Angluno lil kaj le korintushicka
capítulo 15
Le Kristosko opretrajipe haj o muntoipe
verso 1
Inbisarav tumenge phralale, o evangeliumo, so viacardom tumenge, haj so vi patyajline, haj ande soste vi tordyon.
verso 2
Pa leste perdal vi muntosardyona, te inkrenales kade, sar viacardomles tumenge, ke kaverfalos anda khanchi kerdyilinesas patyamnenge.
verso 3
Ke kodo dom tumenge perdal, so vi me lom: ke o Kristo mulas anda amare bezexa sar o Iskiripe phenel,
verso 4
praxosardine les, haj po trito dyes opretrajisdardyilas, sar o Iskiripe phenel.
verso 5
Sikadyilas le Kefasheske, pala kodo le deshudujenge.
verso 6
Pala kodo sikadyilas majbut sar panzhe shele phralenge jekharsa, mashkar kaste inke but zhene vi akanak trajin, kavera pale muline.
verso 7
Pala kodo sikadyilas le Jakabeske, pala kodo sa le aposhtolenge.
verso 8
Pala savorazhenende pale sar pe rigatekerdyilineske, sikadyilas vi mange.
verso 9
Ke me o majcino som mashkar le aposhtolura, chi pe kodo chi som dosta, ke aposhtoleske te phenen man, ke nashavos le Devleski eklezhia.
verso 10
Ba anda Devleski gracija som kodo, so som, haj e mange dini gracija nas anda khanchimaste. Haj kathar savorazhenendar majbut butyardom man, ba na me, barem le Devleski gracija manca kethanes.
verso 11
Apol me, bake von, kade viacarasles, haj tume kade kerdyiline patyamnenge.
verso 12
Kana apol pa Kristo kodo viacaras, ke anda meripe opretrajisardyilas, atunchi sar phenen unyizhene mashkar tumnede, ke naj opretrajipe?
verso 13
Ke tena naj mulengo opretrajipe, atunchi chi o Kristo chi trajisardyilas opre!
verso 14
Kana pale o Kristo chi trajisardyilas opre, atunchi anda khanchipe si amaro alav-viacaripe, haj anda khanchipeste si vi tumaro patyape.
verso 15
Haj inke le Devleske vi xoxamne chachardenge dichuvasa, ke chachardyimata shutam po Del, ke opretrajardas le Kristos, kana pale china chi trajardas les opre, kana le mule chachikanes chi trajin opre.
verso 16
Ke le mule tena trajin opre, atunchi chi o Kristo chi trajisardyilas opre.
verso 17
Kana pale o Kristo chi trajisardylas opre, anda khanchi si tumaro patyape, haj inke vi akanak ande tumare bezexa sanle.
verso 18
Haj inke vi kodola, kon ando Kristo muline, xasajline.
verso 19
Ke numa ande kado trajo te speratisardyuvas ando Kristo, majchorre sam zhi kathar intrega manushendar.
verso 20
Ba o Kristo opretrajisardyilas anda meripe, sar le mulengo kolipe.
verso 21
Ke sar kathar jekh manush kerdyilas o meripe, kade vi kathar jekh manush kerdyilas o opretrajisardyipe.
verso 22
Ke sar ando Adam savorazhene meren, kade ando Kristo savorazhene opretrajisardyona.
verso 23
Sakon sar perelpe: anglunes o Kristo: pala kodo, kodal kon le Kristoskej, kana voj avelatar.
verso 24
Pala kodo avel o agoripe, kana perdal dela o rajipe le Devleske haj Dadeske, pala soste nachardas sakono krajipe, sako baripe haj zor.
verso 25
Ke zhikaj kodo trubuj leske te rajilpe, zhikaj peske dushmanon, sa tala peske punre chi shudela.
verso 26
Sar palutne dushmanos, le meripes nacharela.
verso 27
Ke sakofalo tala peske punre shudas. Ba kana kado phenel: „Sakofalo telaleste si shudino”, numa kodo na, kon telaleste shudas sakofalo.
verso 28
Kana pale sakofalo telaleste avla shudino, atunchi vi o Shavo tala kodo shola pes, kon sakofalo telaleste shutas, ke o Del te avel sakofalo ande sakofaloste.
verso 29
Ke kaver falos so keren kodal, kon bolenpe anda mule? Kana le mule chi sar chi trajin opre, soatar bolenaspe anda lende?
verso 30
Sostar shas avri vi amen bidake ande sako chaso?
verso 31
Pala jekh dyes pala kaver merav, kasavo chaches si kado phralale, sar tumenca kerdo asharipe ando Kristo Jezush, ande amaro Raj.
verso 32
Kana feri manushikanes marosma le turbatonepedonca ando Efezush, so zhutil mange? Kana le mule chi trajin opre, atunchi numa”xas haj pas, ke tehara meras”.
verso 33
Na muken tumen te xoxaven: „O nasul kethanipe rumul o lasho moralo.”
verso 34
Trazosajven avri intregones, haj na bezexaren! Ke unyizhene chi pinzharen le Devles. Anda kodo phenav kado, te lazhan tumen!
Le muntosardyipesko andre pherdyipe ando opretrajisaripe
verso 35
Ba kodo shaj phenelas varikon: „Sar trajin opre le mule? Soske truposa avena maj angle?”
verso 36
Dile! So beshaves, chi baro avri, kana anglunes chi merel.
verso 37
Haj kana beshaves, na le avlune trupos beshaves, ba numa le sumburos, apol le dyivesko bake kaveresko.
verso 38
O Del pale trupo del kodales, sar voj kamel, apol sakone sumbureske trupo del.
verso 39
Na sako trupo zhikodo trupo si, ba kaver si le manushengo, haj kaver le pedongo, kaver le chiriklyango, haj kaver le mashengo.
verso 40
Haj si chereske trupura haj phuvake trupura, ba kaver si le chereskirenge fimlalimata haj kaver le phuvakirenge.
verso 41
Kaver si lesko fimlalipe le khameske, haj kaver si lesko fimlalipe le shonitikoske, haj kaver si lengo fimlalipe le cherhajenge. Sako cherhaj maj kaveres fimlalisarel sar o kaver.
verso 42
Kade si vi le mulengo opretrajipe: ando rumuvjipe beshavenles, haj ando bi rumuvjipe trajil opre;
verso 43
ando lazhavjipe beshavenles, haj ando luvudyipe trajil opre; ando slabipe beshavenles, haj ande zor trajil opre;
verso 44
Hatyarimasko trupo beshaven, haj duhimasko trupo trajil opre.
Kana si hatyarimasko trupo, atunchi si vi duhikano trupo.
verso 45
Kado phenel vi o Iskiripe: „Adam, o angluno manush, trajimasko kerdyilas”, o paluno Adam pale trajisardo duhoske.
verso 46
Ba na o duhikano si o angluno, ba o hatyarimasko, numa pala kodo o duhikano.
verso 47
O angluno manush anda phuv si, phuvakoj, o dujto manush anda rajo si.
verso 48
Soskij e phuvaki, kasavej le phuvakire, haj sosko o rajunoj, kasavej vi le rajune.
verso 49
Haj sar phiradam le phuvake manusheski mosura, kade phiravasa vi le rajoskireski mosura.
verso 50
Phenav apol phralale, ke trupo haj rat nashtig resel le Devleske themes, haj chi o rumuvjipe nashtig resel le bi rumuvjipes.
verso 51
Aketa, tajna phenav tumenge: Chi merasa apol savorazhene, ba savorazhene kaver kerdyuvasa:
verso 52
jekharsa, talakh minuto, po paluno bashavjimasko phurdipe, ke ashundyola o fanfari, haj le mule opretrajisardyona ando bi rumuvjipe, ame pale kaver kerdyuvasa.
verso 53
Ke kadale rumuvjimaske truposke ando bi rumuvjipe trubul te uravelpe, haj kadale merimaske truposke ando bi meripe trubuj te uravelpe.
verso 54
Kana pale kado rumuvjindo trupo ando bi rumuvjipe uravelape, haj kado merimasko ando bi meripe, atunchi andre pherdyol o alav, so iskirime si:
„Nakhadas le meripes o viktornope.
verso 55
Meripe, kaj si tyo viktornope?
Meripe, kaj si tyo xanro?”
verso 56
Le merimasko xanro e bezex si, la bezexaki zor pale e kris si.
verso 57
Ba najis le Devleske, kon das amenge o viktornopes perdal pa amaro Raj, pa Jezush Kristo.
verso 58
Apolal, mure kamade phral, aven zurale, capeni, keren sogodivar majbut anda Raj, ke zhanen, ke tumari butyi na anda khanchi si ando Raj.
Libros
