Lil le efezushenge
3. fejezet
O Pal le murtikanongo aposhtoloj
1. vers
Anda kado som me o Pal, le Jezush Kristosko phanglo anda tumende, anda murtikanonde.
2. vers
Dore ashundine, ke ande soski gracijimaski dimata lom pe tumari rig,
3. vers
apol kodo, ke anda avrisikadyipe pinzhardom e tajna, sar aba opralutnes vi iskirisardomla.
4. vers
Te ginadineles, shaj hatyaren atunchi anda leste, ke pinzhardom le Kristoski tajna,
5. vers
so angla kaver generaciovongi vrama nas pinzhardi angla manushenge shave, kade sar akanak perdal pa Duho avri phendas peske suntone aposhtolenge haj profetange:
6. vers
kodo apol, ke le murtikana ando Kristo Jezush muklimara si, rig si von le jekhe truposke, haj jekharsa resardyon ande paratnimata perdal pa evangeliumo.
7. vers
Kadaleske kerdyilom me sluga kathar Devleski gracijimaski dimatipe, so mange das kathar peski zor.
8. vers
Mange, mashkar intrega suntura le majcineske resardyilas kodi gracija: te viacarav le murtikanengo le Kristosko opre nashtig xutyilimasko barvalipe,
9. vers
haj te zhanavarav sakones, ke sar kerdyilas chachipeske e tajna, so sagutnes garadi sas ande sakofalo kerdyardino Del,
10. vers
ke akanak avri te sikadyol le Devlesko butikano platnikipe le rajone krajenge haj saktimo pe eklezhiako drom.
11. vers
Kado sas lesko sagutno vladipe, so ando Kristo Jezush, ande amaro Raj kerdas,
12. vers
ande kaste patyas, haj pachuno drom perdal pa kodo patyape so karing leste hatyaras.
13. vers
Anda kado mangav tumen, na brigajventar anda tumende phirado pharipe so reslom. Kado pe tumaro luvudyipe avla.
Rudyipe anda eklezhia
14. vers
Anda kado bandyarav mure changa angla o Dad,
15. vers
kastar sakono popularo pesko anav las ando rajo haj pe phuv:
16. vers
Te delles tumenge sar kathar pesko luvudyimasko barvalipe inkerdyol, ke te zurardyon andralutne manusheske perdal pa lesko Duho,
17. vers
ke o Kristo perdal pa patyape ande tumaro ilo te beshel, haj ando kamipe muklosardines
18. vers
opre te zhanen te xutyilen le intregone suntonca kethanes, ke so si o bulhipe haj lunzhipe, o uchipe haj milnope,
19. vers
haj te shaj pinzharen vi le Kristosko kamipe, savo kathar sakono pinzharipe majbut si, haj andre te pherdyon le Devleske sagutne intregonipesa.
20. vers
Kodaleske pale, kon kodala zorake zhutipesa, so ande amende butyarel sakofalo shaj kerel haj inke vi kathar kodo majbut, so ame mangas bake hatyaras,
21. vers
luvutyipe te avel ande eklezhia haj ando Kristo Jezush perdal pa sakono generaciovo sagutno-sagutnes! Amen.
Könyvek
