Lil le efezushenge
capítulo 5
verso 1
Keren apol, sar kamle shavora, le Devleski parabola,
verso 2
haj trajin ando kamipe, sar vi o Kristo kamelas amen, haj kothe das pes dimataske, lashe sungasle sarkafimoske le Devleske.
Drom anda tunyarikipe po fimlalipe
verso 3
Marhipe haj zhisosko biuzhipe bake xanzhvalipe chi ande vorba tena avel mashkar tumende, sar kado perelpe kaj le suntura,
verso 4
chi zhungalipe bake chi dili dujagorutni vorba, so chi perelpe, barem najisipe.
verso 5
Hatyarenla aba, haj xutyilenla opre, ke chi soske marhimaske bake biuzheske, haj xanzhvaleske, bake fetishos kamles najles rig ande Kristosko haj Devlesko them.
verso 6
Khonyik tena xoxavel tumen shushe vorbenca, ke anda kasave marel le Devleski xolyi le bipatyamnimaske shaven.
verso 7
Na aven apol rigasle ande lenge bezexa.
verso 8
Ke varikana tunyarikipe sanasle, ba akanak fimlalipe sanle ando Raj. Trajin kade, sar le fimlalimaske shavora,
verso 9
– le fimlalimasko frukto pale sa lashipej, chachimataj haj chachipej –,
verso 11
Na aven rigasle ande tunyarimaske trabi, barem phenen tele kodalen.
verso 12
Ke so von tajnicka keren, inke vi avri te phenen lazhavo si.
verso 13
Ba pe sakofalo, so telephenipe resel, fimlalipe puterdyola,
verso 14
haj sakofalo, so avri zhanardyol, fimlalipe kerdyol. Kathar si o phenipe: „Ushtyi opre sovjindo, trajisar opre anda tyo meripe, haj o Kristo pe tute ablyola!”
verso 15
Apol zurales len sama, ke sar trajin, na kade sar le bi godyakire,
verso 16
ba sar le platnika. Mishto trajin opre e vrama, ke chorre dyesa trajisaras!
verso 17
Na aven apol dile, ba hatyaren, ke soj le Rajesko kamipe!
verso 18
Na matyon tele kathar e mol, ke anda kodo marhipe kerdyol, barem pherdyon Suntone Duhosa!
verso 19
Mashkar tumende salmi, haj sunci haj duhikane gilya gilyaben, gilyaben haj volyin tumen le Rajeske!
verso 20
Den najisipe anda sakofaloste amare Raj Jezush Kristosko anav le Devleske le Dadeske!
E kristianicko familia
verso 21
Muken tumen jekhavreske ande Kristoski dar!
verso 22
Le romnya te muken pen penge romenge, zhisar le Rajeske,
verso 23
ke o mursh sheroj la romnyake, sar vi o kristo sheroj la eklezhiake: voj si le truposko muntori.
verso 24
Ba sar e eklezhia le Kristoske si telalutni, kade vi e romnyi ande sakofaloste peske romeske.
verso 25
Tume romale, kamen tumare romnyan, sar vi o Kristo kamelas la eklezhia! Pes das anda late,
verso 26
ke ande pajesko najaripe perdal pa alav uzharindes te suntosarella,
verso 27
haj luvudyimaske te shol peske la eklezhia, ke chi sosko nasul somno tena avel pe late, ba te avel sunto haj uzhi.
verso 28
Zhikade vi le mursh kade te kamen penge romnyan, sar penge trupos. Ke kon kamel peska romnya, pes kamel.
verso 29
Ke chikana, khonyik chi rucil pesko trupo, ba xaxavelles haj grizholles, zhikade sar o Kristo la eklezhia,
verso 31
„Anda kado o manush mukel peske dades haj deja, kaj peski romnyi cirdelpe, haj dujzhene jekh trupo kerdyona”.
verso 32
Bari tajnaj kadi: me pale pa Kristo haj pa eklezhia phenav kado!
verso 33
Apolal savorazhene mashkar tumende kade te kamel peska romnya, sar pes, e romnyi pale te patyivisarel peske romes.
Libros
