Angluno lil kaj le korintushicka

Chapters:

… 11 12 13 14 15 16   ⇤ ← 13 → ⇥

verse #1

Te dav duma pe manushengi bake andyelongi shib, kana kamipe naj ande mande, kasavo som, sar bashado sastri bake bashado cimbalmo.

verse #2

Te avel muro zhanipe kathar le profeta, te pinzharav dore sa le tajni haj sako zhanipe, haj te avel sa kasavo intreguno muro patyape, ke le plaja pe kaver thana te shav: kana kamipe naj ande mande, khanchi som.

verse #3

Te dav kothe sa muro barvalipe sar dimata, haj te dav perdal muro trupo, te shaj asharav man: kana kamipe naj ande mande, khanchi chi mol mange.

verse #4

O kamipe toleranshoj, o kamipe lashoj, naj daramno, chi asharelpe, chi phutyarelpe,

verse #5

chi kamel peske barvalipe, chi rodel pesko, chi xolyardyol opre, chi gindil po nasulipe,

verse #6

chi losshal le nasulimaske, ba kethanes losshal le chachipesa;

verse #7

sakofalo mukel, sakofalo patyal, sakofalo sperantisarel, haj sakofalo perdal hatyarel.

verse #8

O kamipe chikana nacholatar. Le profetalimata agorisajvenatar, le shiba nachonatar, le zhanimata xasalyvenatar.

verse #9

Ke rigakej le pinzharimata, haj rigakej lengo profecipe:

verse #10

kana pale avelatar o feder, o rigipe nacholatar.

verse #11

Kana shavoro somas, kade vorbisaros, sar o shavoro, kade hatyaros sar o shavoro, kade gindisarosma sar o shavoro: Kana pale mursh kerdyilom, muklom kodal butya, so shavorikanej.

verse #12

Akanak apol kathar e glinda perdal, ande muglya dikhas, ba atunchi pale sakofalo. Akanak inke rigako si muro zhanipe, ba atunchi kade zhano, sar akanak vi me pinzhardo som.

verse #13

Anda kado ashol o patyape, o sperantipe, o kamipe, kado trin: ba mashkar kadal o kamipe si o majbaro.

Chapters:

1 2 3 4 5 6 7 8 9 10 11 12 13 14 15 16