Evangeliumo kathar o Mark
8. fejezet
O dujto manresko butaripe
1. vers
Ande kodal dyesa, kana pale but manusha sas kethane haj nasle so te xan, peste akhardas peske sirtyarden haj kodo phendas lenge:
2. vers
„Sunuj le butimatan, ke aketa, aba trin dyes ke manca si, haj najle so te xan.
3. vers
Bokhales te bishalo len khere, khinyona po drom, ke si mashkarlende, kon dural avilas.”
4. vers
Leske sityarde pe kado kodo phende leske: „Sar shaj inkrelas kadalen mishto o manush manresa kathe ande pusta?”
5. vers
Voj pale pushlas len: „Sode manre si tumen?” Kodal kado phendine: „Efta”
6. vers
Pe kado vladisardas le butimatange, te beshen tele pe phuv. Xutyildas le efta manren, najisipe phendas, phaglasle haj kothe dasle kaj peske sityarde, te shonle angla lende; haj kodal angla butimata shutele.
7. vers
Vi masho sasle cerra: vi kodalen ashtyisardas, haj duma das, te shon vi kadal angla lende.
8. vers
Pala kodo xaline haj chalyiline. Haj so ashilas anda xamasko, ande efta koshnyici kidinele kethane.
9. vers
Kon xaline, karing le shtar miji zhene sas. Pala kodo bishaldas len.
O Jezush chi del somno
10. vers
Voj pale sigo ando bero beshlas peske sityardenca haj pe Dalmanutake phuva gelas.
11. vers
Atunchi avri aviline le farizana, linepe te xanpe lesa, haj zumavenas les, chereske somnura mangenas lestar.
12. vers
Atunchi anda pesko duhosko majtelalutnipe baro dyi cirdas haj kodo phendas: „Sostar mangel somno o popularo? Ke chachikanes phenav tumenge: chi lel somno kado popularo.”
13. vers
Pala kodo kothe muklas len, pale ando bero beshlas, haj perdal gelas pe kaver dolma.
Feripe kathar le farizana haj kathar o Herodesh
14. vers
Ba bisterdine manro te ingren penca, haj kathar jekh manro nas lende majbut ando bero.
15. vers
Atunchi kade ferilas len: „Len sama, ferin tumen kathar le farizanengo haj kathar le Herodeshesko kamiripe.”
16. vers
Kodal pale vorbinaspe mashkar pende, ke najle manro: „Naj amen manro.”
17. vers
O Jezush sama las kado haj kado phendas lenge: „Sostar vorbin tume pa kodo, ke naj tumen manro? Haj inke ch«akanak chi zhanen haj chi hatyaren e traba? Haj inke korrardo si tumaro ilo?
18. vers
Si tumen jakha, haj inke chi dikhen? Si tumen kan, haj inke chi ashunen? Chi seron pe kodo,
19. vers
kana panzh manre panzhe mijenge phaglom, sode pherde koshnyici ashilimata kidine opre?” Kodo phendine leske: „Deshudujen”
20. vers
„Haj kana le efta manren shtare mijange, sode pherdine koshnyicengo ashilipe kidine kethane?” Kodo phendine leske: „Efta.”
21. vers
Pe kado kade das duma lende: „Sostar si apol kodo, ke chi kade chi hatyaren?”
Le betsaidickone korresko sastyaripe
22. vers
Pala kodo ande Betsaida resline. Jekhe korres ingerdine leste, haj mangenas les, te resel leste.
23. vers
Voj vastestar xutyildas le korres, haj avri ingerdas les pa kodo than, pe leske jakha shungardas pala kodo pe leste shutas peske vast, haj pushlas lestar, ke dikhel apol variso.
24. vers
Kodo opredikhlas haj kodo phendas: „Dikhav le manushen, sar le kasht te phirenas.”
25. vers
Pala kodo pale pe leske jakha shutas pesko vast, pe soste kuko las te dikhel, sastyilas, haj uzhes dikhelas pale.
26. vers
Haj voj kadalesa bishaldas les khere: „Ando gav na zha andre!”
Le Peteresko avriphenipe
27. vers
O Jezush pala kado gelastar peske sityardenca ande Filip Cezareake gava. Po drom pushlas peske sityarden: „Kaske gindin man le manusha?”
28. vers
Von kodo phende leske: „Le Bolare Janosheske, kavera le Illesheske, pale kavera jekheske mashkar le profeti.”
29. vers
Pe kado pushlas len: „Haj tume kaske gindin man?” O Peter das vorba leske: „Tu san o Kristo.”
30. vers
Atunchi pe lengo duho manglas len, ke khanyikaske tena vorbin kado pa leste.
O angluno profecipe pa leske dukhardyimata haj pa opretrajimata
31. vers
Pala kado las te sityarel len pe kodo, ke le Manusheske Shaveske but trubul te dukhardyol. Trubuj te xasaren les le phure, le farizana haj le iskiritora, trubuj te mudaren les, haj pa trin dyes opre trubuj te trajisardyol.
32. vers
Intregone uzhimatasa phendas lenge kadi traba. Atunchi o Peter rigate akhardas les, haj las tele te vorbil les.
33. vers
Ba voj boldaspe, pe peske sityarde dikhlas, haj vorba vazdas po Peter: „Zhatar angla mande, shatanona! Ke na le Devleske butyanca grizhostu, ba le manushengirenca.”
Pala Jezush zhalipe; haj o pesasvikaripe
34. vers
Pala kodo peste akhardas le butimatan haj peske sityarden, haj kodo phendas lenge: „Kon pala mande kamel te avel, te asvikarel pes, te lel opre pesko trushul haj tavel pala mande.
35. vers
Ke kon kamel te muntul pesko trajo, xasarel kodo, haj kon xasarel pesko trajo anda mande haj anda evangeliumo, muntul kodo.
36. vers
Ke so mol le manusheske, kana sa e intrego luma peske lel, lesko dyi pale nasulipe resel?
37. vers
Ke so shaj del o manush parudes anda pesko dyi?
38. vers
Ke kon lazhal man haj mure alaven ande kadi ansurimata oprephagerdi, bezexasli vrama, vi le Manushesko Shavo lazhala kodales, kana avla ande peske Dadesko ashtyilipe le suntone andyelonca.”
Könyvek
