chapter 4
Atunchi o duho ingerdas le Jezushes ande pusta, avri te zumavel les o beng.
Pala soste shtarvardesh dyes haj shtarvardesh ratya postyisardas, palunes apol bokhajlas.
Kothe avilas leste o zumavari haj kado phendas leske: „Le Devlesko Shavo te san, phen kado, ke kadal barr te kerdyon manreske.”
Ba voj kado phendas leske palpale: „Iskirime si:
»Na feri manresa trajil o manush,
ba sakone alavesa,
so anda Devlesko muj ashundyol«”.
Atunchi pesa ingerdas les o beng ando sunto foro, kothe tordyardas les pe khangerako uchipe,
haj kodo phendas leske: „Le Devlesko shavo te san, xuttyi tele atunchi! Ke iskirime si:
»Peske andyelonge vladisardas anda tute;
pe penge vast inkrena tut,
ande barr tena malaves tye punre«”.
O Jezush kado phendas leske: „Vi kodo iskirime si: »Na zumav le Rajes, tye Devles«”.
Pala kodo pesa ingerdas les o beng pekh zurales ucho plaj. Sikadas leske sa la lumake intregone themen haj kodalengo barvalipe
pala kodo kado phendas leske: „Kadal sa tuke do, kana changa dines man luvudyisa”.
O Jezush kado phendas leske palpale: „Zhatar mandar, Satanona! Ke iskirime si:
»Tye Rajes, tye Devles kam,
haj numa leske slugisar«”.
Atunchi mukhlas les o beng, haj aketa, andyela avile leste haj sluginas leske.
Kana o Jezush ashundas, ke le Janoshes ande robija phandadine, palpale gelas ande Galilea.
Mukhlas le Nazaretesko foro, gelastar ando Kafarnaumo te beshel, so pasha mara pashjolas, ande Zebulon haj Naftaliske granica,
ke andre te pherdyol so o Izajash profeta phendas:
„Zebuloneski haj Naftaleski phuv,
la marako drom, pala o Jordano,
le murtikanongi Galilea;
o popularo, so ando tunyariko beshelas,
baro fimlalipe dikhlas,
haj kon ande merimasko them haj ushajinipe beshenas;
fimlalipe zorisardas pe lende”.
Atunchi las majanglal te phenel haj te viacarel o Jezush majanglal: „Boldentume karing o Del, ke pashardyilas le rajosko them.”
Kana nakhlastar pasha Galileicko mara, dikhlas duje phralen: le Shimones kas Petereske akharenas, haj le Andrashes leske phrales, kana xudro shudenas ande mara; ke mashara sas von.
Kodo phendas lenge: „Aven pala mande, haj me le manushenge masharenge kerav tumen!”
Kodal pale sigo mukhline penge xudren, haj geline pala leste.
Kana kothar maj dur gelas, dikhlas kaver duje phralen: le Jakabos le Zebedeusheske shaves, haj leske phrales le Janoshes kon peske dadesa le Zebedeushesa beshenas ando bero, haj nyevjarenas penge xudren. Haj vi len akhardas.
Kodal pale ande kodo minuto kothe mukhline penge xudra haj dades haj geline pala leste.
O Jezush pala kado andre phirdas e intrego Galilea, sityarelas ande lengi zhinagogi, haj viacarelas la themaki losshani viaca, haj sastyardas sako nasvalipe haj bida mashkar le manusha.
Bari viaca kerdyilas les ande intrego Siria, haj kothe ingerdine leste sa kodalen, kon nasules sas, saven nasvalimata bake dukha azbanas, kathar le beng pizdinen, bare sherengiren paralizanen, voj pale sastyardas len.
But manusha zhanas pala leste anda Galilea, anda Deshforura, anda Jeruzhalemo, anda Judea haj vi pa Jordaneski kaver rig.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly