Angluno lil kaj le korintushicka

Chapters:

… 5 6 7 8 9 …   ⇤ ← 7 → ⇥

verse #1

So pale pa kodo vorbil, so iskirisardine mange, kodo phenav: lashoj le manusheske kana romnyate chi resel.

verse #2

Ba anda marhipe apol sakone mursheske te avelles romnyi, haj sakona romnya te avel rom.

verse #3

O rom te del peska romnyake sosa kamel, zhikade vi e romnyi peske romeske.

verse #4

La romnya najla saktimo pe lako trupo, ba le romes si; zhikade chi le romes naj saktimo pe pesko trupo, ba la romnya si.

verse #5

Na inkerdyontar jekhavrestar, numa anda jekh kamipe pekh vrama, ke la rudyimatake te trajisaren; pala kodo aven pale kethanes, ke o shatano tena zumavel tumen anda kodo, ke chi zhanen tumen palpale te inkren.

verse #6

Kado pale kade phenav, sar muklimata, na sar vladipe.

verse #7

Ke kodo fajas man, ke sakon kasavo te avlas, sar me, ba sakones pestarutno tofnipe siles kathar o Del: le jekhes kasavo, le kaveres pale kaver falo.

verse #8

Le bi romnyangirenge haj le phivjenge pale kodo phenav: Lashoj lenge kana kade ashon, sar vi me.

verse #9

Ba kana chi inkren pen palpale, te phanden atunchi ansuripe; ke majlashi butyij te phanden ansuripe, sar te phabon.

verse #10

Kodalenge pale, kon ando ansuripe trajin, na me vladisarav, ba o Raj, ke e romnyi kathar o rom tena shindyoltar

verse #11

– kana pale shindyoltar, te ashol bi ansurimako, bake te pachardyol avri peske romesa –, haj chi o rom tena bishalel peska romnya.

verse #12

Le majbutenge apol me phenav, na o Raj: Kana varisave phrales murtikani romnyi siles, haj kodi kamel lesa te beshel, tena bishalel kodala;

verse #13

haj kana varisava romnya murtikano rom sila, haj kamel kodo te beshel lasa, tena mukel peske romes.

verse #14

Ke o murtikano rom suntosardyol perdal pa peski romnyi, haj e murtikani romnyi suntosardyol perdal pa pesko rom. Ke kaver falos tumare shave biuzhe avnas, ba sunturaj.

verse #15

Ba kana o murtikano shindyoltar, te shindyoltar numa. Ke le phrales bake phenya ande kadi traba nashtig vazden po slugipe, ke po pachipe akhardas amen o Del.

verse #16

Ke kathar zhanes tu romnye, ke shaj muntos tye romes? Bake kathar zhanes tu mursh, ke shaj muntos tya romnya?

verse #17

Apolal te trajil sakon kade, sar o Raj das kodo leske, sar o Del akhardas les. Kado sityarav ande sako eklezhia.

verse #18

Sar krujalshindo las varikon o akharipe? Tena nacharel pesko krujalshinipe! Bi krujalshinimasko las varikon o akharipe? Tena shinavel krujal pes!

verse #19

O krujalshinipe khanchij, haj vi o bi krujalshinipe khanchi si, feri le Devleske vladimata si so andre trubuj te inkren.

verse #20

Sakon te ashol ande kodo akharipe, ande soste akhardyilas.

verse #21

Sar roboski sluga lan o akharipe? Na grizhontu lesa; haj vi slobodeske te kerdyosas, barem kado trajisar opre.

verse #22

Ke kon sar roboski sluga las akharipe ando Raj, kodo le Rajesko slobodarij: zhikade, kon sar slobodo manush las akharipe, kodo le Kristoske roboski slugaj.

verse #23

Baro sas tumaro paruvjikano potyinipe! Tena aven manushenge slugi!

verse #24

Sakon te ashol ande kasavo akharipe angla o Del, ande soste akharipe reslas.

verse #25

Pe le shejora naj man vladipe kathar o Raj, ba vorba vi kade dav, sar kon jertipe reslom kathar o Raj, te patyan mange.

verse #26

Kodo inkrav apol lasha butyake, ke mishtoj le manusheske kade te ashol.

verse #27

Kaj romnyi san phanglo? Na rode o shindyipe. Bi romnyako san? Na rode romnya.

verse #28

Romnya te lesa, na bezexar; haj kana sunto romeste zhal, chi bezexardas. Ba kadalenge truposke dukha avnale, ma pale kamav te ferisarav tumen.

verse #29

Kodo phenav apol, phralale: E vrama skurtoj. Pala kado vi kodala, kas romnyi si, te aven kasave, sar tena avlas len,

verse #30

haj kon roven, sar tena rovenas, kon losshan, sar tena losshanas, kon kinen, sar kas tena avlas khanchi,

verse #31

haj kon trajin kadala lumasa, sar tena trajinas lasa: ke nacholatar kadi luma.

verse #32

Man pale kodo fajas, ke bi gindoske te shaj trajinas. Kas naj romnyi, pe kodo gindisarel, ke soj le Rajesko, ke sar fajas le Rajeske.

verse #33

Kas pale romnyi siles, pe kodo gindil, so la lumakoj, ke sar fajas leska romnyake,

verse #34

kade rigako kerdyola. Bi romesko, vi e romnyi haj vi e shej pe kodo gindil, so le Rajeskoj, ke ando trupo haj ando duho sunto te avel; ba kon romeste si, pe kodo gindil, so la lumakoj, ke sar te avel po fajlipe peske romeske.

verse #35

Kado anda tumende phenav, haj na anda kodo, ke te xoxavav tumen, ba anda kodo, ke patyivales te trajin, haj jekhtune ilesa te pashardyon kaj o Raj.

verse #36

Haj varikon kodo te gindilas, ke trubujas te lazhalpe anda peski shej, ke nachilas pa late e vrama, haj trubuj te pecisardyol, te kerel apol so kamel. Chi bezexarela: phanden numa ansuripe.

verse #37

Ba kon zurales patyal ande pesko ilo, haj naj chi sosko trubuipe, ba saktimo te siles pe peste, kodo shutas opre ande pesko ilo, ke inkrel peska suntona sheja, mishto kerel.

verse #38

Apol kon romeste del peska sha, vi kodo mishto kerel; ba kon chi della romeste, kodo inke majfeder kerel kodo.

verse #39

E romnyi tele si phangli zhikaj lako rom trajil; ba lako rom te merela, slobodo romeste shaj zhal, kaste numa kamel, ba feri ando Raj.

verse #40

Ba me kade gindisarav, ke maj baxtali avla, kana korkori ashola. Patyav, ke vi ande mande le Devlesko Duho si.

Chapters:

1 2 3 4 5 6 7 8 9 10 11 12 13 14 15 16