Lil le efezushenge

chapter 4


Chapters:

1 2 3 4 5 6


Opreakharipe po jekhipe


verse #1

Mangav tumen apol, me, kon phanglo som ando Raj, trajin patyivales kaj kodi butyi so line,


verse #2

intregone muklipesa, ando blindope haj pachipe. Trajin pasha jekhavreste ando kamipe.


verse #3

Zuraren tumen te inkren o duhikano jekhipe ande pachako phanglipe.


verse #4

Jekh si o trupo haj jekh si o Duho, sar vi tumari butyi po jekh sperantipe ingrel.


verse #5

Jekh si o Raj, jekh o patyape, haj jekh o bolardyipe.


verse #6

Jekh si o Del haj sakonesko Dad, kon opralutnoj pe sakofaloste, sakofalo perdal xuvel, haj ande sakofaloste andre si.


La eklezhia zurarde gracijicka dimata


verse #7

E gracija apol sakon mashkar amende kathar le Kristoski tofnimaski rig las.


verse #8

Anda kado phenel o iskiripe:
„Opre gelas ando uchipe, robon ingerdas pesa,
haj tofnimata das le manushen.”


verse #9

Kodo pale, ke „opreghelas”, so kaver sikavel, ke vi tele hurajlas pe phuvake telalutne riga?


verse #10

Kon tele hurajlas, zhikodoj, sar kon opregelas, majopre kathar sagda cheri, ke andre te pherdyarel sakofalo.


verse #11

Voj shutas unyizhenen aposhtolenge, kaveren pale profetange bake evangelarenge, pale kaveren pale malyarenge haj sityarenge,


verse #12

ke mishtoske te kerel le suntonen te keren o slugipe anda Kristosko truposko oprevazdipe,


verse #13

zhikaj savorazhene resas kaj le patyapesko haj le Devleske Shavesko pinzharipesko jekhipe, po manushikano opre baripe, pe kasave bersha, savesko somno le Kristosko intregonipe si:


verse #14

ke tena avas aba labilisha shavora, haj tena shudel amen kathe-kothe e sityarimatako zhisoski balvalako phurdipe manushikane xoxamnipesa haj xalipesa kethanes.


verse #15

Boldines, phiras sar o chachipe phenel ando kamipe, haj ande sakofaloste te baruvas opre leste, kaj o Kristo, kon o shero si.


verse #16

Perdal pa leste, le kethane phangle vunenge zhutipesa ande jekh xutyildines haj kethane inkerdines, pa sako rigako baripe grizholpe, ke opre te barol ando kamipe.


O dulmutano haj nyevo manush


verse #17

Kodo phenav apol, haj mangav tumen ando Raj, ke abakanak tena trajin kade, sar le murtikana trajin, kon pe phutyarimata maren pengi godyi.


verse #18

Tunyarikipe burdosajvel pe lengi godyi, kathar o Devlikano trajo durutnisajlinetar anda kodo bi zhanipe so ande lende si, so lenge ilengo na muklipe somnosarel.


verse #19

Bi hatyarimaske kerdyiline, perdal dine pen le marhimaske, haj anda xanzhvalipe but sakofalone biuzhe trabi keren.


verse #20

Ba tume na kade sityilineles kathar o Kristo,


verse #21

kana chachikanes les ashundine haj pa leste line sityaripe, kathar kodo chachipe inkerdines, so ando Jezush si:


verse #22

shuden tele kathar o dulmutanipe trajisardino manushes, kon ando rumuvjipe nashel kathar le xoxamne doromata:


verse #23

nyevjardyon kathar tumaro gindipe,


verse #24

haj len pe tumende le nyeve manushes, kon pe Devleski mosura ando chachipe haj suntoipe kerdadyilas.


Trubujimata karing o dopashuno vortako


verse #25

Apol andakado shinen tumen kathar o xoxamnipe, haj sakon te phenel chachipe peske dopashune vortakoske, ke riga samle jekhavreske.


verse #26

Vi te xolyajven, na bezexaren; o kham tena nachol tele pe tumari xolyi,


verse #27

haj na den than le bengeske.


verse #28

Kon xapadas, majbut tena xapavel, barem keren butyi, haj peske vastesa te rodel barvalipe, ke te avel anda soste te del le chorrenge.


verse #29

Chi soski nasul vorba tena mukel tumaro muj, numa kasavi, so kaj trubuj, lashi avla po vazdadyipe, ke gracija te del kodalen kon ashunenla.


verse #30

Na brigaren le Devlesko Sunto Duho, pa kaste perdal somnosarde san pe muntoimasko dyes.


verse #31

Sako kerkipe haj xolyi, xape haj kushlimata te avel dur tumendar sakone nasulipesa kethanes.


verse #32

Karing jekhavreste barem aven lashe, jertisaren jekhavreske, sar vi o Del jertisardas tumenge ando Kristo.

Chapters:


Books