Evangeliumo kathar o Mate
capítulo 7
O krisaripe
verso 1
Na krisaren, tena krisarentar tumen.
verso 2
Ke soski krisasa tume krisaren, kasavasa krisarena vi tumen, haj sodenca tume vazaren, kattyenca vazarena vi tumenge palpale.
verso 3
Sostar dikhes e pansliga ande tye phraleske jakha, kana ande tyire jakha pale chi les sama o berando?
verso 4
Bake sar shaj phenes tye phraleske: mukh te lav avri anda tye jakha e pansliga, kana aketa, o berando kothej ande tyire jakha?
verso 5
Paxande! Shude avri majanglal anda tyire jakha o berando, atunchi dikhesa, te shaj les avri e pansliga anda tye phraleske jakha!
Le sunci butya
verso 6
Na den le sunci butya le zhuklenge, haj tumare bisora na shuden angla bale, tena ushtyaven pe lende penge punrenca, haj kana boldenpe, te mudaren tumen.
Patyape ando rudyimo
verso 7
Mangen haj dena tumenge, roden haj rakhena, katnaren o vudar haj putrena kodo tumenge.
verso 8
Ke sakon, kon mangel, lel, kon rodel, arakhel, haj kon o vudar katnarel kodaleske avri putren kodo.
verso 9
Bake kon si mashkar tumende, kon, kana lesko shavo manro mangel lestar, barr del les?
verso 10
Bake kana masho mangel, dore sap del les?
verso 11
Apol tume, kon nasula sanle, zhanen lashe dimata te den tumare shavorenge, sodivar majfeder dela tumaro Dad, kon ando rajo si, lashe butya kodalen, kon mangen les?
Somnakune riti
verso 12
Sa kodo, so fajas tumen, te keren tumenge le manusha, keren kodol vi tume lenge. Ke kado si e kris haj le profeciji.
O duj drom
verso 13
Pa tang vudar zhan andre, ke bulhoj o vudar haj bulhoj o drom, savo ando meripe ingrel, haj but zhene si, kon andre zhan pa leste.
verso 14
Haj sosko tang si o vudar haj o drom, savo po trajo ingrel, haj soske cerra zhene si, kon rakhenles!
Le xoxamne profeti
verso 15
Ferin tume kathar le xoxamne profeti, save ande bakreski faca aven tumende, andral pale turbatone ruv si.
verso 16
Pa lenge fruktura pinzharena len opre. Dore kiden pa kanro drakh, bake pa churindi gular?
verso 17
Kade sako lasho kasht lasho frukto upajil, o nasul kasht pale nasul frukto upajil.
verso 18
O lasho kasht nashtig upajil nasul frukto, haj chi o nasul kasht nashtig upajil lasho frukto.
verso 19
Sakone kashtes, savo chi upajil lasho frukto, avri shinen haj pe jag shuden.
verso 20
Apolal, pa lenge fruktura pinzharena opre len.
verso 21
Na sakon, kon kodo phenel mange: »Raja, Raja!«, zhal andre ande rajosko them, numa kodo, kon kerel mure Dadesko kamipe, kon ando rajo si.
verso 22
But zhene phenena mange kodo dyes: »Raja, Raja! Na ando tyiro anav profetisarasas, na ande tyiro anav nashavasas bengen, haj na ande tyiro anav kerasas but chudimata?«
verso 23
Atunchi maj avri pheno lenge: »Chikana pinzharos tumen. Durutnisajven mandar tume, kon nasulimata kerdine!«
Po plaj kerdo kher
verso 24
Ke sakon, kon ashunel mure akanutne vorbi haj kerdyimata kerla kodalen, cirdel po godyaver manush, kon pesko kher po plaj kerdas.
verso 25
Shindyolas o brishind, shordyolas o paji, phurdenas le balvaja haj le khereske denas. Ba kodo chi phagerdyilas kethane, ke lesko fundo po plaj shutine tele.
verso 26
Sa kodal pale, kon ashunel mure akanutne vorbi, ba chi kerla kerdyimatange kodala, cirdel pe kodo dilo manush, kon peske kheres po kishaj kerdas.
verso 27
Shindyolas o brishind, shordyolas o paji, phurdenas le balvaja haj le khereske denas. Kodo kethane phagerdyilas, haj baro sas lesko chorripe.
E Plajane Vorbimatake hatyarimata
verso 28
Pecisajlas apol, ke kana o Jezush agurutnisardas kadal vorbi, sa le manusha bari dikhenas pe lesko sityaripe,
verso 29
ke kade sityarelas len, sar kas saktimo siles, haj na kade, sar le iskiritora.
Libros
