Angluno lil kaj le korintushicka

chapter 4

Chapters:

Kade te dikhel pe amende sako manush, sar pe Kristoske slugi, haj sar le Devleske tajnengo lashari.

Haj apol kathar o lashari kodo mangen, ke chacho te avel.

Ba mange kodo si muro majcino gindo, ke tume te phenen pa mande krisaripe, bake kaver manushengo kethanipe, haj inke chi me chi krisarav man.

verse #4

Ande khancheske chi hatyarav man bezexasleske, ba kado inke chi kerel man chacheske. O Raj si kodo, kon krisarel man.

verse #5

Kade na phenen krisaripe angla vramate, zhikaj chi aveltar o Raj, kon le tunyarikipeske tajni fimlalisarel, haj vi le ilenge kamlimata avrizhanarel. Atunchi maj sakon lela o asharipe kathar o Del.

verse #6

Kado pale anda tumende phendom pe mande haj po Apollovo, ke pa amende te sityonles: „Na majbut kathar kodo, so iskirime si!” Khonyik tena phutyarelpe opre po kaver barimaskires.

verse #7

Ke kon kerel tut majbuteske? So si tut, so chi lan? Kana pale lanles, sostar ashares tut, sar tena lanasles?

verse #8

Aba chajiline, aba barvale kerdyiline. Bi amaro po rajipe resline; o feri chchikanes po rajipe te reslinesas, ke vi ame te shaj rajisarasas tumenca kethanes jekharsa!

verse #9

Ke kade gindisarav, ke amen aposhtolen o Del po paluno than tordyardas, sar po meripe resarden, ke dikhlimata kerdyilam la lumake, vi le andyelonge, haj vi le manushenge.

verse #10

Ame bi zhanarde sam anda Kristo, tume pale godyavera ando Kristo; ame slabura, tume pale zurale; tume patyivisarde, ame pale teledikhline.

verse #11

Zhikaj kado chaso bokhajvas haj trushajvas, naj amen gada haj mardyuvas, naj amen kaj beshas,

verse #12

haj khinyardes amare vastenca keras butyi. Kana armaja den amen, ame ashtyilipe phenas: kana nashaven amen, ame toleransha ashuvas;

verse #13

kana marhisaren amen, ame lashe ilesa das vorba palpale: barem le maj telalutne kerdyilam kadala lumake, sakofaloske maj khanchi inkerdeske zhikaj kadi vrama.

verse #14

Na anda kodo iskirisarav kadal, ke tele te lazhavarav tumen, ba anda kodo, sar mure skunpone shaven te ferisarav tumen.

verse #15

Ke kana vi desh miji sityara avlas tumen ando Kristo, dad naj tumen but, ke ando Kristo Jezush perdal pa evangeliumo me dom tumen trajo.

verse #16

Mangav tumen apol: Aven mure sityarde!

Jekhe dikhlimasko viacaripe

verse #17

Anda kado bishaldom tumende le Timoteushes, kon skunpo haj chacho shavoj mange ando raj; voj maj ande tumari godyi anela muro sityaripe ando Kristo, kade, sar pe sako than, ande sako eklezhia sityarav.

verse #18

Sar tena kamos tumende te zhav, kade oprephutyardine pen unyizhene.

verse #19

Ba zhav tumende na pa buteste, o Raj te kamela: haj atunchi maj pinzharo le phutyardenge na lenge vorbi, ba lengi zor.

verse #20

Ke na anda vorbipe tordyol le Devleski luma, ba anda zorate.

verse #21

So kamen? Rolyasa te zhav tumende, bake kamipesa haj blindone duhosa?