Evangeliumo kathar o Mark

1. fejezet


Fejezetek:


Bolari Janosh


1. vers

Le Jezush Kristosko, le Devleske Shavesko evangeliumosko anglipe.


2. vers

Sar si iskirime kaj o Izajas profeta:
„Aketa, bishalav mure legataros angla tute,
kon angle lasharel tyo drom;


3. vers

ande pusta cipisardeski vorba:
Lasharen haj vortaren
le Devleske droma,


4. vers

O Janosh sikadyilas ande pusta: bolelas haj viacarelas le bezexbunuimatango bolipe pe bezexjertimata.


5. vers

Avri geline leste sa le Judeake haj le Jeruzhalemeske manusha. Boldas len ando Jordanicko ab, so pala soste avri phende penge bezexa.


6. vers

Le Janosheske gada anda dromedareski zar sas, haj morchuno brichinari phiravelas krujal pe pesko mashkar, shashki haj turbatoadyvin xalas.


7. vers

Kade sityarlas: „Pala mande avel, kon majzuraloj mandar, kaske chi som dosta changadines chi leske sandalenge haravja te putrav.


8. vers

Me pajesa bolav, voj pale Sunto Duhosa bolela tumen”


Le Jezushesko bolipe


9. vers

Pecisajlas ande kodal dyesa, ke avilas o Jezush anda galileako Nazaret, haj o Janosh boldas les ando Jordano.


10. vers

Sar opre vazdadyilas anda paji, dikhlas, ke puterdyon le chera, haj o Duho, sar gulunbo pe leste hural.


11. vers

Anda cheri glaso ashundyilas: „Tu san muro kamado Shavo, ande tute pherdyol muri voja.”


Le Jezushesko zumavjipe


12. vers

Pala kado o Duho sigo ingerdas les ande pusta.


13. vers

Ande pusta sas shtarvardesh dyes: o beng zumavelas les. Le turbatonepedonca sas, haj le andyela sluginas leske.


Alavviacaripe ande Galilea


14. vers

Zhi palasoste o Janosh perdal davadyilas, o Jezush ande Galilea gelas, te sityarel le Devlesko evangeliumo.


15. vers

Kodo phendas: „Andre pherdyilas e vrama, haj pashardyilas le Devlesko them. Inkren bezexjertimata, haj patyan ando evangeliumo.”


Le anglune sityardengo akharipe


16. vers

Kana pasha Galileaki mara gelastar, dikhlas le Shimones haj leske phrales le Andrashes, kana xudro shudenas ande mara, ke mashara sas.


17. vers

O Jezush kodo phendas lenge: „Aven palamande, haj me manushenge masharange kerav tumen!”


18. vers

Von atunchi mukline penge xudrura, haj zhanas pala leste.


19. vers

Na dur kothar dikhlas le Jakabos, le Zebedeusheske shaves, haj leske phrales, le Janoshes, sar vi von penge xudren lasharnas ando bero,


20. vers

haj sigo akhardas vi len. Kodol pale, muklines penge dades le Zebedeushes haj le slugan ando bero, haj gele pala leste.


O Jezush ande kafarnaumicko zhinagoga


21. vers

Andre gele ando Kafarnaumo. Savatone sigo andre gelas ande zhinagoga haj sityarlas.


22. vers

Bari dikhenas pe lesko sityaripe, ke kade sityarlas len, sar kas saktimo si, haj na kade sar le iskiritora.


23. vers

Sas ande lengi zhinagoga jekh manush ande kaste biuzho duho beshelas. Kado kade cipisardas opre:


24. vers

„So grizha xal amen tute, Nazareticko Jezush! Anda kodo avilan, te xasares amen? Zhanav kon san: le Devlesko Sunto!”


25. vers

O Jezush vladisardas leske: „Mucisajve, haj zha avri anda leste.”


26. vers

O biuzho duho pe kado opre tele shudelas les, pala kodo glasune cipimatasa avri gelas anda leste.


27. vers

Pe kado savorazhene bari dikhline, haj kodo pushenas jekhavrestar: „Soj kado? Nyevo sityaripe, saktimosa? Inke vi le biuzhe duhonge vladisarel, haj kodal mukenpe leske.”


28. vers

Je-kharsa bari viaca kerdyilas les ande Galilea.


Le Petereska sokrako sastyaripe


29. vers

Pala kado sigo avri gelas anda zhinagoga, haj geletar ande Shimonesko haj Andrashesko kher le Jakabosa haj le Janoshesa kethanes.


30. vers

Le Shimoneski sokra javrikanes pashjolas. Vi sigo duma dine le Jezusheske anda late.


31. vers

Kothe gelas late haj oprezhutisardas la kathar lako vast xutyildes. Pe kado muklas la o javrope, haj opreslugisardas lenge.


Le bengalenge haj le nasvalengo sastyaripe


32. vers

Kana andre ratyilas haj tele gelas o kham, kothe ingerde leste le intregone nasvalen haj bengalen:


33. vers

o intrego foro kothe cirdadyilas kaj o vudar.


34. vers

Sastyardas bute nasvalen, kathar butfala dukha, haj but bengen nashadas avri, ba chi muklas len te den duma, ke kodal pinzharenas les.


O Jezush ande Galilea sityarel


35. vers

Kaver dyes kana zorilas opreushtyilas, avri gelas, haj gelastar pekh pusto than, kothe te rudyil.


36. vers

O Shimon, haj kon lesa sas, pala leste geline.


37. vers

Kana rakhle les, kodo phende leske: „Sakon tut rodel.”


38. vers

Voj kado phendas palpale: „Aventar kaver thaneste, vi pe kaver riga, vi kothe te shaj sityarav o alav, anda kodo avilom.”


39. vers

Haj andre phirdas e intrego Galilea, sityardas ande lenge zhinagogi, haj bengen nashavelas.


Le lepralesko sastyaripe


40. vers

Atunchi kothe avilas leste jekh lepralo, haj changadines kade mangelas les: „Te kames, zhanes te uzhares man.”


41. vers

O Jezush sunusardas les. Avri lunzhardas pesko vast, haj kodo phendas leske: „Kamav, av uzho!”


42. vers

Kana kado avriphendas, ande kodo minuto nachilastar pa leste e lepra, haj uzhilas.


43. vers

Vazdine glasosa pe leste vladisardas, haj bishaldas les kadale vorbenca:


44. vers

„Lesama, khanyikaske na puknyin pa kado; ba zha, sikav tut le rashajeske, haj imbisar opre anda tyo uzhipe, so o Mozesh phendas, anda chacharipe lenge.”


45. vers

Ba kodo, kana gelastar, las te phenel sakoneske e traba, kade o Jezush nashtig gelas sakonestar pinzhardes ando foro, bethar avral ande pustone thana cirdelaspe; haj kothe phirenas leste pa sogode riga.

Fejezetek:


Könyvek