Angluno lil kaj le korintushicka
capítulo 8
O kristianisko slobodipe
verso 1
Apol pa le fetishonge sarkafimasle masa zhanas, ke savorazhenen si amen pinzharipe. O pinzharipe phutyardeske kerel, o kamipe pale oprevazdel.
verso 2
Kana varikon kade gindil, ke varisosko zhanipe sityilas, inke chi pinzhardas opre, ke sar trubuj opre te pinzharelles.
verso 3
Ba kana varikon kamel le Devles, kodo aba kamel le Devles.
verso 4
Apol pa fetishonge sarkafimasle masenge xape zhanas, ke naj fetisho pe luma, haj ke naj kaver Del, feri jekh.
verso 5
Ke vi te si varisoske Devla: zhi ando cheri, zhi pe phuv, sar but del si haj but raj,
verso 6
amen vi kade jekh Del si, o Dad, kastar sakofalo si, o Jezush Kristo, pa kaste perdal sakofalo si, haj pa kaste perdal vi ame sam.
verso 7
Ba na sakones si pinzharipe; ke unyizhene vi akanak o mas kade xan, sar le fetishonge sarkafimos, haj lengo duhosko hatyaripe, ke slaboj, andre melardyol.
verso 8
Ba o xamasko chi kerel amen maj skunposke angla o Del; tena xasales, chi resasa faltipe, haj te xasales, chi resasa butipe.
verso 9
Ba len sama, ke tumaro slobodipe tena avel varisar pe slabongi xolyi.
verso 10
Ke kana varikon kodales, kas pinzharipe siles, ande fetishoski khangeri dikhel kaj e mesalya, kodalesko duhikano hatyaripe, ke slaboj, oprexolyardyola anda fetishicko masesko xape.
verso 11
Kade anda tyiro pinzharipe xasajveltar tyo slabo phral, anda kaste o Kristo mulas!
verso 12
Ba kana pe tumare phral kade bezexaren, haj azban kade lengo slabo duhosko hatyaripe, vi le Kristoske bezexaren.
verso 13
Anda kado kana o xamasko oprexolyarel mure phralen, barem chi xav majbut mas chikana, ke mure phralen opre tena xolyarav.
Libros
