Evangeliumo kathar o Mate

Fejezetek:

… 23 24 25 26 27 28   ⇤ ← 25 → ⇥

1. vers

Atunchi anela le rajosko them pe desh sunci sheja, kon xutyildine penge phabarde haj avri geline angla piramno.

2. vers

Panzh mashkar lende chaladora sas panzh pale godyavera.

3. vers

Ke le chalade kana opre line penge phabarde, chi line pende uloj.

4. vers

Ba le godyavera penge phabardenca kethane vi uloj ingerdine penca ande penge vasura.

5. vers

Ke o piramno chi reslas pe vramate, savorazhene lindrale kerdyiline haj sutetar.

6. vers

Ba dopash ratyi cipipe ashundyolas: »Kathej o piramno, aven avri angla leste!«

7. vers

Atunchi le sunci sheja savora zhene opreushtyiline haj lashardine penge phabarden.

8. vers

Le chalade atunchi kade dine duma kaj le godyavera: »Den amen anda tumaro uloj, ke avri soventar amare phabarde.«

9. vers

Le godyavera kado phendine lenge: »Dore tena avel dosta chi amenge, chi tumenge, zhan barem kaj le biknara haj kinen tumenge.«

10. vers

Zhikaj kodola gelinetar te kinen uloj, reslas o piramno, haj kon gata sasle, andre geline lesa po colaxaripe. O vudar andre phandadine.

11. vers

Maj palal resline vi le majbut sunci sheja. Kodo phendine: »Raja, Raja! Puter avri amenge!

12. vers

Ba voj kado phendas palpale: »Amen, phenav tumenge: chi pinzharav tumen.«

13. vers

Aven apol samalinde, ke chi pinzharen chi o dyes, chi o chaso.

14. vers

Kade avla, sar kana jekh manush kodo kamlas, ke pe strene phuva te zhaltar. Akhardas peske slugan, haj perdal das lenge pesko barvalipe.

15. vers

Le jekhes panzh talentumo das, le kaveres dujen, le tritos pale jekh, savorenge sar pelaspe: haj gelastar pe strene phuva. Atunchi sigo

16. vers

gelastar kodo, kon panzh talentumo las, andre pashjardas kodalen, haj rodas inke panzhen.

17. vers

Zhikade vi kodo, kon dujen las, rodas inke dujen.

18. vers

Ba kodo kon jekh las, gelastar, ande phuv hunades garadas peske rajeske love.

19. vers

Pala but vrama khere avilas kadale slugango raj, haj oprepushlas len.

20. vers

Angle tordyilas atunchi kodo, kon panzh talenumura las, haj andas inke panzhe kavera talentumura, haj kade das duma: »Raja, panzh talentumura dan man, dikh, kavera panzh rodem inke pe lende.«

21. vers

Lesko raj kodo phendas leske: »Mishtoj, lasho haj chachi sluga san! Ando cino chacho sanas, abakanak but mukav pe tute: zha andre ande tye rajeski lossh.«

22. vers

Pala kado avilas vi kodo, kon le duj talentumura las, haj kade das duma: »Raja, duj talentumura dan man, dikh, inke duj talentumura rodem pe lende.«

23. vers

Lesko raj kado phendas leske: »Mishtoj, lasho haj chachi sluga san, ando cino chacho sanas, abakanak but mukav pe tute: zha andre ande tye rajeski lossh.«

24. vers

Palunes kothe avilas vi kodo kon jekh talentumo las, haj kado phendas: »Raja, zhanav pa tute, ke capeno manush san, kosis, kaj chi beshadan, haj andre kides vi kothar kaj chi ropnardan.

25. vers

Ke daros tutar, gelomtar haj garadom tyo talentumo ande phuv. Aketa, so tyiro si!

26. vers

Lesko raj kado phendas leske palpale: »Tu nasul haj bi butyako sluga! Zhanglan, ke kosij kaj chi beshadom haj kethane kidav kothar, kaj chi ropnardom.

27. vers

Haj zhianda kado trubusardino mure love te des kothe le love opre paruvarange, ke kana khere avav, butardes te lav palpale so muroj.

28. vers

Len apol lestar o talentumo haj denles kodaleske, kas desh talentumura si!

29. vers

Ke sa kodaleske, kas si, inke dena haj mishto trajila. Kathar kodo kas pale naj, inke vi kodo len, so siles.

30. vers

Le khanchikerde slugas pale shudenles avri po avralutno tunyarikipe! Avla kothe rovjipe haj dand kircipe!«

31. vers

Kana le Manushesko Shavo avelatar ande pesko luvudyipe, haj lesa kethanes le andyela savora zhene, atunchi tele beshela pe pesko luvudyaslo iskamin.

32. vers

Kethane kidena angla leste sakone popularon, voj pale alosarela len jekhavrestar, sar kana o malyari alosarel le bakren kathar le busnya.

33. vers

Le bakren pe peski chachi rig tordyarela, le busnyan pale po stungo rig.

34. vers

Atunchi o kraj kade dela duma kaj kodala, kon pe chachi rig tordyon: »Aventar, mure Dadeske ashtyilime, len perdal le themes, so tumenge keradyilas zhikathar la lumako kerdyipe.

35. vers

Ke bokhajlom haj dine man te xav, trushajlom haj dine man te pav, streno somas haj andre svagardine man,

36. vers

nango somas haj opreurade man, nasvalo somas haj aviline te dikhen man, phanglo somas haj aviline mande.«

37. vers

Atunchi le chache pushena lestar: »Raja, kana dikhlam tut te bokhajves, haj dam tut te xas, bake te trushajves haj dam tut te pes?

38. vers

Kana dikhlam tut sar strenos, haj andre xutyildam tut, bake nanges, haj opreuradam tut?

39. vers

Kana dikhlam tut nasvales bake phangles haj gelamtar tute?«

40. vers

O kraj kade dela vorba palpale lenge: »Amen, phenav tumenge: kana mashkar mure majcine phral kerde kado jekheske, mange kerdineles.«

41. vers

Pala kado kon pe leski stungo rig tordyon, kado phenela: »Zhantar mandar, tume armajasle, pe sagutni jag, so le bengeske haj leske andyelonge kerdyilas.

42. vers

Ke bokhajlom haj chi dine man te xav, trushajlom haj chi dine man te pav,

43. vers

streno somas haj chi svagardine man andre, nango somas haj chi urade man opre, nasvalo somas haj phanglo, haj ch«aviline te dikhen man.«

44. vers

Pe kado vi kodola pushena: »Raja, kana dikhlam tut te bo-khajves bake trushajves, sar strenes bake nanges, nasvales bake phangles, haj chi slugisardam tuke?«

45. vers

Atunchi voj kade dela vorba palpale lenge: »Amen, phenav tumenge: Kana chi kerdine kado mashkar kadal majcine jekheske, mange chi kerdineles.«

46. vers

Haj zhanatar kadal pe sagutne dukha, le chache pale po sagutno trajo.”

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28