Angluno lil kaj le korintushicka
capítulo 10
Le Izraelesko historipe, sar ferisaripe
verso 1
Chi kamav, ke te bistren kodo, phralale, ke tumare dada savorazhene tala o noro sas, haj savorazhene perdal geline pa mara,
verso 2
haj savorazhene bolardinepe perdal pa Mozesh ando noro haj mara.
verso 3
Savorazhene zhikodo duhikano xamasko xanas,
verso 4
haj savorazhene zhikodo duhikano pimo penas, ke piline anda kodo duhikano plaj so palalende zhalas: o plaj pale o Kristo sas.
verso 5
Ba ande majbutende chi arakhlas voja o Del, ke muline ande pusta.
verso 6
Kado pale amenge anglune pecimaske kerdyilas, ke ame tena dorosaras o nasul, sar von dorosardineles.
verso 7
Chi fetisha kamle na kerdyon, sar unyizhene mashkar kodal, sar iskirime si: „Tele beshlas o popularo te xal haj te pel, haj opreushtyiline te khelenpe”.
verso 8
Haj tena marhisaras amen, sar unyizhene marhinsardine pen mashkar kodal, haj tala jekh dyes bishtajtrin miji zhene muline.
verso 9
Chi le Kristos na zumavas, sar kon unyizhene zumadine les mashkar kodal, haj xasajlinetar kathar le sapa.
verso 10
Chi te xolyajven na xolyajven, sar unyizhene xolyajline mashkar kodal, haj xasajline kathar o pustisari.
verso 11
Sa kadal anglune pecimaske kerdyiline amenca, haj anda kodo iskirisardineles tele, ke te sityuvas anda leste ame, kaste la vramako agor pashardyilas.
verso 12
Kon apol kodo gindil, ke tordyol, te lel sama, tena pereltar.
verso 13
Kathar manusheski zor majbaro zumavjipe inke chi reslas tumen. O Del chachoj, haj chi mukel kodo, ke opral pa tumari zor te dukhadyon zumavjipe, ba le zumavjipesa kethanes vi o slobodipe del tumenge, ke te zhanen perdal te trajin les.
Le fetishesko kamipe haj o murtikano sarkafimo
verso 14
Anda kado mure kamade, krujin le fetishongo kamipe.
verso 15
Kade dav duma tumende, sar kaj godyavera manusha: krisaren tume, ke so phenav:
verso 16
Le ashtyilimasko taxtaj, so ashchilisaras, na amaro ande Kristoske ratesko rigipe si? Haj o manro, so phagas, na amaro ande Kristosko truposko rigipepe si?
verso 17
Ke jekh manro, jekh trupo sam but zhene, ke savorazhene anda jekh manro rigajvas.
verso 18
Dikhen le trupostarutno Izraeles: kon le sarkafimura xal, apol ando kethanipe si le oltarosa?
verso 19
So kamav kadalesa te phenav? Dore kodo, ke le fetishonge sarkafimasle masa bake o fetisho kerel variso?
verso 20
Na! Ba so le murtikana sarkafimosaren, kodo le demonenge sarkafimosaren haj na le Devleske. Chi kamav, ke le demononca te aven ando kethanipe.
verso 21
Nashtig pen le Devlesko taxtaj haj le demonengo thaxtaj. Nashtig aven rigasle le Devleske mesalyake haj le demonenge mesalyake.
verso 22
Te xolyaras dore po daramnipe le Rajes? Dore maj zurale sam lestar?
verso 23
„Sosko slobodoj”, ba na sakofalo hasnisarel. „Sakofalo slobodoj” ba na sakofalo avla po oprevazdipe.
verso 24
Khonyik tena rodel pesko, ba kodo, so kavereskoj.
verso 25
Sakofalo, so pe masesko foro bikindyol xanles, kade, ke vi variso te pushenas anda duho hatyarimaske butya.
verso 26
Ke le Devleskij e phuv haj kodalako intregonipe.
verso 27
Kana varikon mashkar le murtikana akarela tumen haj vi kamen te zhantar, sakofalo xan, so xaben angla tumende shon, kade, ke vi variso te pushenas anda duho hatyarimaske butya.
verso 28
Ba kana varikon kodo phenel tumenge: „Kado anda fetishege sarkafimosarde butya si”, na xanles anda kodo, kon vazdas e vorba, haj anda duho pushlipe;
verso 29
Na tyire duhoske hatyarimata phenav pe kado, ba le kaveresko. Sostar te krisarel muro slobodipe kaveresko duhosko hatyaripe?
verso 30
Kana me najisipesa resardyuvav, sostar te kushel man varikon anda kodo, anda soste najisipe phenav?
verso 31
Apol te xana, te pena, haj zhikaver te kerena, sakofalo pe Devlesko luvudyipe keren.
verso 32
Na keren kasavo anda soste shaj xolyajven le bibolde, haj le hellena, haj chi le Devleske eklezhiake,
verso 33
sar vime ande sakofaloste sakoneske leski voja kerav, na kodo rodindes, so mange lashoj, ba kodo so le majbutenge, ke te muntosardyon.
Libros
