Angluno lil kaj le korintushicka

Chapters:

… 6 7 8 9 10 …   ⇤ ← 8 → ⇥

verse #1

Apol pa le fetishonge sarkafimasle masa zhanas, ke savorazhenen si amen pinzharipe. O pinzharipe phutyardeske kerel, o kamipe pale oprevazdel.

verse #2

Kana varikon kade gindil, ke varisosko zhanipe sityilas, inke chi pinzhardas opre, ke sar trubuj opre te pinzharelles.

verse #3

Ba kana varikon kamel le Devles, kodo aba kamel le Devles.

verse #4

Apol pa fetishonge sarkafimasle masenge xape zhanas, ke naj fetisho pe luma, haj ke naj kaver Del, feri jekh.

verse #5

Ke vi te si varisoske Devla: zhi ando cheri, zhi pe phuv, sar but del si haj but raj,

verse #6

amen vi kade jekh Del si, o Dad, kastar sakofalo si, o Jezush Kristo, pa kaste perdal sakofalo si, haj pa kaste perdal vi ame sam.

verse #7

Ba na sakones si pinzharipe; ke unyizhene vi akanak o mas kade xan, sar le fetishonge sarkafimos, haj lengo duhosko hatyaripe, ke slaboj, andre melardyol.

verse #8

Ba o xamasko chi kerel amen maj skunposke angla o Del; tena xasales, chi resasa faltipe, haj te xasales, chi resasa butipe.

verse #9

Ba len sama, ke tumaro slobodipe tena avel varisar pe slabongi xolyi.

verse #10

Ke kana varikon kodales, kas pinzharipe siles, ande fetishoski khangeri dikhel kaj e mesalya, kodalesko duhikano hatyaripe, ke slaboj, oprexolyardyola anda fetishicko masesko xape.

verse #11

Kade anda tyiro pinzharipe xasajveltar tyo slabo phral, anda kaste o Kristo mulas!

verse #12

Ba kana pe tumare phral kade bezexaren, haj azban kade lengo slabo duhosko hatyaripe, vi le Kristoske bezexaren.

verse #13

Anda kado kana o xamasko oprexolyarel mure phralen, barem chi xav majbut mas chikana, ke mure phralen opre tena xolyarav.

Chapters:

1 2 3 4 5 6 7 8 9 10 11 12 13 14 15 16