chapter 5
Kodi viaca ashundyol pa tumende, ke marhipe si mashkar tumende, haj kasavo marhipe, so chi mashkar le murtikana naj, ke varikon peske dadeska romnyasa trajil.
Haj tume inke phutyarde sanle, kana barem brigasle trubujas te aven, haj te bishalenas mashkar tumende kodales, kon kadal trabi kerdas.
Me, kon kathar o trupo dur, ba kathar o duho kathe som, aba krisaripe phendom sar kodo, kon kathe si pa kodo, kon kade kerdas.
Amare Rajesko le Jezush Kristosko anav te xuvardyol ande jekh tumaro duho haj muro, haj amare Rajesko le Jezusheske saktimosa
das perdal le kasaves le shatanoske, pe leske truposko nachilipe, ke o duho te muntusardyol pe le Rajesko dyes.
Tumaro asharipe naj lasho. Chi zhanen, ke vi cerra kamiripe oprephutyarel le xumeres?
Shuden o dulmutano kamiripe, ke nyeve xumera te kerdyon, ke chachikanes bi kamireske sanle! Ke amare patradyake bakres, le Kristos opresarkafimosardine.
Beshas apol baro dyes, ba na le dulmutane kamiresa, haj china le nasulimaske kamiresa, ba le vorta duhoskiresa haj chachimaske bi kamiripesa.
Ande muro lil iskirisardom aba tumenge: Na trajin ande jekh le marhisardinenca.
Na kadala lumake marhisardinenca haj xanzhvalenca, chorenca bake fetishon kamadenca: ke atunchi avritrubujas te zhan anda luma.
Ba akanak kodo iskirisardom tumenge, ke tena phiren kethane kodalenca, kas phraleske phenen, ba marhisardoj bake xanzhvaloj, fetisho kamadoj bake armaja cipisardoj, matyarnoj bake chor te si: kasavenca inke china tena xan kethanes.
Apol muri grizhaj, ke pa kodal te krisarav, kon avralutnej? Haj na pe kodo krisaren vi tume, kon andral si?
Le avralutnen pale o Del krisarela. Shuden avri mashkar tumende le nasules!
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly