Lil le efezushenge

Capítulos:

1 2 3 4 5 6

verso 1

Anda kado som me o Pal, le Jezush Kristosko phanglo anda tumende, anda murtikanonde.

verso 2

Dore ashundine, ke ande soski gracijimaski dimata lom pe tumari rig,

verso 3

apol kodo, ke anda avrisikadyipe pinzhardom e tajna, sar aba opralutnes vi iskirisardomla.

verso 4

Te ginadineles, shaj hatyaren atunchi anda leste, ke pinzhardom le Kristoski tajna,

verso 5

so angla kaver generaciovongi vrama nas pinzhardi angla manushenge shave, kade sar akanak perdal pa Duho avri phendas peske suntone aposhtolenge haj profetange:

verso 6

kodo apol, ke le murtikana ando Kristo Jezush muklimara si, rig si von le jekhe truposke, haj jekharsa resardyon ande paratnimata perdal pa evangeliumo.

verso 7

Kadaleske kerdyilom me sluga kathar Devleski gracijimaski dimatipe, so mange das kathar peski zor.

verso 8

Mange, mashkar intrega suntura le majcineske resardyilas kodi gracija: te viacarav le murtikanengo le Kristosko opre nashtig xutyilimasko barvalipe,

verso 9

haj te zhanavarav sakones, ke sar kerdyilas chachipeske e tajna, so sagutnes garadi sas ande sakofalo kerdyardino Del,

verso 10

ke akanak avri te sikadyol le Devlesko butikano platnikipe le rajone krajenge haj saktimo pe eklezhiako drom.

verso 11

Kado sas lesko sagutno vladipe, so ando Kristo Jezush, ande amaro Raj kerdas,

verso 12

ande kaste patyas, haj pachuno drom perdal pa kodo patyape so karing leste hatyaras.

verso 13

Anda kado mangav tumen, na brigajventar anda tumende phirado pharipe so reslom. Kado pe tumaro luvudyipe avla.

verso 14

Anda kado bandyarav mure changa angla o Dad,

verso 15

kastar sakono popularo pesko anav las ando rajo haj pe phuv:

verso 16

Te delles tumenge sar kathar pesko luvudyimasko barvalipe inkerdyol, ke te zurardyon andralutne manusheske perdal pa lesko Duho,

verso 17

ke o Kristo perdal pa patyape ande tumaro ilo te beshel, haj ando kamipe muklosardines

verso 18

opre te zhanen te xutyilen le intregone suntonca kethanes, ke so si o bulhipe haj lunzhipe, o uchipe haj milnope,

verso 19

haj te shaj pinzharen vi le Kristosko kamipe, savo kathar sakono pinzharipe majbut si, haj andre te pherdyon le Devleske sagutne intregonipesa.

verso 20

Kodaleske pale, kon kodala zorake zhutipesa, so ande amende butyarel sakofalo shaj kerel haj inke vi kathar kodo majbut, so ame mangas bake hatyaras,

verso 21

luvutyipe te avel ande eklezhia haj ando Kristo Jezush perdal pa sakono generaciovo sagutno-sagutnes! Amen.

Capítulos:

1 2 3 4 5 6