Lil le efezushenge
6. fejezet
1. vers
Shavorale, muken tumen tumare dadeske haj dejake ando Raj, ke kade si kodo mishto.
2. vers
„Patyivisar tye dades haj tya deja”: kadi si e angluni vorba dinipesa kethane phanglo vladipe:
3. vers
„ke lashi butyi te avel tut, haj lungone trajesko te aves pe phuv”.
4. vers
Haj tume dadale, na xolyaren opre tumare shavoren, ba bararen len opre ande pacha haj ande Rajesko feripe!
5. vers
Slugonale, muken tumen kathar trupo inkerdine rajenge darasa haj izdravjimatasa ande tumaro ilo ande jekhimata, zhikade sar le Kristoske!
6. vers
Na po dichipe slugisaren, sar le manushengo fajlipe te rodenas, ba sar le Kristoske slugi, kon anda ilo keren le Devlesko kamipe!
7. vers
Muklikane kamipesa slugisaren, sar le Rajeske te kerenasles, haj na le manushenge!
8. vers
Zhanen, ke sakon, kon variso lasho kerel, kodo lela pesko potyinipe kathar o Raj, shaj avel sluga bake slobodo.
9. vers
Tume pale rajale, zhikado te keren lenca, muken le kushlimata, ke zhanen, ke vi tumenge haj vi lenge Raj si ando cheri, haj leste naj alosaripe.
Opreakharipe po zuraripe
10. vers
Palunes apol: Zurardyon ando Raj haj ande leski bari zor!
11. vers
Len opre le Devlesko mudvaripe, ke te zhanen te tordyaren le bengeske intriki!
12. vers
Ke na le ratesa haj le truposa trubuj te marasame, ba le rajenca, le barenca, le tunyarikimaske anglalarenca, le nasulimaske ando cheresko uchipe beshle duhonca.
13. vers
Len opre apol le Devlesko mudvaripe, ke zurale te aven po nasul dyes, haj te shaj tordyon, ke sakofalo kerdine.
14. vers
Kade tordyon apol, ke tumaro mashkar brichinarisaren opre chachipesa, haj len opre pe tumende le chachardyimaske sastrune gada!
15. vers
Tumare punrenge sandala te aven la pachake evangeliumoske viacarimasko muklipe!
16. vers
Zhikaj kado len le patyapeski dhala, savesa shaj mudaren le nasulimaske sakono jagasle sulici.
17. vers
Len opre le muntoimasko sirastrumo haj vi le Duhosko xanro, apol le Devlesko alav.
18. vers
Sagda rudyin ando Duho, ande sakono rudyipe, haj ande leste ratyaren sagutne zurardyipesa rudyindes anda sagutne suntura,
19. vers
haj vi anda mande, ke o Del te del man vorbi, kana avri putrav muro muj, ke tromanes te viacarav le evangeliumoski tajna,
20. vers
saveske legatari som vi ande sastra: muk te vorbisarav tromanes, sar kado vi trubuj te kerav me.
21. vers
Ke vi tume avri te zhanen, ke so si manca, so kerav, o Tichikus, o kamado phral haj patyivalo sluga ando Raj, sakofalo phenela tumenge.
22. vers
Zhianda kodo bishaldom les tumende, ke avri te zhanen, ke so si amenca, haj te ushorisarel tumaro ilo.
23. vers
Pachipe le phralenge, haj patyapesa angalyi dino kamipe kathar o Dadunodel haj kathar o Raj Jezush Kristo!
24. vers
Gracija sa kodalenge, kon na nachilimaske kamipesa kamen amare Rajes, le Jezush Kristos!
Könyvek
