Angluno lil kaj le korintushicka

Fejezetek:

… 10 11 12 13 14 …   ⇤ ← 12 → ⇥

1. vers

Pe Duhicka dimata dikhlines pale, phralale, chi kamav, ke bi zhanarde te aven.

2. vers

Zhanen, ke kana murtikana sanasle, le trubujimaske muklines zhanas kaj o fetisho.

3. vers

Anda kado zhanarav tumenca, ke khonyik, kon kathar le Devlesko Duho del duma, chi phenel: „Armajaslo te avel o Jezush!”, haj khonyik nashtig shaj phenel: „O Jezush si o Raj”, numa perdal pa Sunto Duho.

4. vers

La gracijake dimata chaches, ke kaver falura si, ba o Duho zhi kodoj.

5. vers

Vi le slugimata kaverfaluraj, ba o Raj zhikodoj.

6. vers

Haj vi le zorimaske sikadyimata kaverfalura si, ba o Del, kon sa kado ande sakoneste kerel, zhikodoj.

7. vers

Le Duhoske sikadyimata sakon anda kodo lel, ke lashipe te kerel lesa.

8. vers

O jekh le platnikipeske vorbi lel kathar o Duho, o kaver le zhanipesko zhikathar kodo Duho.

9. vers

Kaver varikon o patyape lel zhiande kodo Duho, pale kaver le sastyaripesko dimatipe kathar o jekh Duho,

10. vers

bake chudipesko saktimo, profetalipe, le dichimange krisarimata, pe shiba vorbisaripe bake pe shiba phende phenimatango hatyaripe.

11. vers

Kado zhikodo jekh Duho kerel, sakones kade dines rig, sar kamel.

12. vers

Ke sar o trupo jekh si, chaches ke but riga siles, vi kade jekh trupo si, kade vi o Kristo.

13. vers

Ke ame ando jekh Duho jekhe truposke bolardyilam, zhisar le bibolde, zhisar le hellena, zhisar le slugi, zhisar le slobodura: haj savorazhenen jekh duho phirdas perdal.

14. vers

Ke chi o trupo na jekh rig si, ba but.

15. vers

Kodo te phenelas o punro: „Chi som vast, chi som le truposki rig”, dore atunchi chi avlas le truposki rig?

16. vers

Haj kodo te phenelas o kan: „Chi som jakh, chi som le truposki rig”, dore atunchi chi avlas le trupuski rig?

17. vers

Kana o intrego trupo jekh jakh te avlas, kaj avlas o ashunipe?

18. vers

Apol o Del lashardas ando trupo le riga, jekhtunes savoren, sar kamelas.

19. vers

Kana varisode jekh trupo te avnas, kaj avlas o trupo?

20. vers

Apol but si chaches le riga, ba o trupo jekh si.

21. vers

Nashtig phenel e jakh le vasteske: „Chi trubus mange!”, haj chi o shero le punreske: „Chi trubun mange!”

22. vers

Haj inke kodal save le trupeske slabone rigange dichon, inke majfeder trubun,

23. vers

haj saven chi inkras pe butende ando trupo, kodalen inke majbare patyivasa las krujal. Save bi patyivale si amenge, kodalen majbari patyiv sile,

24. vers

ba amare patyivale rigan naj pe kado trubujipe. Ba o Del anda kodo kerdas kasaveske le trupos, ke save rigan nas, kodalen majbari patyiv das,

25. vers

ke tena avel jekhipe ando trupo, ba le riga anda jekhavreste te grizhonpe.

26. vers

Kana e jekh rig dukharel, kodalasa kethanes sa le riga dukhardyon: bake e jekh rig patyivipe lel, jekhtunes losshal atunchi sa le riga.

27. vers

Tume pale le Kristosko trupo sanle, haj jekhtunes leske riga.

28. vers

Ande eklezhia o Del unyizhenen aposhtolenge shutas, po dujto profetange, po trito sityarenge; kaverenge chudimata kerdi zor das, bake le sastyarimasko, zhutimasko, anglalardyimasko haj pe shiba vorbisardengo dimatipe das.

29. vers

Dore savorazhene aposhtolura si? Dore savorazhene profeta si? Dore savorazhene sityaraj? Dore savorazhene chudimata kerdej?

30. vers

Dore savorazhenenge davadyilas le sastyaripesko dimatipe? Dore savorazhene vorbin pe shiba? Dore savorazhene hatyaren kodal?

31. vers

Ba tume vazdadyon pe majbare dimata! Haj pasha kado inke vi majlasho drom sikavav tumenge.

Fejezetek:

1 2 3 4 5 6 7 8 9 10 11 12 13 14 15 16