Evangeliumo kathar o Mark

Chapters:

… 11 12 13 14 15 16   ⇤ ← 16 → ⇥

verse #1

Kana nachilastar o savato e Maria Magdolna haj e Maria, le Jakaboski dej haj e Salome lashe sungengire makhlimata kindine, te zhantar haj te makhen le Jezushes.

verse #2

Le kurkesko angluno dyes, kana puterdyol e detehara, haj o kham opreushtyilas, kaj o murmunto geline.

verse #3

Kodo pushline jekhavrestar: „Kon pizdela majintye o barr amenge anda murmuntesko vudar?”

verse #4

Ba kana krujal dikhline, kodo dikhle, ke pizdine aba le barres angla vudar. Ba zurales baro barr sas.

verse #5

Andre geline ando murmunto, pe chachi rig jekhe ternes dikhline te beshel ande lunge parne gada urades, haj darajline.

verse #6

Ba kodo kade das lende duma: „Na daran! Le Nazaretickone Jezushes roden, kas po trushul tannardine? Opretrajisardyilas, naj kathe. Aketa, ka-thej o than, kaj shutine les.

verse #7

Zhantar, haj phenen kado leske sityardenge haj le Petereske: „Angla tumende zhal ande Galilea, kothe dikhena les, sar so vi phendas tumenge.”

verse #8

Kodol avrigele haj nashletar kathar o murmunto, ke izdravjimata haj dar xutyildas len, haj chi phendine khanyikaske khanchi, ke daranas.

verse #9

Kana pe le kurkesko angluno dyes opretrajisardyilas, majanglal la Maria Magdolnake sikadyilas, anda kaste efta beng nashadas avri.

verse #10

Gelastar haj phendas kodalenge, kon anglunes lesa sas, haj save akanak kaldosarenas haj rovjarnas les.

verse #11

Kana ashundine latar, ke trajil haj ke voj dikhlas les, chi patyanas lake.

verse #12

Pala kado mashkarlende dujenge, sikadyilas andekh bi pinzhardo trupo, kana kodal pe gava zhanas.

verse #13

Vi von geline haj phendine e traba le majbutenge, ba chi lenge chi patyanas.

verse #14

Palunes apol sikadyilas vi le deshujekhenge, kana kaj e mesalya beshenas. Pe lenge jakha shudas lengo bipatyape haj lengo ilengo capenyipe, ke chi patyanas kodalenge, kon les dikhline pala opretrajisaripe.

verse #15

Pala kado kodo phendas lenge: „Zhantar ande intrego luma, haj sityaren o evangeliumo sakone zhuvindenge.

verse #16

Kon patyal haj boldosardyol, kodo muntosardyol; kon pale chi patyal, kodo pale bezexisardyol.

verse #17

Kodalen, kon patyan, kadal somnura chacharena; ande muro anav bengen nashavena avri, pe nyeve shiba dena duma,

verse #18

sapa lena opre, haj kana varisosko merimasko pipe pena, chi kerla dosh ande lende; pe nasvale shona penge vast, haj kodal sastyona.”

verse #19

O Raj Jezush, pala soste vorbisardas lende, oprelavadyilas ando rajo, haj be-shel pe Devleski chachi rig.

verse #20

Kodal pale geline haj sityarde o alav sogode thanende. O Raj lenca kethanes butyarlas, haj o sityaripe chudenge somnonca zurardas.

Chapters:

1 2 3 4 5 6 7 8 9 10 11 12 13 14 15 16