Angluno lil kaj le korintushicka

Chapters:

… 10 11 12 13 14 …   ⇤ ← 12 → ⇥

verse #1

Pe Duhicka dimata dikhlines pale, phralale, chi kamav, ke bi zhanarde te aven.

verse #2

Zhanen, ke kana murtikana sanasle, le trubujimaske muklines zhanas kaj o fetisho.

verse #3

Anda kado zhanarav tumenca, ke khonyik, kon kathar le Devlesko Duho del duma, chi phenel: „Armajaslo te avel o Jezush!”, haj khonyik nashtig shaj phenel: „O Jezush si o Raj”, numa perdal pa Sunto Duho.

verse #4

La gracijake dimata chaches, ke kaver falura si, ba o Duho zhi kodoj.

verse #5

Vi le slugimata kaverfaluraj, ba o Raj zhikodoj.

verse #6

Haj vi le zorimaske sikadyimata kaverfalura si, ba o Del, kon sa kado ande sakoneste kerel, zhikodoj.

verse #7

Le Duhoske sikadyimata sakon anda kodo lel, ke lashipe te kerel lesa.

verse #8

O jekh le platnikipeske vorbi lel kathar o Duho, o kaver le zhanipesko zhikathar kodo Duho.

verse #9

Kaver varikon o patyape lel zhiande kodo Duho, pale kaver le sastyaripesko dimatipe kathar o jekh Duho,

verse #10

bake chudipesko saktimo, profetalipe, le dichimange krisarimata, pe shiba vorbisaripe bake pe shiba phende phenimatango hatyaripe.

verse #11

Kado zhikodo jekh Duho kerel, sakones kade dines rig, sar kamel.

verse #12

Ke sar o trupo jekh si, chaches ke but riga siles, vi kade jekh trupo si, kade vi o Kristo.

verse #13

Ke ame ando jekh Duho jekhe truposke bolardyilam, zhisar le bibolde, zhisar le hellena, zhisar le slugi, zhisar le slobodura: haj savorazhenen jekh duho phirdas perdal.

verse #14

Ke chi o trupo na jekh rig si, ba but.

verse #15

Kodo te phenelas o punro: „Chi som vast, chi som le truposki rig”, dore atunchi chi avlas le truposki rig?

verse #16

Haj kodo te phenelas o kan: „Chi som jakh, chi som le truposki rig”, dore atunchi chi avlas le trupuski rig?

verse #17

Kana o intrego trupo jekh jakh te avlas, kaj avlas o ashunipe?

verse #18

Apol o Del lashardas ando trupo le riga, jekhtunes savoren, sar kamelas.

verse #19

Kana varisode jekh trupo te avnas, kaj avlas o trupo?

verse #20

Apol but si chaches le riga, ba o trupo jekh si.

verse #21

Nashtig phenel e jakh le vasteske: „Chi trubus mange!”, haj chi o shero le punreske: „Chi trubun mange!”

verse #22

Haj inke kodal save le trupeske slabone rigange dichon, inke majfeder trubun,

verse #23

haj saven chi inkras pe butende ando trupo, kodalen inke majbare patyivasa las krujal. Save bi patyivale si amenge, kodalen majbari patyiv sile,

verse #24

ba amare patyivale rigan naj pe kado trubujipe. Ba o Del anda kodo kerdas kasaveske le trupos, ke save rigan nas, kodalen majbari patyiv das,

verse #25

ke tena avel jekhipe ando trupo, ba le riga anda jekhavreste te grizhonpe.

verse #26

Kana e jekh rig dukharel, kodalasa kethanes sa le riga dukhardyon: bake e jekh rig patyivipe lel, jekhtunes losshal atunchi sa le riga.

verse #27

Tume pale le Kristosko trupo sanle, haj jekhtunes leske riga.

verse #28

Ande eklezhia o Del unyizhenen aposhtolenge shutas, po dujto profetange, po trito sityarenge; kaverenge chudimata kerdi zor das, bake le sastyarimasko, zhutimasko, anglalardyimasko haj pe shiba vorbisardengo dimatipe das.

verse #29

Dore savorazhene aposhtolura si? Dore savorazhene profeta si? Dore savorazhene sityaraj? Dore savorazhene chudimata kerdej?

verse #30

Dore savorazhenenge davadyilas le sastyaripesko dimatipe? Dore savorazhene vorbin pe shiba? Dore savorazhene hatyaren kodal?

verse #31

Ba tume vazdadyon pe majbare dimata! Haj pasha kado inke vi majlasho drom sikavav tumenge.

Chapters:

1 2 3 4 5 6 7 8 9 10 11 12 13 14 15 16