Evangeliumo kathar o Mate
24. fejezet
Pa khangerako pustipe
1. vers
O Jezush avriavilas anda khangeri haj las te zhaltar. Leske sityarde kothe geline leste, te sikaven leske la khangerake riga.
2. vers
Atunchi kade das duma lende: „Apol dikhen savora zhene kadal sa? Amen, phenav tumenge: Chi ashola kathe barr po barr, so tena pustilaspe.”
Le pecimatange anglimata
3. vers
Kana pe uloj kashtengo plaj tele beshlas, le sityarde kothe geline leste haj mangenas les: „Phen amenge avri, ke kana pecisardyona kadala? Haj so avla o somno tye avlimaske haj la lumake agorake?”
4. vers
O Jezush kodo phendas lenge: „Len sama, tena xoxavel varikon tumen.
5. vers
Ke but zhene avna ande muro anav haj kodo phenena: »Me som o Kristo«, haj bute zhenen perdal marena.
6. vers
Pa marimata haj pa kodalengi viaca ashunena. Len sama, tena darajven. Kadalake andre trubuj te pherdyol, ba kado inke na o agor avla.
7. vers
Ke popularo po popularo dela haj them po them. But rigate bari bok avla haj mishkilape e phuv.
8. vers
Ba sa kadal feri le dukhango anglipe avla.
9. vers
Atunchi maj dukharena haj mudarena tumen. Ruci avna angla sakono popularo anda muro anav.
10. vers
But zhene bezexasle kerdyona, purrina haj rucina jekhavres.
11. vers
But xoxamne profeti kerdyona haj but zhenen vi xoxavena.
12. vers
Ke butajvela o nasulipe bute zhenengo kamipe avri shudrola.
13. vers
Ba kon avri inkrel sagutnes, kodo muntosajvel.
14. vers
Haj le themeski kadi losshani viaca pe intergo luma viacarena, chacharipe kerena angla sakono popularo – haj atunchi avla o agoripe.
O pustipe
15. vers
Kana apol dikhena ke o putisardo marhipe, pa soste o Daniel profeta vorbilas, kothe tordyola po sunto than – kon ginavelles, te hatyarelles!-,
16. vers
Atunchi kodala, kon ande Judea si, te nashen ande plaja.
17. vers
Kon pe kheresko opralutnipe si, te na hulyol tele kothar, te ingrel variso anda kher,
18. vers
kon pale pe mal si tena avel palpale kothar, te ingrel peske gada!
19. vers
Jaj le phare haj chuchi dine romnyange ande kodal dyesa!
20. vers
Rudyin anda kodo, ke tumaro skepipe, na jivende haj na savatone te avel.
21. vers
Ke kasavo baro kikidipe avla atunchi, zhikaj nas inke kathar la lumako anglalipe zhikaj akanutni vrama, haj china chi avla majbut.
22. vers
Tena skurtosarenas kodal dyesa, chi muntosardyolas chi jekh zhuvindo; ba anda alosardo skurtosarena kodal dyesa.
23. vers
Atunchi, kana varikon kodo phenela tumenge: »Aketa, katej o Kristo«, bake »Kothej«, na patyan kodo.
24. vers
Ke xoxamne Kristura haj xoxamne profeta kerdyona, bare somnura haj chudimata kerena, ke te shaj, vi le alosarden perdal te zhanen te maren.
25. vers
Aketa, anglal phendomles tumenge.
26. vers
Kana apol kodo te phenena tumenge: »Aketa, ande pusta si«, na zhan avri: »Aketaj, ande andralutni soba«, na patyan.
27. vers
Ke sar o strafin pe orienteski rig fimlal haj pe nordeneski rig dichol, kasavo avla vi le Manusheske Shavesko avlipe.
28. vers
Ke kaj o mulo trupo si, kothe huran vi le mulikane chiriklya.
Le Manusheske Shavesko avlipe
29. vers
Pala kadale dyesengo kikidyipe o kham kalyolatar, o shonitiko chi rispisarla majbut pesko fimlalipe, le cherhaja tele perena pa cheri, haj le chereske zora slabosajvenatar.
30. vers
Pala kodo opredichola po cheri le Manusheske Shavesko somno, haj atunchi pesko kolyin marela la phuvako sakono popularo. Dikhena le Manusheske Shaves, sar avelatar pe chereske norura saktimosa haj luvudyipesa.
31. vers
Bishalela peske andyelon bare bashavlyimatasa, haj kodal kethane kidena leske alosarden pa lumake shtar riga, kathar le chereski jekh rig zhikaj e kaver agor.
Pe palune vrami phende ferimata
32. vers
Len parabola pa gular kasht: kana aba kolej leske kranzhi haj leske patra avri puterdyiline, zhanen, ke pashe si o milaj.
33. vers
Kade vi tume, kana sa kadal dikhena, zhanen avri, ke pashe si, aba ando vudar.
34. vers
Amen, phenav tumenge: chi nacholatar kado generaciovo, zhikaj kadal chi pecisardyona.
35. vers
Cheri thaj phuv nachonatar, ba mure alava chi nachonatar.
36. vers
Ba kodo dyes haj kodo chaso khonyik chi pinzharel: chi le chereske andyela, chi o shavo, feri korkoro o Dad.
37. vers
Ke sar le Noevoske dyesa, kasavo avla vi le Manusheske Shavesko avlipe.
38. vers
Ke sar angla bare pajesko shordyipeske dyesa so feri xaline haj piline, romnya line haj romeste geline, zhikaj kodo dyes, zhikana o Noe andre gelas ando bero,
39. vers
haj china chi gindisardine, zhikaj ch«avilastar le bare pajesko shordyipe haj chi mudardas len savora zhenen: kade avla vi le Manusheske Shavesko avlipe.
40. vers
Kana a-tunchi dujzhene pe plugasle phuva avna, le jekhes opre lena, le kaveres kothe mukena.
41. vers
Haj kana duj romnya morena assavesa, la jekha opre lena, la kavera kothe mukena.
Pa sama lelipe
42. vers
Aven apol sama linde, ke chi zhanen, ke savo dyes avelatar tumaro Raj.
43. vers
Kodo pale hatyaren, ke te zhanelas le kheresko raj, ke ande savi vramate avla o chor, sama lindo avelas haj chi mukelas andre te phagel ando kher.
44. vers
Aven apol gata vi tume, ke ande savo chaso chi gindina, avla le Manushesko Shavo.
Paraboli pa chacho haj nasul sluga
45. vers
So gindis, savo si o chacho haj godyaver sluga, kas o Raj angla peske khereske manusha tordyarel, te del avri lenge o xamasko ande vramate?
46. vers
Anando si kodi sluga, kasko raj, kana khere resel, ande kadi butyi rakhel.
47. vers
Amen, phenav tumenge: pe pesko intrego barvalipe opral shol les o raj.
48. vers
Ba kodo nasul sluga kodo te phenel ande pesko ilo: »Pe buteste avel aba muro raj«,
49. vers
haj lela te marel peske slugane amalen, xal thaj pel le matenca;
50. vers
avla kodo dyes lesko raj kodale slugaske, pe savo chi zhukarela les, haj ande kodo chaso, ande saveste chi gindila.
51. vers
Nashavela les, haj pe paxandengi zheja resarela les. Avla kothe rovjipe haj dand kircipe!
Könyvek
