Evangeliumo kathar o Mate
16. fejezet
O Jezush chi del somno
1. vers
Kothe geline leste le farizana haj le sadduceusha, avri te zumaven les. Mangline les, te sikavel lenge cheresko somno.
2. vers
Voj kado phendas lenge palpale: „Kana andre ratyol, kodo phenen: »Lashi vrama avla, ke lolyol o cheri.«
3. vers
Kana zoril pale: »Adyes tufano avla, ke lolyol haj kalyol o cheri.« Le cheresko mosuripe apol zhanen so sikavel, ba le vramake somnura aba chi zhanen!
4. vers
O nasul haj ansuripe oprephaglo generaciovo apol somno dorosarel, ba chi lel kaver somno, feri le Jonashesko somno.” Kadalesa kothe mukhlas len, haj gelastar.
Feripe kathar le farizana haj sadduceusha
5. vers
Kana leske sityarde perdal gelinne pe kaver dolma, bisterdine manro te ingren.
6. vers
O Jezush kade das lende duma: „Len sama, ferin tumen kathar le farizanengo haj sadduceushengo kamiripe!”
7. vers
Kodal pe kado kade vorbinas mashkar jekhavreste: „Ch«andam manro!”
8. vers
O Jezush, kon zhanelas kado, pushlas lendar: „Cerra patyamne, sostar vorbin tume mashkar tumende pe kodo, ke naj tumen manro?
9. vers
Haj inke chi akanak chi hatyaren? Chi seron pe panzh miji manushenge panzh manre, haj sode koshnyicenca kidinele opre?
10. vers
Haj pe shtar miji manushenge efta manre, haj sode koshnyicenca kidinele opre?
11. vers
Sostar chi hatyarenla, ke na pa manre vorbisrdom tumenge! Kathar le farizanengo haj sadduceushengo kamiripe te ferin tumen!”
12. vers
Atunchi, hatyardine, ke na pe kodo gindisardas, ke kathar le manresko kamiripe te ferin pen, ba ka-thar le farizanengo haj sadduceushengo sityaripe.
O Peter avri phenel pesko patyape; haj le Jezushesko utarimo
13. vers
Kana o Jezush kaj le Filip Cezareske phuva gelas, pushlas peske sityarden: „Kaske inkren le manusha le Manusheske Shaves?”
14. vers
Von kado phendine: „Si kon le Bolare Jano-sheske, kavera le Illesheske, kavera pale le Jeremiasheske, bake jekheske mashkar le profeti.”
15. vers
Pe kado pushlas len: „Haj tume kaske inkren man?”
16. vers
O Shimon Peter utarisardas leske: „Tu san o Kristo, le trajisarde Devlesko shavo.”
17. vers
O Jezush kado phendas leske: „Anando san Shimon, Jonashesko shavo! Ke na o trupo haj o rat phendas tuke kado avri, ba muro Dad, kon ando rajo si.
18. vers
Me pale phenav tuke: Tu Peter san, haj me pe kado barruno plaj vazdo muri ekhlezhia, haj le telalutni lumake vudara chi zhanena dosh te keren ande la.
19. vers
Tuke dav le rajoske themeske kiji. So phandes pe phuv, kodo phanglo avla vi ando rajo, haj so opre putres pe phuv, kodo opre avla puterdo vi ando rajo.”
20. vers
Pala kodo phendas le sityardenge, ke khanyikaske tena phenen avri, ke voj si o Kristo.
Le dukhimaske haj opretrajisarimasko angluno profecipe
21. vers
Kathar kadi vrama las te phenel o Jezush peske sityardenge, ke ando Jeruzhalemo trubuj te zhal, but trubuj te dukharel kathar le phure, angrashaja, iskiritora, trubuj te mudaren les, haj po trito dyes opre trubuj te trajisardyol.
22. vers
O Peter pe kado rigate akhardas les, haj las tele te vorbil les: „Dur te avel tutar kado, Raja! Kado nashtig pecisardyol tusa.”
23. vers
Ba voj boldaspe haj kado phendas le Petereske: „Zhatar anglamande, Shatanona! Xolyares man, ke na le Devleske butyanca grizhos tut, ba le manushengirenca!”
Pala Jezush zhalipe; o pestar-asvikaripe
24. vers
Atunchi o Jezush kodo phendas peske sityardenge: „Kana varikon pala mande kamel te avel, te asvikarel pes, te lel opre pesko trushul haj te avel pala mande.
25. vers
Ke kon kamel te muntul pesko trajo, xasarel kodo, haj kon xasarel pesko trajo anda mande, rakhel kodo.
26. vers
Ke so mol le manusheske, kana leske kerdyol e intrego luma, ba lesko trajo dosh dukharla? Bake so shaj del o manush parudes anda pesko dyi?
27. vers
Ke le Manushesko Shavo avelatar peske andyelonca ande peske Dadesko luvudyipe, haj atunchi potyinela sakoneske, kade sar perelpe leske.
28. vers
Amen phenav tumenge: si unyi zhene mashkar kodala kon kathe tordyon, kon chi zumavena le meripes, zhikaj chi dikhena le Manusheske Shaves, sar aveltar ande pesko them.”
Könyvek
