chapter 15
Inbisarav tumenge phralale, o evangeliumo, so viacardom tumenge, haj so vi patyajline, haj ande soste vi tordyon.
Pa leste perdal vi muntosardyona, te inkrenales kade, sar viacardomles tumenge, ke kaverfalos anda khanchi kerdyilinesas patyamnenge.
Ke kodo dom tumenge perdal, so vi me lom: ke o Kristo mulas anda amare bezexa sar o Iskiripe phenel,
praxosardine les, haj po trito dyes opretrajisdardyilas, sar o Iskiripe phenel.
Sikadyilas le Kefasheske, pala kodo le deshudujenge.
Pala kodo sikadyilas majbut sar panzhe shele phralenge jekharsa, mashkar kaste inke but zhene vi akanak trajin, kavera pale muline.
Pala kodo sikadyilas le Jakabeske, pala kodo sa le aposhtolenge.
Pala savorazhenende pale sar pe rigatekerdyilineske, sikadyilas vi mange.
Ke me o majcino som mashkar le aposhtolura, chi pe kodo chi som dosta, ke aposhtoleske te phenen man, ke nashavos le Devleski eklezhia.
Ba anda Devleski gracija som kodo, so som, haj e mange dini gracija nas anda khanchimaste. Haj kathar savorazhenendar majbut butyardom man, ba na me, barem le Devleski gracija manca kethanes.
Apol me, bake von, kade viacarasles, haj tume kade kerdyiline patyamnenge.
Kana apol pa Kristo kodo viacaras, ke anda meripe opretrajisardyilas, atunchi sar phenen unyizhene mashkar tumnede, ke naj opretrajipe?
Ke tena naj mulengo opretrajipe, atunchi chi o Kristo chi trajisardyilas opre!
Kana pale o Kristo chi trajisardyilas opre, atunchi anda khanchipe si amaro alav-viacaripe, haj anda khanchipeste si vi tumaro patyape.
Haj inke le Devleske vi xoxamne chachardenge dichuvasa, ke chachardyimata shutam po Del, ke opretrajardas le Kristos, kana pale china chi trajardas les opre, kana le mule chachikanes chi trajin opre.
Ke le mule tena trajin opre, atunchi chi o Kristo chi trajisardyilas opre.
Kana pale o Kristo chi trajisardylas opre, anda khanchi si tumaro patyape, haj inke vi akanak ande tumare bezexa sanle.
Haj inke vi kodola, kon ando Kristo muline, xasajline.
Ke numa ande kado trajo te speratisardyuvas ando Kristo, majchorre sam zhi kathar intrega manushendar.
Ba o Kristo opretrajisardyilas anda meripe, sar le mulengo kolipe.
Ke sar kathar jekh manush kerdyilas o meripe, kade vi kathar jekh manush kerdyilas o opretrajisardyipe.
Ke sar ando Adam savorazhene meren, kade ando Kristo savorazhene opretrajisardyona.
Sakon sar perelpe: anglunes o Kristo: pala kodo, kodal kon le Kristoskej, kana voj avelatar.
Pala kodo avel o agoripe, kana perdal dela o rajipe le Devleske haj Dadeske, pala soste nachardas sakono krajipe, sako baripe haj zor.
Ke zhikaj kodo trubuj leske te rajilpe, zhikaj peske dushmanon, sa tala peske punre chi shudela.
Sar palutne dushmanos, le meripes nacharela.
Ke sakofalo tala peske punre shudas. Ba kana kado phenel: „Sakofalo telaleste si shudino”, numa kodo na, kon telaleste shudas sakofalo.
Kana pale sakofalo telaleste avla shudino, atunchi vi o Shavo tala kodo shola pes, kon sakofalo telaleste shutas, ke o Del te avel sakofalo ande sakofaloste.
Ke kaver falos so keren kodal, kon bolenpe anda mule? Kana le mule chi sar chi trajin opre, soatar bolenaspe anda lende?
Sostar shas avri vi amen bidake ande sako chaso?
Pala jekh dyes pala kaver merav, kasavo chaches si kado phralale, sar tumenca kerdo asharipe ando Kristo Jezush, ande amaro Raj.
Kana feri manushikanes marosma le turbatonepedonca ando Efezush, so zhutil mange? Kana le mule chi trajin opre, atunchi numa”xas haj pas, ke tehara meras”.
Na muken tumen te xoxaven: „O nasul kethanipe rumul o lasho moralo.”
Trazosajven avri intregones, haj na bezexaren! Ke unyizhene chi pinzharen le Devles. Anda kodo phenav kado, te lazhan tumen!
Ba kodo shaj phenelas varikon: „Sar trajin opre le mule? Soske truposa avena maj angle?”
Dile! So beshaves, chi baro avri, kana anglunes chi merel.
Haj kana beshaves, na le avlune trupos beshaves, ba numa le sumburos, apol le dyivesko bake kaveresko.
O Del pale trupo del kodales, sar voj kamel, apol sakone sumbureske trupo del.
Na sako trupo zhikodo trupo si, ba kaver si le manushengo, haj kaver le pedongo, kaver le chiriklyango, haj kaver le mashengo.
Haj si chereske trupura haj phuvake trupura, ba kaver si le chereskirenge fimlalimata haj kaver le phuvakirenge.
Kaver si lesko fimlalipe le khameske, haj kaver si lesko fimlalipe le shonitikoske, haj kaver si lengo fimlalipe le cherhajenge. Sako cherhaj maj kaveres fimlalisarel sar o kaver.
Kade si vi le mulengo opretrajipe: ando rumuvjipe beshavenles, haj ando bi rumuvjipe trajil opre;
ando lazhavjipe beshavenles, haj ando luvudyipe trajil opre; ando slabipe beshavenles, haj ande zor trajil opre;
Hatyarimasko trupo beshaven, haj duhimasko trupo trajil opre.
Kana si hatyarimasko trupo, atunchi si vi duhikano trupo.
Kado phenel vi o Iskiripe: „Adam, o angluno manush, trajimasko kerdyilas”, o paluno Adam pale trajisardo duhoske.
Ba na o duhikano si o angluno, ba o hatyarimasko, numa pala kodo o duhikano.
O angluno manush anda phuv si, phuvakoj, o dujto manush anda rajo si.
Soskij e phuvaki, kasavej le phuvakire, haj sosko o rajunoj, kasavej vi le rajune.
Haj sar phiradam le phuvake manusheski mosura, kade phiravasa vi le rajoskireski mosura.
Phenav apol phralale, ke trupo haj rat nashtig resel le Devleske themes, haj chi o rumuvjipe nashtig resel le bi rumuvjipes.
Aketa, tajna phenav tumenge: Chi merasa apol savorazhene, ba savorazhene kaver kerdyuvasa:
jekharsa, talakh minuto, po paluno bashavjimasko phurdipe, ke ashundyola o fanfari, haj le mule opretrajisardyona ando bi rumuvjipe, ame pale kaver kerdyuvasa.
Ke kadale rumuvjimaske truposke ando bi rumuvjipe trubul te uravelpe, haj kadale merimaske truposke ando bi meripe trubuj te uravelpe.
Kana pale kado rumuvjindo trupo ando bi rumuvjipe uravelape, haj kado merimasko ando bi meripe, atunchi andre pherdyol o alav, so iskirime si:
„Nakhadas le meripes o viktornope.
Meripe, kaj si tyo viktornope?
Meripe, kaj si tyo xanro?”
Le merimasko xanro e bezex si, la bezexaki zor pale e kris si.
Ba najis le Devleske, kon das amenge o viktornopes perdal pa amaro Raj, pa Jezush Kristo.
Apolal, mure kamade phral, aven zurale, capeni, keren sogodivar majbut anda Raj, ke zhanen, ke tumari butyi na anda khanchi si ando Raj.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly