chapter 16
Kothe geline leste le farizana haj le sadduceusha, avri te zumaven les. Mangline les, te sikavel lenge cheresko somno.
Voj kado phendas lenge palpale: „Kana andre ratyol, kodo phenen: »Lashi vrama avla, ke lolyol o cheri.«
Kana zoril pale: »Adyes tufano avla, ke lolyol haj kalyol o cheri.« Le cheresko mosuripe apol zhanen so sikavel, ba le vramake somnura aba chi zhanen!
O nasul haj ansuripe oprephaglo generaciovo apol somno dorosarel, ba chi lel kaver somno, feri le Jonashesko somno.” Kadalesa kothe mukhlas len, haj gelastar.
Kana leske sityarde perdal gelinne pe kaver dolma, bisterdine manro te ingren.
O Jezush kade das lende duma: „Len sama, ferin tumen kathar le farizanengo haj sadduceushengo kamiripe!”
Kodal pe kado kade vorbinas mashkar jekhavreste: „Ch«andam manro!”
O Jezush, kon zhanelas kado, pushlas lendar: „Cerra patyamne, sostar vorbin tume mashkar tumende pe kodo, ke naj tumen manro?
Haj inke chi akanak chi hatyaren? Chi seron pe panzh miji manushenge panzh manre, haj sode koshnyicenca kidinele opre?
Haj pe shtar miji manushenge efta manre, haj sode koshnyicenca kidinele opre?
Sostar chi hatyarenla, ke na pa manre vorbisrdom tumenge! Kathar le farizanengo haj sadduceushengo kamiripe te ferin tumen!”
Atunchi, hatyardine, ke na pe kodo gindisardas, ke kathar le manresko kamiripe te ferin pen, ba ka-thar le farizanengo haj sadduceushengo sityaripe.
Kana o Jezush kaj le Filip Cezareske phuva gelas, pushlas peske sityarden: „Kaske inkren le manusha le Manusheske Shaves?”
Von kado phendine: „Si kon le Bolare Jano-sheske, kavera le Illesheske, kavera pale le Jeremiasheske, bake jekheske mashkar le profeti.”
Pe kado pushlas len: „Haj tume kaske inkren man?”
O Shimon Peter utarisardas leske: „Tu san o Kristo, le trajisarde Devlesko shavo.”
O Jezush kado phendas leske: „Anando san Shimon, Jonashesko shavo! Ke na o trupo haj o rat phendas tuke kado avri, ba muro Dad, kon ando rajo si.
Me pale phenav tuke: Tu Peter san, haj me pe kado barruno plaj vazdo muri ekhlezhia, haj le telalutni lumake vudara chi zhanena dosh te keren ande la.
Tuke dav le rajoske themeske kiji. So phandes pe phuv, kodo phanglo avla vi ando rajo, haj so opre putres pe phuv, kodo opre avla puterdo vi ando rajo.”
Pala kodo phendas le sityardenge, ke khanyikaske tena phenen avri, ke voj si o Kristo.
Kathar kadi vrama las te phenel o Jezush peske sityardenge, ke ando Jeruzhalemo trubuj te zhal, but trubuj te dukharel kathar le phure, angrashaja, iskiritora, trubuj te mudaren les, haj po trito dyes opre trubuj te trajisardyol.
O Peter pe kado rigate akhardas les, haj las tele te vorbil les: „Dur te avel tutar kado, Raja! Kado nashtig pecisardyol tusa.”
Ba voj boldaspe haj kado phendas le Petereske: „Zhatar anglamande, Shatanona! Xolyares man, ke na le Devleske butyanca grizhos tut, ba le manushengirenca!”
Atunchi o Jezush kodo phendas peske sityardenge: „Kana varikon pala mande kamel te avel, te asvikarel pes, te lel opre pesko trushul haj te avel pala mande.
Ke kon kamel te muntul pesko trajo, xasarel kodo, haj kon xasarel pesko trajo anda mande, rakhel kodo.
Ke so mol le manusheske, kana leske kerdyol e intrego luma, ba lesko trajo dosh dukharla? Bake so shaj del o manush parudes anda pesko dyi?
Ke le Manushesko Shavo avelatar peske andyelonca ande peske Dadesko luvudyipe, haj atunchi potyinela sakoneske, kade sar perelpe leske.
Amen phenav tumenge: si unyi zhene mashkar kodala kon kathe tordyon, kon chi zumavena le meripes, zhikaj chi dikhena le Manusheske Shaves, sar aveltar ande pesko them.”
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly