Evangeliumo kathar o Mate
capítulo 28
Le andyelesko viacaripe pa shusho murmunto
verso 1
Kana nachilas o savato, ande kodo chaso, so pe kurkesko angluno dyes zorisardyol, e Maria Magdolna haj e kaver Maria gelastar te dikhel o murmunto.
verso 2
Haj aketa, zurales mishkisardyilas e phuv: le Devlesko andyelo tele huraldas anda cheri, kothe gelas, pizdas kothar le barres, haj pe leste beshlas.
verso 3
Kasavo sas lesko sikadyipe, sar o strafin, haj leske gada parne sas sar o jiv.
verso 4
Le ketani zurales drajline lestar, haj sar le mule, kasave kerdyiline.
verso 5
O andyelo duma das haj kodo phendas le romnyange: „Tume na daran! Ke zhanav, ke le Jezushes, kas po trushul tannardine, kodales roden.
verso 6
Naj kathe, ke opretrajisardyilas, sar phendasla. Aven, haj dikhen o than kaj pashjolas.
verso 7
Zhantar sigo haj phenen kado leske sityardenge: »Opretrajisardyilas anda meripe, haj angla tumende zhal ande Galilea. Kothe apol dikhena les! Aketa, phendomles tumenge!«”
verso 8
Atunchi vi gelinetar kathar o murmunto. Bara darasa haj losshasa nashenas, te ingren e viaca le sityardenge.
O Jezush sikadyol le romnyange
verso 9
Atunchi aketa o Jezush avelas lenge mostar haj kade das duma: „Drobovjipe tumenge!” Von pale kothe geline leste, perdal xutyildine leske punren haj tele burdosardyile angla leste.
verso 10
Atunchi o Jezush kodo phendas lenge: „Na daran! Zhantar, haj ingren e viaca mure phralenge, ke te zhantar ande Galilea. Ke kothe dikhena man.”
Le angrashajengo xoxamnipe
verso 11
Kana gelinetar, mashkar ketani unyizhene gelinetar haj ingerdine e viaca le angrashajange pa sakofaloste, ke so pecisardyilas.
verso 12
Pe kado kodal kethane aviline le phurenca, svato inkerdine, pala kodo but love dine le ketanen,
verso 13
haj kodo phendine lenge: „Phenen kodo: »Leske sityarde aviline ratyi haj chordine les, zhi- kaj ame sovasas.«
verso 14
Kana o prefekto a-shunela kado, ame maj pacharasa les, haj avri muntusarasa tumen.”
verso 15
Kodal perdal line le love haj kade kerdine, sar avri sityardine len.” Kadal vorbimata inke vi kaj kado dyes vorbardyon mashkar le bibolde.
Le sityardengo bishavjipe
verso 16
Le deshuduj sityarde pale gelinetar ande Galilea, pe kodo than, kaj o Jezush akhardas len.
verso 17
Kana dikhline les, tele burdosardyiline, ba unyizhene inke chi akanak chi patyanas.
verso 18
O Jezush kothe gelas haj kado phendas lenge: „Mange davadyilas sako saktimo ando rajo haj pe phuv.
verso 19
Zhantar apol, haj keren sityardenge sakone popularon. Bolen len ande Dadesko haj ande Shavesko haj ande Sunto Duhosko anav,
verso 20
haj sityaren len pe kodo, ke te inkren sa kodo, so vladisardom tumenge! Haj aketa, me tumenca som sako dyes zhikaj lumako agor!”
Libros
