Lil le efezushenge

Fejezetek:

1 2 3 4 5 6

1. vers

Vi tumen opretrajardas, kon mule sanasle anda tumare bezexa,

2. vers

ande soste trajinas varikana ande kadi luma, haj mukenas tumen kodale rajeske, kodale duhoske, kon akanak ande bipatyamnimaske shave trajil.

3. vers

Varikana vi ame savorazhene mashkar kadal trajisarasas, kana kodal kerasas, so amaro trupo dorolas, haj kodal kerasas, so o trupo haj le hatyarimata mangenas. Sar arakhadyilam la xolyake shave samas, sar vi le majbut.

4. vers

Ba o Del, kon barvaloj ando lashipe, haj baroj anda pesko kamipe, sosa kamelas amen,

5. vers

ba chaches anda amare bezexa mule samas, le Kristosa kethanes opretrajardas amen – anda leski gracija muntusardyiline –,

6. vers

Lesa kethanes opretrajardas haj mashkar le chereske vazdas amen perdal pa Jezush Kristo,

7. vers

ke te sikavel ande avlimaske vrami peske gracijimasko barvalipe amenge ando Kristo Jezush.

8. vers

Ke anda gracija muntusardyiline perdal pa patyape. Kado na tumerndar si, ba le Devlesko tofnipej:

9. vers

na kathar kerdyimata, ke khonyik tena asharel pes.

10. vers

Ke leske kerdyimata sam, ando Kristo Jezush pe lashimata kerdosarde, saven o Del anglal kerdas, ke ande lende te trajisaras.

11. vers

Inkren apol ande tumari godyi, ke varikana murtikana sanasle, kathar o trupo inkerdines, haj bi krujalshindeske phenenas tumen kodal, kon po trupo vastesa kerdosardo krujalshinipe line pengo anav.

12. vers

Ande kodal vrami inke bi Kristosko trajinas, streni sanasle kathar le Izraelesko kethanipe, avral tordyonas pa paratnimataki konvencia, bi sperantako haj bi Devlesko trajinas pe kadi luma.

13. vers

Ba akanak apol ando Jezush Kristo tume, kon varikana dur sanasle, pashe resline perdal pa Kristosko rat.

14. vers

Ke voj si amari pacha, kon le duje popularon jekheske kerdas, haj kodo alosardo zido so mashkar amende si, ande peste tele puterdas.

15. vers

Le alosarde vladimaticka krisa koslas, ke sar pacha kerdari, le dujen jekhe nyeve manusheske te kerel ande peste,

16. vers

haj soldujen ando jekh trupo te ushorisarel le Devlesa perdal pa trushulesko kasht, mudardines o dushmanipe ande peste.

17. vers

Avilastar, ke pacha te viacarel tumenge, kon durutne sanasle, haj pacha kon pashe sanle:

18. vers

ke perdal pa leste si soldujen slobodo drom ande jekh duho kaj o Dad.

19. vers

Kade apol abakanak chi sanle streni haj avlimara, ba le suntonge amala haj le Devleske khereske manusha,

20. vers

pe aposhtolenge haj profetango fundo shutino kher, savesko kolcosko barr o Kristo Jezush si.

21. vers

Ande leste pashardyol kethane o intrego kher, haj le Rajeske sunto khangerake barola.

22. vers

Vi tume ande leste pashardyon kethane le Devleske khereske ando duho.

Fejezetek:

1 2 3 4 5 6