Lil le efezushenge
4. fejezet
Opreakharipe po jekhipe
1. vers
Mangav tumen apol, me, kon phanglo som ando Raj, trajin patyivales kaj kodi butyi so line,
2. vers
intregone muklipesa, ando blindope haj pachipe. Trajin pasha jekhavreste ando kamipe.
3. vers
Zuraren tumen te inkren o duhikano jekhipe ande pachako phanglipe.
4. vers
Jekh si o trupo haj jekh si o Duho, sar vi tumari butyi po jekh sperantipe ingrel.
5. vers
Jekh si o Raj, jekh o patyape, haj jekh o bolardyipe.
6. vers
Jekh si o Del haj sakonesko Dad, kon opralutnoj pe sakofaloste, sakofalo perdal xuvel, haj ande sakofaloste andre si.
La eklezhia zurarde gracijicka dimata
7. vers
E gracija apol sakon mashkar amende kathar le Kristoski tofnimaski rig las.
8. vers
Anda kado phenel o iskiripe:
„Opre gelas ando uchipe, robon ingerdas pesa,
haj tofnimata das le manushen.”
9. vers
Kodo pale, ke „opreghelas”, so kaver sikavel, ke vi tele hurajlas pe phuvake telalutne riga?
10. vers
Kon tele hurajlas, zhikodoj, sar kon opregelas, majopre kathar sagda cheri, ke andre te pherdyarel sakofalo.
11. vers
Voj shutas unyizhenen aposhtolenge, kaveren pale profetange bake evangelarenge, pale kaveren pale malyarenge haj sityarenge,
12. vers
ke mishtoske te kerel le suntonen te keren o slugipe anda Kristosko truposko oprevazdipe,
13. vers
zhikaj savorazhene resas kaj le patyapesko haj le Devleske Shavesko pinzharipesko jekhipe, po manushikano opre baripe, pe kasave bersha, savesko somno le Kristosko intregonipe si:
14. vers
ke tena avas aba labilisha shavora, haj tena shudel amen kathe-kothe e sityarimatako zhisoski balvalako phurdipe manushikane xoxamnipesa haj xalipesa kethanes.
15. vers
Boldines, phiras sar o chachipe phenel ando kamipe, haj ande sakofaloste te baruvas opre leste, kaj o Kristo, kon o shero si.
16. vers
Perdal pa leste, le kethane phangle vunenge zhutipesa ande jekh xutyildines haj kethane inkerdines, pa sako rigako baripe grizholpe, ke opre te barol ando kamipe.
O dulmutano haj nyevo manush
17. vers
Kodo phenav apol, haj mangav tumen ando Raj, ke abakanak tena trajin kade, sar le murtikana trajin, kon pe phutyarimata maren pengi godyi.
18. vers
Tunyarikipe burdosajvel pe lengi godyi, kathar o Devlikano trajo durutnisajlinetar anda kodo bi zhanipe so ande lende si, so lenge ilengo na muklipe somnosarel.
19. vers
Bi hatyarimaske kerdyiline, perdal dine pen le marhimaske, haj anda xanzhvalipe but sakofalone biuzhe trabi keren.
20. vers
Ba tume na kade sityilineles kathar o Kristo,
21. vers
kana chachikanes les ashundine haj pa leste line sityaripe, kathar kodo chachipe inkerdines, so ando Jezush si:
22. vers
shuden tele kathar o dulmutanipe trajisardino manushes, kon ando rumuvjipe nashel kathar le xoxamne doromata:
23. vers
nyevjardyon kathar tumaro gindipe,
24. vers
haj len pe tumende le nyeve manushes, kon pe Devleski mosura ando chachipe haj suntoipe kerdadyilas.
Trubujimata karing o dopashuno vortako
25. vers
Apol andakado shinen tumen kathar o xoxamnipe, haj sakon te phenel chachipe peske dopashune vortakoske, ke riga samle jekhavreske.
26. vers
Vi te xolyajven, na bezexaren; o kham tena nachol tele pe tumari xolyi,
28. vers
Kon xapadas, majbut tena xapavel, barem keren butyi, haj peske vastesa te rodel barvalipe, ke te avel anda soste te del le chorrenge.
29. vers
Chi soski nasul vorba tena mukel tumaro muj, numa kasavi, so kaj trubuj, lashi avla po vazdadyipe, ke gracija te del kodalen kon ashunenla.
30. vers
Na brigaren le Devlesko Sunto Duho, pa kaste perdal somnosarde san pe muntoimasko dyes.
31. vers
Sako kerkipe haj xolyi, xape haj kushlimata te avel dur tumendar sakone nasulipesa kethanes.
32. vers
Karing jekhavreste barem aven lashe, jertisaren jekhavreske, sar vi o Del jertisardas tumenge ando Kristo.
Könyvek
