Evangeliumo kathar o Mate

Chapters:

… 7 8 9 10 11 …   ⇤ ← 9 → ⇥

verse #1

Pala kado andre hulyilas andekh bero, perdal nakhlas pa mara, haj gelastar ande pesko foro.

verse #2

Atunchi aketa, kothe ingerdine leste jekhe nasvale paralizane manushes, kon pekh pato pashjolas. Kana dikhlas lengo patyape o Jezush kado pendas le paralizaneske: „Patya, muro shavo! Tye bezexa jertimata arakhline.”

verse #3

Pe kadal unyi zhene mashkar le iskiritora kade phenenas ande pende: „Kado kushel.”

verse #4

O Jezush dikhelas lenge gindimata haj kade das duma: „Sostar gindin nasulimata ande tumaro ilo?

verse #5

Apol so si maj ushoro, kodo phendo: »Jertimata arakhline tye bezexa«, bake kodo phendo: »Ushtyi opre haj phir«?

verse #6

Haj apol te dikhen, ke le Manusheske Shaveske siles saktimo pe phuv le bezeximata te jertisarel – haj atunchi kaj o paralizano boldaspe –: Ushtyi opre, xutyil tyo pato, haj zha khere!”

verse #7

Kodo opre ushtyilas, haj khere gelas.

verse #8

Kana e butimata dikhlas kado, dar xutyildas sakones, haj asharenas le Devles, kon kasavo baripe das le manushen.

verse #9

Kana o Jezush majdur gelas kothar, dikhlas jekhe manushes, kon kaj o vamo beshelas. Mate sas lesko anav. Duma das leste: „Av pala mande!” Kodo opre ushtyilas, haj gelas pala leste.

verse #10

Pecisardyilas apol, ke kana kaj e mesalya beshlas ando kher, but financura haj bezexasle aviline, haj kaj e mesalya beshline le Jezushesa haj leke sityardenca kethane.

verse #11

Kado dikhlines le farizana pushline leske sityarden: „Sostar xal tumaro Maistrovo financonca haj bezexaslenca?”

verse #12

Voj ashundas kado, haj kade das duma: „Na le sastenge trubuj o sastyari, ba le nasvalenge.

verse #13

Zhantar haj sityonla, ke so phenel kodo: »Gracimata kamav, haj na sarkafimo«. Na le chachen avilom te akharav, ba le bezexaslen.”

verse #14

Atunchi kothe aviline leste le Janosheske sityarde, haj pushline: „Sostar si kodo, ke ame haj le farizana butivar postyisaras, tyire sityarde pale chi postyin?”

verse #15

O Jezush kade das vorba lenge: „Dore shaj kaldojpe e xanamik butimata, zhikaj lenca si inke o piramno? Ba avenatar kodal dyesa, kana ingrena lendar le piramnes, atunchi maj postyina.

verse #16

Khonyik chi suvel pe dulmutane gada nyevo poxtan, ke avri shindyol anda gada o poxtan haj o shindyipe inke majbaro avla.

verse #17

Chi nyevi mol chi shoren ande dulmutani morchune trasti, ke atunchi le trasti avri shindyona, haj kade avri shordyol vi e mol, haj vi le trasti xalyonatar. E nyevi mol ande nyeve trasti shoren, kade solduj ashola.”

verse #18

Zhikaj kadala phenelas lenge, kothe avilas jekh anglalutnari, tele burdusajlas angla leste, haj kado phendas: „Muri shej akanak mulas, ba av, shuv pe late tyo vast haj trajila.”

verse #19

O Jezush opre ushtyilas haj zhalas pala leste peske sityardenca.

verse #20

Atunchi jekh romnyi, kon aba deshu duj bersh podyaki nasvali sas, kothe gelas pala lesko dumo, haj kaj leske gadengo agor reslas.

verse #21

Kodo gindilas ande peste: „Kana numa kaj leske gada resav, vi atunchi sastyuvav.”

verse #22

O Jezush boldaspe, dikhlas la, haj kado phendas lake: „Patya muri shej! Tyo patyape sastyardas tut.” Haj ande kodo chaso sastyilas e romnyi.

verse #23

Kana o Jezush andre gelas ande anglalaresko kher, haj dikhlas le bashavaren, haj le bute manushen, kade das duma:

verse #24

„Zhantar kathar! Chi mulas e cini shej, feri sovel.” Ba kodal avriassajline les.

verse #25

Kana avri bishaldine le bute manushen, voj andre gelas, xutyildas la shako vast, haj e cini shej opre ushtyilas.

verse #26

Kadalaki viaca avri zhanardyilas sa pe intrega gava.

verse #27

Kana o Jezush majdur gelas kothar, duj korre zhanas pala leste haj kade cipinas: „Zhutisar pamende, Davidesko shavo!”

verse #28

Kana khere reslas, kothe geline leste le korre. O Jezush pushlas lendar: „Patyan, ke zhanav kado te kerav?” Kodal kado phendine palpale leske: „Ova, Raja!”

verse #29

Pe kado voj kaj lenge jakha reslas, haj kade das duma: „Te avel tumenge kade sar patyan.”

verse #30

Atunchi puterdyilas lenge jakha. O Jezush pale zurales pe lende vladisardas: „Len sama, khonyik tena zhanel avri!”

verse #31

Ba von kana avri geline, ingerdine sa ande intrega gava e viaca.

verse #32

Kana kadal gelinetar, aketa, kothe andine leste jekhe muto bengales.

verse #33

Avri nashadas anda leste le benges, haj o muto duma das. E butimata bari dikhlas: „Chikana pecisajlas inke kasavo ando Izrael!”

verse #34

Le farizana pale kodo phendine: „Le majbare bengeske zhutimatasa nashavel avri le bengen.”

verse #35

O Jezush andre phirdas le intrega gava haj forura. Sityarelas ande lenge zhinagogi, viacarelas la themako losshani viaca, haj sastyarelas sakono nasvalipe haj bida.

verse #36

Kana dikhlas le bute manushen, sunusardyilas pe lende lesko ilo, ke khine sas haj brigasle, kasave, sar le bimalyareske bakra.

verse #37

Pe kado kade das duma kaj peske sityarde: „O kosipe but si, ba le butyara cerraj.

verse #38

Mangen le kosimaske Rajes, te bishalel butyara ando kosipe.”

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28