Evangeliumo kathar o Mate
19. fejezet
O Jezush ande Judea zhal
1. vers
Pecisajlas, ke o Jezush kana andre agorutnisardas kadal vorbi, gelastar anda Galilea, haj ande Judeaki granica gelas perdal pa Jordano.
2. vers
But manusha zhanas pala leste, haj kothe sastyardas len.
Pa shindyipe haj pa bizhulyipe
3. vers
Atunchi kothe geline leste le farizana, avri te zumaven les, pushline lestar: „Slobodo si te bishalel le manusheske pestar peska romnya anda zhisoski butyi?”
4. vers
Voj pe kado kodo phendas: „Chi ginade, ke kon zhikathar o anglalutnipe kerdas, »mursheske haj zhulyake kerdas len?« haj kade das duma:
5. vers
«Anda kado o manush mukel peske dades haj da, kaj peski romnyi cirdel, haj le duj jekhe truposke kerdyol«.
6. vers
Kade apol aba na duj zhene si, ba jekh trupo. Kade so o Del kethane phanglas, kodales manush tena putrel opre.”
7. vers
Pe kado kodo phendine leske: „Sostar vladisardas atunchi o Mozes, ke shindyimasko lil trubul te den haj kade trubuj te bishalen la?”
8. vers
Kodo phendas lenge: „O Mozesh anda tumaro capeno ilo muklas tumenge, ke te bishalen tumara romnyan. Ba kado anglalutnes na kade sas.
9. vers
Phenav apol tumenge: kon bishalel peska romnya – dore feri kana na anda marhipe -, haj kavera lela, ansurimata phagel.”
10. vers
Leske sityarde pe kado kodo phendine leske: „Kana kade tordyol e butyi le manusheska romnyasa, maj mishto si kana china chi len romnya.”
11. vers
Voj kodo phendas lenge palpale: „Na sakon hatyarel kadi traba, numa kodal, kaske davadyilas.
12. vers
Ke si vi eunukha, kon anda penga dejaki utera kade arakhadyiline: pala kodo si eunukha, kas le manusha kerdine kasavenge, haj si vi kasave eunukha, kon pen bi murshardine anda rajesko them. Kon zhanel te hatyarelles, te hatyarelles.”
Le shavorengo ashtyilipe
13. vers
Atunchi cine shavoren ingerdine kothe leste, te shol pe lende pesko vast haj rudyimata te phenel, ba le sityarde kushline len.
14. vers
Ba o Jezush kodo phendas: „Muken mande te aven le cine shavoren, haj na tordyaren len, ke kasavengej le rajosko them.”
15. vers
Pe lende shutas pesko vast, haj majdur gelas kothar.
Pa barvalipe haj pala Jezush zhape
16. vers
Atunchi aketa, varikon kothe gelas leste haj kodo phendas: „Maistro! So lasho te kerav, te resav o sagutno trajo?”
17. vers
Voj kodo phendas leske: „Sostar pushes man pa lasho? Feri jekh varikon si o lasho. Kana pale andre kames te zhas po trajo, inker andre le vladimata.”
18. vers
Kodo pushlas les: „Saven?” O Jezush kado phendas palpale: „Na mudar, na phag ansuripe, na colaxar xoxamnes,
19. vers
patyivin tye dades haj tya da, haj kam tye dopashone vortakos, sar tut”.
20. vers
O terno pe kado kodo phendas leske: „Sa kadala andre inkerdom, so faltil inke mange?”
21. vers
Pe kado o Jezush kade das leste duma: „Kana feder kames te aves, bikin, kodo so si tut, dele kothe le chorrenge haj avucija avla tut ando rajo. Pala kodo av pala mande.”
22. vers
Kadal vorbi ashundes o terno brigasles gelastar, ke baro barvalipe sas les.
23. vers
Atunchi o Jezush kade das duma kaj peske sityarde: „Amen, phenav tumenge: o barvalo manush phares zhanel andre te zhal ande rajosko them.
24. vers
Haj pale phenav tumenge: Maj ushoroj le dromedareske perdal te zhal pa suvako kan, sar le barvaleske andre te zhal ande Devlesko them.”
25. vers
Kadal ashundes le sityarde zurales chudinaspe haj pushline les: „Atunchi apol kon shaj muntosardyol?”
26. vers
O Jezush pe lende dikhlas haj kade das duma: „Le manushenge bi shajipe si kado, ba le Devleske sakofalo shajipe si”.
27. vers
Atunchi duma das o Peter haj kado phendas leske: „Aketa, ame mukhlam sakofalo, haj avilam pala tute. So avla apol amenca?”
28. vers
O Jezush kodo phendas leske: „Amen, phenav tumenge: tume, kon aviline palamande, kana avla o nyevo arakhadyipe, kana le Manushesko Shavo tele beshela pe pesko luvudyimasko iskamin, vi tume pe deshuduj iskamina beshena, haj krisarena le Izraeleske deshuduje kunpanian.
29. vers
Haj sakon, kon mukhlas pesko kher, phralen bake phenyan, peske dades bake deja, peske shavoren bake peske phuva anda muro anav, shelvar kattyi lela haj sagutno trajo arakhela.
30. vers
But zhene avna anda anglune palune, haj anda palune anglune.
Könyvek
