Evangeliumo kathar o Mate
10. fejezet
Le deshudujengo avrialosaripe
1. vers
Pala kado peste akhardas peske deshuduje sityarden. Zor daslen po biuzho duho, avri te nashaven kodalen, haj te sastyaren sako nasvalipe haj sako bida.
2. vers
Le deshuduje aposhtolengo anav pale kadal si: o angluno Shimon, kas Petereske anavaren, haj o Andrash, lesko phral,
3. vers
Jakab, le Zebedeushesko shavo, haj lesko phral, o Janosh, o Filip haj o Bertalan, o Tamash haj o financo Mate, o Jakab, le Alfeusesko shavo, o Tade,
4. vers
o kanaanicko Shimon, haj o ishkarioticko Judash, kon vi purrisardas les.
Vladimata pe bishaldengi rig
5. vers
Kadale deshudujen bishaldas o Jezush, haj vladisardas lenge: „Kaj le murtikana inkerde droma na nakhen tele, haj ande samaritaniushengo foro na zhan andre!
6. vers
Zhantar barem kaj Izrael kheresko xasajle bakre!
7. vers
Zhan haj viacaren: »Pashardyilas le rajosko them!«
8. vers
Sastyaren nasvalen, haj trajaren opre le mulen, uzharen le lepralen, haj nashaven avri bengen! Ive lineles, ive denles!
9. vers
Tena avel tumen chi somnakaj, chi rup, haj chi xarkomasle love ande tumaro brichinari,
10. vers
chi dromeski trasta, chi duj gada, haj sandala, chi rolyi! Ke perelpe le butyareske lesko potyinipe.
11. vers
Kana andekh foro bake gav andre zhan, zhanen avri, ke kon si ande leste patyivalo, haj ashon leste, zhikaj majdur chi zhan.
12. vers
Kana andre ushtyaven ando kher, denles dyes!
13. vers
Te si patyivalo o kher, te hural pe leste tumari pacha; kana pale naj patyivalo, tumari pacha te hural palpale pe tumende.
14. vers
Haj kana varikon chi astarel tumen, haj chi ashunel tumari vorba; zhantar avri anda kodo kher haj anda kodo foro, haj maren tele vi o praho pa tumaro punro.
15. vers
Amen, phenav tumenge: maj ushoro zheja avla la Sodomake haj Gomorake phuva pe krisarimako dyes, sar kodale foroske.
Opreakharipe po tromano patyape
16. vers
Aketa, kade bishalav tumen, sar bakren mashkar le ruv. Aven apol godyavera, sar le sap, haj jekhtune, sar le gulunbura.
17. vers
Ba ferin tumen kathar le manusha! Ke perdal den tumen le svatoske, haj ande penge zhinagogi marena tumen.
18. vers
Kaj le prefektushura haj kaj penge kraja ingrena tumen anda mande, ke chacharipe te keren angla lende haj angla murtikana.
19. vers
Kana pale perdal dena tumen, na daran anglunes, ke sar bake so te phenen. Ke davadyola tumenge ande kodo chaso, ke so te phenen.
20. vers
Ke apol, na tume sanle kon vorbin, ba tumare Dadesko Duho si kodo, kon vorbil perdal pa tumende.
21. vers
Atunchi po meripe dela o phral le phrales haj o dad peske shaves. Le shavora pe penge dada haj deja dena, haj po meripe dena len.
22. vers
Ruci avna angla sakoneste anda muro anav, ba kon avri inkrel intregones, kodo muntusardyol.
23. vers
Kana andekh foro nashavna tumen, nashentar ando kaver. Ke Amen phenav tumenge: chi phirena sagutnes perdal le Izraeleske forura, zhikaj chi avelatar le Manushesko Shavo.
24. vers
Naj maj baro o sityardo kathar pesko Maistrovo, chi e sluga kathar pesko raj.
25. vers
Dostaj le sityardeske, kana kasavo avla, sar lesko Maistrovo, haj le slugaske, sar lesko raj. Kana le khereske rajes Belzebuleske anavarenas, sodivar majfeder leske khereske manushen?
26. vers
Na daran apol lendar! Ke khanchi naj garado, so avri na zhanardyolas, haj naj garadi butyi, so avri na zhanardyolas.
27. vers
So ando tunyariko phenav tumenge, phenenla vi dyese, haj so ando kan phendines ashunen, pa kherengo opralutnipe viacaren.
28. vers
Na daran kathar kodola, kon mudaren o trupo, ba o duho chi zhanen te mudaren. Daran barem kathar kodo, kon vi o duho haj vi o trupo zhanel te mudarel ande dyehenna.
29. vers
Duje chiriklyan dore pekh krecari biknen? Haj chi jekh chi perel pe phuv kade, ke tumaro Dad tena zhanelas pa lende.
30. vers
Ba tumenge inke vi tumare bal ginade si pe tumaro shero.
31. vers
Na daran apol, ke maj but sanle tume kathar le chiriklya!
32. vers
Sa kodal, kon chacharen man angla manusha, vi me chacharav len angla muro Dad, kon ando rajo si.
33. vers
Ba kodo kon asvikarel man angla manusha, vi me asvikarav les angla muro Dad, kon ando rajo si.
34. vers
Na gindisaren, ke pacha avilom te anav pe phuv. Na anda kodo avilom, pacha te anav, bethar xanro.
35. vers
Anda kodo avilom, ke mostar te tordyarav le manushes peske dadesa,
la sha la dejasa,
haj la bora la sokrasa;
36. vers
peske khereske nyamura avna le manusheske dushmana
37. vers
Kon majfeder kamel peska da bake dades, najles grizha mande. Kon majfeder kamel peske shaves bake sheja, sar man, najles grizha mande.
38. vers
Kon chi lel opre pesko trushul, haj ch«avel pala mande, najles grizha mande.
39. vers
Kon arakhlas pesko trajo, xasarel kodo, haj kon xasardas pesko trajo, anda mande, rakhel voj kodo.
Potyinipe anda sityardengo andresvagaripe
40. vers
Kon andre svagarel tumen, man svagarel andre, haj kon man svagarel andre, kodo kodales svagarel andre, kon man bishaldas.
41. vers
Kon andre svagarel je-khe profetas, ke profetaj, kodo le profetasko potyinipe lela. Kon andre svagarel jekhe chaches, ke chachoj, kodo le chachesko potyinipe lela.
42. vers
Haj kon del, vi numa jekh taxtaj shudro paji jekheske mashkar kadal majcine, ke muro sityardo si, Amen, phenav tumenge: chi xasarel pesko potyinipe.”
Könyvek
