Evangeliumo kathar o Mate
15. fejezet
Pa uzhipe haj biuzhipe
1. vers
Atunchi kothe aviline le farizana haj le iskiritora kaj o Jezush anda Jeruzhalemo haj kodo phendine:
2. vers
„Sostar shuden pendar tye sityarde le dulmutanenge tradiciji? Haj ke chi thoven penge vast, kana manro xan.”
3. vers
Voj kado phendas lenge: „Tume pale sostar phagen opre le Devlesko vladipe anda tumari tradicija? Ke o Del kodo phendas:
4. vers
«Patyivin tye dades haj tya da!« haj: »Kon peske dades bake deja marhil, te merel kodo«.
5. vers
Tume pale kodo phenen: »Kana varikon kade del duma kaj pesko dad bake dej: xutyilimaski tofna si kodo, so mandar tuke phirelas,
6. vers
kodaleske chi trubuj peske dades te zhutisarel.« Opre phagline le Devleski vorba anda tumari tradicija.
7. vers
Tume paxande! Mishto profecisardas pa tumende o Izajash:
8. vers
«Kado popularo peske mujesa patyivil man,
ba lesko ilo dur si mandar.
9. vers
Xoxamnes patyivin man,
kana manushano zhanaripe haj vladimata sityaren«.
10. vers
Pala kado peste akhardas le butimatan, haj kodo phendas lenge: „Ashunen haj hatyarenla:
11. vers
Na kodo kerel biuzheske le manushes, so andre zhal ande lesko muj, ba kodo so avri avel anda lesko muj, kodo kerel biuzheske le manushes.”
12. vers
Atunchi kothe geline leske sityarde, ha kodo phendine leske: „Dore, zhanes, ke le farizana xolyajline pe kodo so phendan?”
13. vers
Voj kado phendas lenge palpale: „Sakono vegetato, so na muro Dad beshadas, zhikathar e rikita avri cirdena.
14. vers
Muken len: korrenge korre drom sikavara si von. Haj kana korro sikavel o drom le korreske, atunchi solduj zhene ande gropa peren.”
15. vers
O Peter atunchi kado phendas leske: „Phen avri amenge u-zhes kadi parabola!”
16. vers
Voj kado phendas: „Inke vi akanak bi hatyarde sanle vi tume?
17. vers
Chi hatyaren, ke sa kodo, so andre zhal ando muj, ande rinza resel, pala kodo pale ando ushajicko iskamin shudenles?
18. vers
Ba kodo, so anda muj avri avel, anda ilo avel, haj kado kerel biuzheske le manushes.
19. vers
Ke anda ilo aven le nasul gindimata, mudarimata, ansurimata opre phaglipe, marhimata, chorimata, xoxamne colaxarimata, haj kushlimata.
20. vers
Kadal keren biuzheske le manushes. Kodo pale, ke varikon bi thode vastesa xal, chi kerel biuzheske le manushes.”
Jekh shejako sastyaripe kaski dej bipatyamni sas
21. vers
O Jezush pala kado gelastar kothar, haj palpale gelas pe Tiruseske haj Sidoneske phuva.
22. vers
Haj aketa, jekh Kanaanicko romnyi, kon pa kodal riga avilas, kade cipilas leste: „Zhutisar pe mande Raja, Davidesko shavo! Mura sha zurales azbal jekh beng.”
23. vers
Ba voj chi jekh vorba chi das late palpale.
Leske sityarde kothe geline leste haj mangenas les: „Bishal la, ke cipil palamende!”
24. vers
Atunchi kade das duma: „Chi lom kaver thaneste bishavjimata, numa kaj le Izrael khereske xasarde bakre.”
25. vers
E romnyi vi kade kothe gelas, changa das angla leste, haj mangelas les: „Raja, zhutisar pe mande!”
26. vers
Pe kado kade das duma palpale: „Chi perelpe te len le shavorengo manro haj kothe te shudenles le cine zhuklenge.”
27. vers
Ba e romnyi majdur phenelas: „Ova, Raja, ba vi le cine zhukela xan anda purshuka, save tele peren pa lenge rajeski mesalya.”
28. vers
Pe kado o Jezush kade das late duma: „Romnye, baroj tyo patyape! Te pecisardyol tusa, sar tyo kamipe mangel tuke!” Haj ande kodo chaso sastyilas laki shej.
Le nasvalengo sastyaripe
29. vers
O Jezush pala kado gelastar kothar, pasha Galileicko mara. Opre gelas po plaj haj kothe tele beshlas.
30. vers
But manusha aviline kothe leste: sas lenca bange, korre, paralizanicka, mutura haj inke but kaver falicka nasvale. Tele shutele kaj leske punre, voj pale sastyardas len.
31. vers
E butimata chudilaspe, kana dikhline le muton te vorbin, le paralizanen te sastyon, le bangen te phiren, le korren te dikhen, haj asharenas le Izraeleske Devles.
O dujto manresko butaripe
32. vers
O Jezush pale peste akhardas peske sityarden, haj kade das lende duma: „Sunusardyol muro ilo pe butimata, ke aketa, aba trin dyes, ke manca si von, haj najle so te xan. Chi kamav te bishalavle bokhales, tena khinyontar po drom.”
33. vers
Le sityarde kado phendine leske palpale: „Kathar avlas ande pustimata kattyi manro amen, mishto te inkras kattyi manushen?”
34. vers
O Jezush pushlas lendar: „Sode manre si tumen?” Kodo phendine: „Efta, haj unyi cine mashe.”
35. vers
Pe kado vladisardas le butimatange te beshen tele pe phuv.
36. vers
Pala kodo xutyildas le efta manren haj le mashen, najisipe phendas, phaglasle haj kothe dasle le sityardenge, le sityarde pale le butimatange.
37. vers
Xaline savora zhene, haj vi chajiline. So ashilas xamasko opre kidine, anda soste efta koshnyici shutine pherdo.
38. vers
Shtar miji mursh sas kon xalas, le romnyan haj le shavoren na ginades.
39. vers
Pala soste bishaldas le butimatan, andre hulyilas ando bero, haj pe Magadaske phuva gelastar.
Könyvek
