Evangeliumo kathar o Mate
7. fejezet
O krisaripe
1. vers
Na krisaren, tena krisarentar tumen.
2. vers
Ke soski krisasa tume krisaren, kasavasa krisarena vi tumen, haj sodenca tume vazaren, kattyenca vazarena vi tumenge palpale.
3. vers
Sostar dikhes e pansliga ande tye phraleske jakha, kana ande tyire jakha pale chi les sama o berando?
4. vers
Bake sar shaj phenes tye phraleske: mukh te lav avri anda tye jakha e pansliga, kana aketa, o berando kothej ande tyire jakha?
5. vers
Paxande! Shude avri majanglal anda tyire jakha o berando, atunchi dikhesa, te shaj les avri e pansliga anda tye phraleske jakha!
Le sunci butya
6. vers
Na den le sunci butya le zhuklenge, haj tumare bisora na shuden angla bale, tena ushtyaven pe lende penge punrenca, haj kana boldenpe, te mudaren tumen.
Patyape ando rudyimo
7. vers
Mangen haj dena tumenge, roden haj rakhena, katnaren o vudar haj putrena kodo tumenge.
8. vers
Ke sakon, kon mangel, lel, kon rodel, arakhel, haj kon o vudar katnarel kodaleske avri putren kodo.
9. vers
Bake kon si mashkar tumende, kon, kana lesko shavo manro mangel lestar, barr del les?
10. vers
Bake kana masho mangel, dore sap del les?
11. vers
Apol tume, kon nasula sanle, zhanen lashe dimata te den tumare shavorenge, sodivar majfeder dela tumaro Dad, kon ando rajo si, lashe butya kodalen, kon mangen les?
Somnakune riti
12. vers
Sa kodo, so fajas tumen, te keren tumenge le manusha, keren kodol vi tume lenge. Ke kado si e kris haj le profeciji.
O duj drom
13. vers
Pa tang vudar zhan andre, ke bulhoj o vudar haj bulhoj o drom, savo ando meripe ingrel, haj but zhene si, kon andre zhan pa leste.
14. vers
Haj sosko tang si o vudar haj o drom, savo po trajo ingrel, haj soske cerra zhene si, kon rakhenles!
Le xoxamne profeti
15. vers
Ferin tume kathar le xoxamne profeti, save ande bakreski faca aven tumende, andral pale turbatone ruv si.
16. vers
Pa lenge fruktura pinzharena len opre. Dore kiden pa kanro drakh, bake pa churindi gular?
17. vers
Kade sako lasho kasht lasho frukto upajil, o nasul kasht pale nasul frukto upajil.
18. vers
O lasho kasht nashtig upajil nasul frukto, haj chi o nasul kasht nashtig upajil lasho frukto.
19. vers
Sakone kashtes, savo chi upajil lasho frukto, avri shinen haj pe jag shuden.
20. vers
Apolal, pa lenge fruktura pinzharena opre len.
21. vers
Na sakon, kon kodo phenel mange: »Raja, Raja!«, zhal andre ande rajosko them, numa kodo, kon kerel mure Dadesko kamipe, kon ando rajo si.
22. vers
But zhene phenena mange kodo dyes: »Raja, Raja! Na ando tyiro anav profetisarasas, na ande tyiro anav nashavasas bengen, haj na ande tyiro anav kerasas but chudimata?«
23. vers
Atunchi maj avri pheno lenge: »Chikana pinzharos tumen. Durutnisajven mandar tume, kon nasulimata kerdine!«
Po plaj kerdo kher
24. vers
Ke sakon, kon ashunel mure akanutne vorbi haj kerdyimata kerla kodalen, cirdel po godyaver manush, kon pesko kher po plaj kerdas.
25. vers
Shindyolas o brishind, shordyolas o paji, phurdenas le balvaja haj le khereske denas. Ba kodo chi phagerdyilas kethane, ke lesko fundo po plaj shutine tele.
26. vers
Sa kodal pale, kon ashunel mure akanutne vorbi, ba chi kerla kerdyimatange kodala, cirdel pe kodo dilo manush, kon peske kheres po kishaj kerdas.
27. vers
Shindyolas o brishind, shordyolas o paji, phurdenas le balvaja haj le khereske denas. Kodo kethane phagerdyilas, haj baro sas lesko chorripe.
E Plajane Vorbimatake hatyarimata
28. vers
Pecisajlas apol, ke kana o Jezush agurutnisardas kadal vorbi, sa le manusha bari dikhenas pe lesko sityaripe,
29. vers
ke kade sityarelas len, sar kas saktimo siles, haj na kade, sar le iskiritora.
Könyvek
