Evangeliumo kathar o Mate
capítulo 4
Le Jezushesko zumavjipe
verso 1
Atunchi o duho ingerdas le Jezushes ande pusta, avri te zumavel les o beng.
verso 2
Pala soste shtarvardesh dyes haj shtarvardesh ratya postyisardas, palunes apol bokhajlas.
verso 3
Kothe avilas leste o zumavari haj kado phendas leske: „Le Devlesko Shavo te san, phen kado, ke kadal barr te kerdyon manreske.”
verso 4
Ba voj kado phendas leske palpale: „Iskirime si:
»Na feri manresa trajil o manush,
ba sakone alavesa,
so anda Devlesko muj ashundyol«”.
verso 5
Atunchi pesa ingerdas les o beng ando sunto foro, kothe tordyardas les pe khangerako uchipe,
verso 6
haj kodo phendas leske: „Le Devlesko shavo te san, xuttyi tele atunchi! Ke iskirime si:
»Peske andyelonge vladisardas anda tute;
pe penge vast inkrena tut,
ande barr tena malaves tye punre«”.
verso 7
O Jezush kado phendas leske: „Vi kodo iskirime si: »Na zumav le Rajes, tye Devles«”.
verso 8
Pala kodo pesa ingerdas les o beng pekh zurales ucho plaj. Sikadas leske sa la lumake intregone themen haj kodalengo barvalipe
verso 9
pala kodo kado phendas leske: „Kadal sa tuke do, kana changa dines man luvudyisa”.
verso 10
O Jezush kado phendas leske palpale: „Zhatar mandar, Satanona! Ke iskirime si:
»Tye Rajes, tye Devles kam,
haj numa leske slugisar«”.
verso 11
Atunchi mukhlas les o beng, haj aketa, andyela avile leste haj sluginas leske.
O Jezush lel te sityarel ande Galilea
verso 12
Kana o Jezush ashundas, ke le Janoshes ande robija phandadine, palpale gelas ande Galilea.
verso 13
Mukhlas le Nazaretesko foro, gelastar ando Kafarnaumo te beshel, so pasha mara pashjolas, ande Zebulon haj Naftaliske granica,
verso 14
ke andre te pherdyol so o Izajash profeta phendas:
verso 15
„Zebuloneski haj Naftaleski phuv,
la marako drom, pala o Jordano,
le murtikanongi Galilea;
verso 16
o popularo, so ando tunyariko beshelas,
baro fimlalipe dikhlas,
haj kon ande merimasko them haj ushajinipe beshenas;
fimlalipe zorisardas pe lende”.
verso 17
Atunchi las majanglal te phenel haj te viacarel o Jezush majanglal: „Boldentume karing o Del, ke pashardyilas le rajosko them.”
Le anglune sityardengo akharipe
verso 18
Kana nakhlastar pasha Galileicko mara, dikhlas duje phralen: le Shimones kas Petereske akharenas, haj le Andrashes leske phrales, kana xudro shudenas ande mara; ke mashara sas von.
verso 19
Kodo phendas lenge: „Aven pala mande, haj me le manushenge masharenge kerav tumen!”
verso 20
Kodal pale sigo mukhline penge xudren, haj geline pala leste.
verso 21
Kana kothar maj dur gelas, dikhlas kaver duje phralen: le Jakabos le Zebedeusheske shaves, haj leske phrales le Janoshes kon peske dadesa le Zebedeushesa beshenas ando bero, haj nyevjarenas penge xudren. Haj vi len akhardas.
verso 22
Kodal pale ande kodo minuto kothe mukhline penge xudra haj dades haj geline pala leste.
Le anglune sityarimata
verso 23
O Jezush pala kado andre phirdas e intrego Galilea, sityarelas ande lengi zhinagogi, haj viacarelas la themaki losshani viaca, haj sastyardas sako nasvalipe haj bida mashkar le manusha.
verso 24
Bari viaca kerdyilas les ande intrego Siria, haj kothe ingerdine leste sa kodalen, kon nasules sas, saven nasvalimata bake dukha azbanas, kathar le beng pizdinen, bare sherengiren paralizanen, voj pale sastyardas len.
verso 25
But manusha zhanas pala leste anda Galilea, anda Deshforura, anda Jeruzhalemo, anda Judea haj vi pa Jordaneski kaver rig.
Libros
