Lil le efezushenge
5. fejezet
1. vers
Keren apol, sar kamle shavora, le Devleski parabola,
2. vers
haj trajin ando kamipe, sar vi o Kristo kamelas amen, haj kothe das pes dimataske, lashe sungasle sarkafimoske le Devleske.
Drom anda tunyarikipe po fimlalipe
3. vers
Marhipe haj zhisosko biuzhipe bake xanzhvalipe chi ande vorba tena avel mashkar tumende, sar kado perelpe kaj le suntura,
4. vers
chi zhungalipe bake chi dili dujagorutni vorba, so chi perelpe, barem najisipe.
5. vers
Hatyarenla aba, haj xutyilenla opre, ke chi soske marhimaske bake biuzheske, haj xanzhvaleske, bake fetishos kamles najles rig ande Kristosko haj Devlesko them.
6. vers
Khonyik tena xoxavel tumen shushe vorbenca, ke anda kasave marel le Devleski xolyi le bipatyamnimaske shaven.
7. vers
Na aven apol rigasle ande lenge bezexa.
8. vers
Ke varikana tunyarikipe sanasle, ba akanak fimlalipe sanle ando Raj. Trajin kade, sar le fimlalimaske shavora,
9. vers
– le fimlalimasko frukto pale sa lashipej, chachimataj haj chachipej –,
11. vers
Na aven rigasle ande tunyarimaske trabi, barem phenen tele kodalen.
12. vers
Ke so von tajnicka keren, inke vi avri te phenen lazhavo si.
13. vers
Ba pe sakofalo, so telephenipe resel, fimlalipe puterdyola,
14. vers
haj sakofalo, so avri zhanardyol, fimlalipe kerdyol. Kathar si o phenipe: „Ushtyi opre sovjindo, trajisar opre anda tyo meripe, haj o Kristo pe tute ablyola!”
15. vers
Apol zurales len sama, ke sar trajin, na kade sar le bi godyakire,
16. vers
ba sar le platnika. Mishto trajin opre e vrama, ke chorre dyesa trajisaras!
17. vers
Na aven apol dile, ba hatyaren, ke soj le Rajesko kamipe!
18. vers
Na matyon tele kathar e mol, ke anda kodo marhipe kerdyol, barem pherdyon Suntone Duhosa!
19. vers
Mashkar tumende salmi, haj sunci haj duhikane gilya gilyaben, gilyaben haj volyin tumen le Rajeske!
20. vers
Den najisipe anda sakofaloste amare Raj Jezush Kristosko anav le Devleske le Dadeske!
E kristianicko familia
21. vers
Muken tumen jekhavreske ande Kristoski dar!
22. vers
Le romnya te muken pen penge romenge, zhisar le Rajeske,
23. vers
ke o mursh sheroj la romnyake, sar vi o kristo sheroj la eklezhiake: voj si le truposko muntori.
24. vers
Ba sar e eklezhia le Kristoske si telalutni, kade vi e romnyi ande sakofaloste peske romeske.
25. vers
Tume romale, kamen tumare romnyan, sar vi o Kristo kamelas la eklezhia! Pes das anda late,
26. vers
ke ande pajesko najaripe perdal pa alav uzharindes te suntosarella,
27. vers
haj luvudyimaske te shol peske la eklezhia, ke chi sosko nasul somno tena avel pe late, ba te avel sunto haj uzhi.
28. vers
Zhikade vi le mursh kade te kamen penge romnyan, sar penge trupos. Ke kon kamel peska romnya, pes kamel.
29. vers
Ke chikana, khonyik chi rucil pesko trupo, ba xaxavelles haj grizholles, zhikade sar o Kristo la eklezhia,
31. vers
„Anda kado o manush mukel peske dades haj deja, kaj peski romnyi cirdelpe, haj dujzhene jekh trupo kerdyona”.
32. vers
Bari tajnaj kadi: me pale pa Kristo haj pa eklezhia phenav kado!
33. vers
Apolal savorazhene mashkar tumende kade te kamel peska romnya, sar pes, e romnyi pale te patyivisarel peske romes.
Könyvek
