi jekh mashkar kadal cine.
Dumadinipe po phral
15. vers
Tyo phral te bezexarla tuke, zha haj de peleste duma kana duj zhene sanle.
16. vers
Ba tena ashunela pe tute, atunchi le pasha tute inke jekhe bake duje amalen, ke sakone butya duje bake trine manushenga vorbasa trubuj te chacharen.
17. vers
Kana chi pe lengi vorba chi kamel te ashunel, phenles avri la eklezhiake. Kana pale chi pe eklezhia chi kamel te ashunel, te avel pe tyi rig kasavo, sar o murtikano bake o financo.
18. vers
Amen, phenav tumenge: sa kodo so phandav pe phuv, phanglo avla vi ando rajo, haj so opre putrav pe phuv, opre avla puterdo vi ando rajo.
19. vers
Haj Amen, phenav tumenge: kana pe phuv duj zhene ande jekh hatyarimata mangen variso, zhiso te avel kodo, lenales kathar muro Dad, kon ando cheri si.
20. vers
Ke kaj dujzhene bake trin zhene kethane aven ande muro anav, kothe som mashkarlende.”
O Jertipe
21. vers
Atunchi o Peter kothe gelas leste, haj kodo phendas leske: „Raja! Sodivar shaj bezexarel mange muro phral, sodivar trubuj te jertisarav leske? Dore eftavar”
22. vers
O Jezush kado phendas leske palpale: „Na kodo phenav, ke eftavar, ba eftavardesh thaj eftavar.
Parabola pa brutalisho sluga
23. vers
Anda kado cirdel le rajosko them pekh kraj, kon kamlas agurutnes te lasharel peske slugen.
24. vers
Kana las te kerel e traba, kothe ingerdine leste jekhes, kon desh miji talentumonca kamelas leske.
25. vers
Ke nasles anda soste te delle, o raj vladisardas, te biknen les, leska romnya, leske shavoren, haj sakofalo so feri siles, haj kade te potyinel.
26. vers
E sluga pe kado zhikaj e phuv bandyilas, haj tele burdosardes mangelas les: »Av jekh cerra pachuno mande, haj sakofalo do me tuke.«
27. vers
Sunusardyilas le rajesko ilo pe sluga, bishaldas apol les, haj inke vi o kamipe muklas leske.
28. vers
Kadi sluga apol, kana avri gelas, maladyilas peske slugone amalesa, kon kamelas leske shele denaronca. Xutyildas les, las te tasavel les haj kade cipilas: »De palpale, sosa kames mange.«
29. vers
Lesko slugicko amal zhikaj e phuv bandyilas, haj mangelas les: »Av jekh cerra toleransho mande, haj dole tuke.«
30. vers
Ba kodo chi mukelas anda pesko, ba ingerdas les haj ande robija shudas les, zhikaj dela o kamipe.
31. vers
Kana le slugaske amala dikhline e pecimata, zurales brigajline. Gelinetar haj avri phendine sakofalo penge rajeske, ke so pecisardyilas.
32. vers
Atunchi o raj peste akharadas les, haj kado phendas leske: »Tu nasul sluga! Me o intrego kamipe mukhlom tuke, ke mangesas man.
33. vers
Chi trubusardino vi tuke lasho te aves tye amalesa, sar vi me lasho somas tute?«
34. vers
Haj o raj ande peski xolyi perdal das les le dukharenge, zhikaj chi dela pesko intrego kamipe.
35. vers
Kade kerla vi muro rajuno Dad tumenca, kana savorazhene mashkar tumende chi jertisarela peske phraleske anda pesko ilo.”
Könyvek
