Evangeliumo kathar o Mate
2. fejezet
Le khamorienticka platnika den e patyiv
1. vers
Kana ande Herodesh krajeske dyesa o Jezush arakhadyilas ande Judeako Betlehemo, aketa, pa khamorienteski rig platnika aviline ando Jeruzhalemo,
2. vers
haj pushline: „Kaj si le biboldengo akanak arakhadyilino kraj? Ke dikhlam lesko cherhaj pe khamorienteski rig, haj avilam te luvudyisaras leske.”
3. vers
Kana o Herodesh kraj ashundas kado, bi pachipe xutyildas les, haj lesa kethanes sa le intregone Jeruzhalemos.
4. vers
Pala kodo kethane akharadas sa le popularoske intregone angrashajen haj iskiritoren, haj pushelas lendar, ke kaj trubuj te arakhadyol o Kristo.
5. vers
Kodal kado phende leske: „Ande Judaicko Betlehemo, ke kade si iskirime kathar e profeta:
6. vers
»Haj tu Betlehem, Judeaki phuv,
chi sar chi san maj cini mashkar
Judeake krajicka forura,
ke anda tute barola o kraj,
kon malyari avla mure popularoske,
le Izraeleske«”.
7. vers
Atunchi o Herodesh ande tajna peste akharadas le platnikonen, haj mishto avri pushlas lendar, ke kana sikadyilas opre o cherhaj.
8. vers
Pala kodo bishaldas len ando Betlehemo kadale vorbenca: „Zhantar, haj pushen chachikanes pa shavoro, haj kana rakhline les, zhanavaren kodo manca, ke vime te shaj zhav leste haj te dav e patyiv angla leste.”
9. vers
Kodal pale kana aba ashundine le krajes, gelinetar. Haj aketa, o cherhaj so kaj khamorienteski rig dikhline, angla lende nakhelas, pala kodo kana kothe reslas kaj o than, opral pa leste tordyilas, kaj o cino shavoro sas.
10. vers
Kana le cherhajes dikhline, zurales opre losshajline.
11. vers
Pala kodo andre geline ando kher. Dikhline le cine shavores peska dasa, la Marijasa, haj pe phuv burdosajlines luvudyinas angla leste. Pala kodo opre puterdine penge avuciange kutiji haj dimata imbisardine opre leske, somnakaj, dhunimo, haj mirha.
12. vers
Ba ke ande penge sune somno line, ke tena zhan palpale kaj o Herodesh, kade pe kaver droma geline palpale ande penge thema.
Nashlipe ando Edyiptomo
13. vers
Pala soste von gelinetar, aketa, le Rajesko andyelo sikadyilas le Jozhefeske ande lesko suno haj kade das duma: „Ushtyi opre, le pasha tute le shavores haj leska da, haj sidyar ando Edyiptomo! Ash kothe, zhikaj me duma chi do tuke! Ke o Herodesh rodela le cine shavores, te mudarel les.”
14. vers
Pe kado voj opre ushtyilas, ratyi pashapeste las le shavores haj leska da, haj gelastar ando Edyiptomo.
15. vers
Kothe sas zhikaj le Herodeshesko meripe, ke andre te pherdyol le Rajeski vorba, so pa profeta perdal phendas:
„Anda Edyiptomo akhardom avri mure shaves”
Le betlehemicka shavorengo mudaripe
16. vers
Atunchi o Herodesh, kana dikhlas, ke avrikhelde les le platnika, zurales opre xolyardyilas, haj peske manushen bishaldines, mudaradas sa le intregone cine shaven ando Betlehemo haj kothe krujal sa ande cine gava zhikathar duj bersh haj maj ternen, kaj kodi vrama so avri zhanglas kathar le platnika.
17. vers
Kade andre pherdyilas o alav, so o Jeremiash profeta phendas:
18. vers
»Glaso ashundyol ande Rama,
baro rovjipe haj cipipe;
e Rachel rovjarel peske shaven,
haj chi kamel te pachardyol,
ke najle aba«
Palpale avlipe anda Edyiptomo
19. vers
Kana o Herodesh mulas, aketa, le Rajesko andyelo sikadyilas le Jozhefeske ande lesko suno ando Edyiptomo
20. vers
haj kade das duma: „Ushtyi opre le pasha tute le cine shavores haj leska da, haj zha pe Izraeleski phuv. Ke muline kodal, kon kamline te len le shavoresko trajo.”
21. vers
Voj opre ushtyilas, pasha peste las le cine shavores haj kodaleska da, haj andre gelas pe Izraeleski phuv.
22. vers
Ke ashundas, ke o Arkelaus krajilpe ande Judea pala pesko dad, pala Herodesh, daralas kothe te zhal. Ke palasoste ande pesko suno somno las, gelastar pe Galileake phuva.
23. vers
Kana kothe reslas andekh Nazaret anavesko foro maladas vatra, ke kade andre te pherdyon, so le profeta phendine: „Nazaretickoneske anavarena les.”
Könyvek
