Evangeliumo kathar o Mate
9. fejezet
Jekhe paralizanesko sastyaripe
1. vers
Pala kado andre hulyilas andekh bero, perdal nakhlas pa mara, haj gelastar ande pesko foro.
2. vers
Atunchi aketa, kothe ingerdine leste jekhe nasvale paralizane manushes, kon pekh pato pashjolas. Kana dikhlas lengo patyape o Jezush kado pendas le paralizaneske: „Patya, muro shavo! Tye bezexa jertimata arakhline.”
3. vers
Pe kadal unyi zhene mashkar le iskiritora kade phenenas ande pende: „Kado kushel.”
4. vers
O Jezush dikhelas lenge gindimata haj kade das duma: „Sostar gindin nasulimata ande tumaro ilo?
5. vers
Apol so si maj ushoro, kodo phendo: »Jertimata arakhline tye bezexa«, bake kodo phendo: »Ushtyi opre haj phir«?
6. vers
Haj apol te dikhen, ke le Manusheske Shaveske siles saktimo pe phuv le bezeximata te jertisarel – haj atunchi kaj o paralizano boldaspe –: Ushtyi opre, xutyil tyo pato, haj zha khere!”
7. vers
Kodo opre ushtyilas, haj khere gelas.
8. vers
Kana e butimata dikhlas kado, dar xutyildas sakones, haj asharenas le Devles, kon kasavo baripe das le manushen.
Le Matevesko akharipe
9. vers
Kana o Jezush majdur gelas kothar, dikhlas jekhe manushes, kon kaj o vamo beshelas. Mate sas lesko anav. Duma das leste: „Av pala mande!” Kodo opre ushtyilas, haj gelas pala leste.
10. vers
Pecisardyilas apol, ke kana kaj e mesalya beshlas ando kher, but financura haj bezexasle aviline, haj kaj e mesalya beshline le Jezushesa haj leke sityardenca kethane.
11. vers
Kado dikhlines le farizana pushline leske sityarden: „Sostar xal tumaro Maistrovo financonca haj bezexaslenca?”
12. vers
Voj ashundas kado, haj kade das duma: „Na le sastenge trubuj o sastyari, ba le nasvalenge.
13. vers
Zhantar haj sityonla, ke so phenel kodo: »Gracimata kamav, haj na sarkafimo«. Na le chachen avilom te akharav, ba le bezexaslen.”
Pushlimata pa postyipe
14. vers
Atunchi kothe aviline leste le Janosheske sityarde, haj pushline: „Sostar si kodo, ke ame haj le farizana butivar postyisaras, tyire sityarde pale chi postyin?”
15. vers
O Jezush kade das vorba lenge: „Dore shaj kaldojpe e xanamik butimata, zhikaj lenca si inke o piramno? Ba avenatar kodal dyesa, kana ingrena lendar le piramnes, atunchi maj postyina.
16. vers
Khonyik chi suvel pe dulmutane gada nyevo poxtan, ke avri shindyol anda gada o poxtan haj o shindyipe inke majbaro avla.
17. vers
Chi nyevi mol chi shoren ande dulmutani morchune trasti, ke atunchi le trasti avri shindyona, haj kade avri shordyol vi e mol, haj vi le trasti xalyonatar. E nyevi mol ande nyeve trasti shoren, kade solduj ashola.”
Jekhe anglalutnareske shejako opre trajaripe haj jekh nasvaja romnyako sastyaripe
18. vers
Zhikaj kadala phenelas lenge, kothe avilas jekh anglalutnari, tele burdusajlas angla leste, haj kado phendas: „Muri shej akanak mulas, ba av, shuv pe late tyo vast haj trajila.”
19. vers
O Jezush opre ushtyilas haj zhalas pala leste peske sityardenca.
20. vers
Atunchi jekh romnyi, kon aba deshu duj bersh podyaki nasvali sas, kothe gelas pala lesko dumo, haj kaj leske gadengo agor reslas.
21. vers
Kodo gindilas ande peste: „Kana numa kaj leske gada resav, vi atunchi sastyuvav.”
22. vers
O Jezush boldaspe, dikhlas la, haj kado phendas lake: „Patya muri shej! Tyo patyape sastyardas tut.” Haj ande kodo chaso sastyilas e romnyi.
23. vers
Kana o Jezush andre gelas ande anglalaresko kher, haj dikhlas le bashavaren, haj le bute manushen, kade das duma:
24. vers
„Zhantar kathar! Chi mulas e cini shej, feri sovel.” Ba kodal avriassajline les.
25. vers
Kana avri bishaldine le bute manushen, voj andre gelas, xutyildas la shako vast, haj e cini shej opre ushtyilas.
26. vers
Kadalaki viaca avri zhanardyilas sa pe intrega gava.
Duje korrengo sastyaripe
27. vers
Kana o Jezush majdur gelas kothar, duj korre zhanas pala leste haj kade cipinas: „Zhutisar pamende, Davidesko shavo!”
28. vers
Kana khere reslas, kothe geline leste le korre. O Jezush pushlas lendar: „Patyan, ke zhanav kado te kerav?” Kodal kado phendine palpale leske: „Ova, Raja!”
29. vers
Pe kado voj kaj lenge jakha reslas, haj kade das duma: „Te avel tumenge kade sar patyan.”
30. vers
Atunchi puterdyilas lenge jakha. O Jezush pale zurales pe lende vladisardas: „Len sama, khonyik tena zhanel avri!”
31. vers
Ba von kana avri geline, ingerdine sa ande intrega gava e viaca.
Jekhe mutosko sastyaripe
32. vers
Kana kadal gelinetar, aketa, kothe andine leste jekhe muto bengales.
33. vers
Avri nashadas anda leste le benges, haj o muto duma das. E butimata bari dikhlas: „Chikana pecisajlas inke kasavo ando Izrael!”
34. vers
Le farizana pale kodo phendine: „Le majbare bengeske zhutimatasa nashavel avri le bengen.”
O baro kosipe
35. vers
O Jezush andre phirdas le intrega gava haj forura. Sityarelas ande lenge zhinagogi, viacarelas la themako losshani viaca, haj sastyarelas sakono nasvalipe haj bida.
36. vers
Kana dikhlas le bute manushen, sunusardyilas pe lende lesko ilo, ke khine sas haj brigasle, kasave, sar le bimalyareske bakra.
37. vers
Pe kado kade das duma kaj peske sityarde: „O kosipe but si, ba le butyara cerraj.
38. vers
Mangen le kosimaske Rajes, te bishalel butyara ando kosipe.”
Könyvek
