Angluno lil kaj le korintushicka

Capítulos:

… 10 11 12 13 14 …   ⇤ ← 12 → ⇥

verso 1

Pe Duhicka dimata dikhlines pale, phralale, chi kamav, ke bi zhanarde te aven.

verso 2

Zhanen, ke kana murtikana sanasle, le trubujimaske muklines zhanas kaj o fetisho.

verso 3

Anda kado zhanarav tumenca, ke khonyik, kon kathar le Devlesko Duho del duma, chi phenel: „Armajaslo te avel o Jezush!”, haj khonyik nashtig shaj phenel: „O Jezush si o Raj”, numa perdal pa Sunto Duho.

verso 4

La gracijake dimata chaches, ke kaver falura si, ba o Duho zhi kodoj.

verso 5

Vi le slugimata kaverfaluraj, ba o Raj zhikodoj.

verso 6

Haj vi le zorimaske sikadyimata kaverfalura si, ba o Del, kon sa kado ande sakoneste kerel, zhikodoj.

verso 7

Le Duhoske sikadyimata sakon anda kodo lel, ke lashipe te kerel lesa.

verso 8

O jekh le platnikipeske vorbi lel kathar o Duho, o kaver le zhanipesko zhikathar kodo Duho.

verso 9

Kaver varikon o patyape lel zhiande kodo Duho, pale kaver le sastyaripesko dimatipe kathar o jekh Duho,

verso 10

bake chudipesko saktimo, profetalipe, le dichimange krisarimata, pe shiba vorbisaripe bake pe shiba phende phenimatango hatyaripe.

verso 11

Kado zhikodo jekh Duho kerel, sakones kade dines rig, sar kamel.

verso 12

Ke sar o trupo jekh si, chaches ke but riga siles, vi kade jekh trupo si, kade vi o Kristo.

verso 13

Ke ame ando jekh Duho jekhe truposke bolardyilam, zhisar le bibolde, zhisar le hellena, zhisar le slugi, zhisar le slobodura: haj savorazhenen jekh duho phirdas perdal.

verso 14

Ke chi o trupo na jekh rig si, ba but.

verso 15

Kodo te phenelas o punro: „Chi som vast, chi som le truposki rig”, dore atunchi chi avlas le truposki rig?

verso 16

Haj kodo te phenelas o kan: „Chi som jakh, chi som le truposki rig”, dore atunchi chi avlas le trupuski rig?

verso 17

Kana o intrego trupo jekh jakh te avlas, kaj avlas o ashunipe?

verso 18

Apol o Del lashardas ando trupo le riga, jekhtunes savoren, sar kamelas.

verso 19

Kana varisode jekh trupo te avnas, kaj avlas o trupo?

verso 20

Apol but si chaches le riga, ba o trupo jekh si.

verso 21

Nashtig phenel e jakh le vasteske: „Chi trubus mange!”, haj chi o shero le punreske: „Chi trubun mange!”

verso 22

Haj inke kodal save le trupeske slabone rigange dichon, inke majfeder trubun,

verso 23

haj saven chi inkras pe butende ando trupo, kodalen inke majbare patyivasa las krujal. Save bi patyivale si amenge, kodalen majbari patyiv sile,

verso 24

ba amare patyivale rigan naj pe kado trubujipe. Ba o Del anda kodo kerdas kasaveske le trupos, ke save rigan nas, kodalen majbari patyiv das,

verso 25

ke tena avel jekhipe ando trupo, ba le riga anda jekhavreste te grizhonpe.

verso 26

Kana e jekh rig dukharel, kodalasa kethanes sa le riga dukhardyon: bake e jekh rig patyivipe lel, jekhtunes losshal atunchi sa le riga.

verso 27

Tume pale le Kristosko trupo sanle, haj jekhtunes leske riga.

verso 28

Ande eklezhia o Del unyizhenen aposhtolenge shutas, po dujto profetange, po trito sityarenge; kaverenge chudimata kerdi zor das, bake le sastyarimasko, zhutimasko, anglalardyimasko haj pe shiba vorbisardengo dimatipe das.

verso 29

Dore savorazhene aposhtolura si? Dore savorazhene profeta si? Dore savorazhene sityaraj? Dore savorazhene chudimata kerdej?

verso 30

Dore savorazhenenge davadyilas le sastyaripesko dimatipe? Dore savorazhene vorbin pe shiba? Dore savorazhene hatyaren kodal?

verso 31

Ba tume vazdadyon pe majbare dimata! Haj pasha kado inke vi majlasho drom sikavav tumenge.

Capítulos:

1 2 3 4 5 6 7 8 9 10 11 12 13 14 15 16