Evangeliumo kathar o Mark

Chapters:

… 11 12 13 14 15 16   ⇤ ← 13 → ⇥

verse #1

Kana anda khangeri avri gelas, lesko jekh sityardo kado phendas leske: „Maistro! Dikh soske barr si kadal, haj soske khera!”

verse #2

O Jezush kodo phendas leske: „Dikhes apol sa kadal bare khera? Chi ashol kathe barr po barr, so tele te na pustinas.”

verse #3

Pala kodo pe uloj kashtengo plaj telebeshlas vorta la khangerake mosa. O Peter haj o Jakab, o Janosh haj o Andrash rigate pushlas lestar:

verse #4

„Phen amenge, ke kana pecinape sa kadala, haj so avla lengo somno, kana sa kadal kerdyona?”

verse #5

O Jezush kado phendas lenge: „Len sama, varikon te na xoxavel tumen.”

verse #6

Ke but zhene avna ande muro anav, haj kodo phenena, ke me somle, haj but zhenen xoxavena.

verse #7

Kana pale pa marimata haj larimatangi viaca ashunena, na darajven. Kadalake kade trubuj travel, ba kado inke na o agor avla.

verse #8

Ke populara pe populara dela haj them po them; vi kathe, vi kothe mishkilape e phuv haj bokhajvipe avla. Kado avla le dukhardyima-tango anglipe.

verse #9

Ba tume len sama pe tumende. Perdal dena tumen la krisange, marna tumen ande zhinagogi, angla anglalara manusha haj kraja tordyarena tumen anda mande, vorba te den angla lende.

verse #10

Ba majanglal sakone popularonge trubuj te viacaren o evangeliumo.

verse #11

Kana angla e kris ingerna tumen, na daran anglalutnes, ke so te vorbisaren. Phenen kodo, so ande kodo chaso davadyol tumenge. Ke na tume sanle kon vorbin, ba o Sunto Duho.

verse #12

Atunchi po meripe dela o phral le phrales, o dad le shaves; le shavora pe dej thaj dad dena, haj po meripe ingravena len.

verse #13

Ruci avna angla sakoneste anda muro anav, ba kon avri inkrel zhikaj o agor, kodo, muntosardyola.

verse #14

Kana dikhena, ke o pustisardo marhipo kothe tordyol, kaj chi trubulas – kon ginavel les, te hatyarel les –, atunchi kodal, kon ande Judea sile, te nashen ande plaja!

verse #15

Kon pale pe kheresko opralutnipe si, tena hulyel tele, haj tena zhal andre, te ingrel variso anda pesko kher,

verse #16

kon pale pe mal si, tena avel palpale, te ingrel peske gada!

verse #17

Jaj le phare haj chuchidine dejange ande kodal dyesa!

verse #18

Rudyin anda kodo, ke sa kadal na jivende te pecisajven!

verse #19

Ke kasave kikidyimaske dyesa avna kadal, sosko inke nas zhikaj kadi vrama kathar la lumako anglalipe, so o Del kerdas, haj china chi avla aba.

verse #20

Haj o Raj tena skurtosarelas kodal dyesa, chi jekh zhuvindo chi muntusardyolas atunchi; ba anda alosarde, saven avri alosardas, skurtosarela kodal dyesa.

verse #21

Atunchi varikon kodo te phenela tumenge: »Aketa, kathej o Kristo, aketa, kothej«, na patyan les.

verse #22

Ke xoxamne Kristura haj xoxamne profeta kerdyona, somnura haj chudimata kerna, ke te shaj, inke vi le alosarden te zhanen te xoxaven.

verse #23

Tume apolal len sama; aketa, sakofalo anglunes phendom tumenge.

verse #24

Ande kodal dyesa, pala kikidyimata, o kham andre kalyola, o shonitiko chi fimlala,

verse #25

le cherhaja tele perena pa cheri, haj le zor, save ando cheri sile, slabosajvena.

verse #26

Atunchi dikhena le Manusheske Shaves, sar avla ande norora, saktimosa haj luvudyipesa.

verse #27

Bishavela peske andyelon, haj kethane kidela peske avri alosardiren anda chereske shtar riga , kathar la phuvako agor zhikaj le chereski granica.

verse #28

Len parabola pa gularkashteste: kana inke kole si leske kranzhi haj leske patra avri puterdyiline, zhanen, ke pashe si o milaj.

verse #29

Kade vi tume, kana kodo dikhena, ke sa kadal pecinape, zhanena avri, ke pashe si ando vudar.

verse #30

Amen, phenav tumenge: chi nachola kado generaciovo, zhikaj kadal chi pecisardyona.

verse #31

Cheri haj phuv nachonatar, ba mure alava chi nachonatar.

verse #32

Ba kodo dyes haj kodo chaso khonyik chi pinzharel, chi le andyela ando cheri, chi o Shavo, feri o Dad.

verse #33

Len sama apolal, aven samalelara, ke chi zhanen, kana avla kodi vrama!

verse #34

Sar o manush kon ando strenipe kamlas te zhal: kana muklas pesko kher, saktimo das peske slugen, sakones ande peski butyi, le vudartordyareske pale vladisardas, te lel sama.

verse #35

Aven apol samalelara; ke chi zhanen kana avela le kheresko raj, ratyi bake dopashratyi, kana o bashno cipil bake detehara;

verse #36

ke kana bizhukardes avla, sovjindes tena arakhel tumen.

verse #37

Haj so tumenge phenav, kodo sakoneske phenav: „Aven samalelara!”

Chapters:

1 2 3 4 5 6 7 8 9 10 11 12 13 14 15 16