Evangeliumo kathar o Mate

chapter 11


Chapters:


verse #1

Pecisajlas apol, ke kana agorutnisardas o Jezush peske deshuduje sityardengo sityaripe, gelastar kothar, te viacarel haj te sityarel o alav ande lenge forura.


Le Bolare Janoshesko pushlipe


verse #2

Kana o Janosh pa Kristoske trabi ashundas ande robija, bishaldas leste peske sityarden


verse #3

haj pushlas lestar: „Tu san o Avlosardo bake kaveres te zhukaras?”


verse #4

O Jezush kado phendas palpale lenge: „Zhan, ingren le Janosheske e viaca, so ashunen haj dikhen:


verse #5

Le korre dikhen, le bange phiren, le leprale uzhosajven, le kashuke ashunen, le mule opretrajisajven, le chorre pale viacaren o evangeliumo.


verse #6

Anandoj, kon chi kordolardyol ande mande.”


O Jezush pa Bolari Janosh


verse #7

Kana kodal gelinetar, o Jezush kade las te vorbil le manushenge pa Janosh: „Sostar zhan avri, so kamen te dikhen ande pusta? Kathar balval phurdini trestija?


verse #8

Bake so kamline te dikhen, kana avri geline? Ande rajkane gada urade manushes? Aketa, kon rajkane gada phiraven, ande krajenge khera beshen.


verse #9

Bake so kamen te dikhen, kana avri zhan? Profetas? Ova, phenav tumenge, vi kathar e profeta maj baro.


verse #10

Voj si kodo, pa kaste iskirime si:
»Aketa, bishalav mure legataros angla tute,
kon lasharela angla tute tyo drom«.


verse #11

Amen, phenav tumenge: mashkar kodal kas romnyi andas pe luma, naj maj baro, kathar o Bolari Janosh. Ba kon o majcino si ande rajosko them, kodo maj baroj lestar.


verse #12

Le rajosko them zhikathar le Bolare Janosheski vrama zhikaj akanutni sila dukharel, haj le silakire len kodo pende.


verse #13

Le sagutne profeti haj e kris zhikaj o Janosh pa kado profecisardas:


verse #14

Haj te kamen les te hatyaren: ova, voj si o Illesh, kon aveltar.


verse #15

Kas si kan, te ashunel les.


verse #16

Kaste te pasharav kadale generaciovos? Pe kodal shavora anen, kon ando foro beshen, cipen le majbutenge,


verse #17

haj phenen:
»Bashadam tumenge, ba chi kheldine,
rovjimaski gilyi gilyabadam, ba chi rovenas.«


verse #18

Ke avilastar o Janosh, chi xalas, haj chi pelas, haj kodo phendine: »Beng si les!«


verse #19

Avilastar le Manushesko Shavo, xal thaj pel, haj kodo phenen: »Aketa, o bokshindo thaj matyakerno manush, le financongo haj le bezexaslengo vortakoj!« Ba o platnikipe peske kerdyimatasa chacharipe arakhel.”


Krisaripe pe bipatyamne forura


verse #20

Pala kodo le forura, ande save leske majbut chudimata pecisajline, las tele te phenel, ke chi boldepe karing o Del:


verse #21

„Jaj tuke, Korozain! Jaj tuke, Betsaida! Ke e chudimata, so tumende pecisajline, ando Tirus haj Sidon te pecisajlinesas, aba dulmut patyanas, ande gonekerde gada haj ushareste.


verse #22

Ba phenav tumenge: Le Tiruses haj le Sidones, majbut zheja avlale pe krisako dyes, sar tumenge.


verse #23

Haj tu, Kafarnaum! Dore zhikaj o cheri vazdadyos? Tele hurasa ande telalutni luma! Ke e chudimata, save tute pecisajline, ande Sodoma te pecisardyilinesas, atunchi ashilinesas zhikaj kado dyes.


verse #24

Ba phenav tumenge: la Sodomake phuvake maj ushoro zheja avla pe krisarimasko dyes, sar tuke.”


O Jezush luvudyisarel le Dades


verse #25

Ande kodi vrama kade das duma o Jezush: „Ashtyilisarav tut muro Dad, le rajosko haj la phuvako raj, ke garadan kadal angla platnika haj godyavera, haj avri sikadan le cinenge.


verse #26

Ova, muro Dad, kade fajlas kado tuke!


verse #27

Sakofalo mange das perdal muro Dad, haj khonyik chi pinzharel le dades, feri o Dad, haj chi le Dades chi pinzharel khonyik, feri o shavo, haj kaske o shavo avri kamel te zhanavelles.


O ushoro pharipe


verse #28

Aven mande savorazhene, kon khine sanle, haj pharimata phiraven, haj me oprezurarav tumen.


verse #29

Len pe tumende muro pharipe, haj sityon mandar, ke blindo som haj lashe ilesko – haj pacha arakhen tumare duhoske.


verse #30

Ke muro pharipe gugloj haj ushoroj.”

Chapters:


Books