Angluno lil kaj le korintushicka
13. fejezet
Majbare dimatimata: le kamipesko himnuso
1. vers
Te dav duma pe manushengi bake andyelongi shib, kana kamipe naj ande mande, kasavo som, sar bashado sastri bake bashado cimbalmo.
2. vers
Te avel muro zhanipe kathar le profeta, te pinzharav dore sa le tajni haj sako zhanipe, haj te avel sa kasavo intreguno muro patyape, ke le plaja pe kaver thana te shav: kana kamipe naj ande mande, khanchi som.
3. vers
Te dav kothe sa muro barvalipe sar dimata, haj te dav perdal muro trupo, te shaj asharav man: kana kamipe naj ande mande, khanchi chi mol mange.
4. vers
O kamipe toleranshoj, o kamipe lashoj, naj daramno, chi asharelpe, chi phutyarelpe,
5. vers
chi kamel peske barvalipe, chi rodel pesko, chi xolyardyol opre, chi gindil po nasulipe,
6. vers
chi losshal le nasulimaske, ba kethanes losshal le chachipesa;
7. vers
sakofalo mukel, sakofalo patyal, sakofalo sperantisarel, haj sakofalo perdal hatyarel.
8. vers
O kamipe chikana nacholatar. Le profetalimata agorisajvenatar, le shiba nachonatar, le zhanimata xasalyvenatar.
9. vers
Ke rigakej le pinzharimata, haj rigakej lengo profecipe:
10. vers
kana pale avelatar o feder, o rigipe nacholatar.
11. vers
Kana shavoro somas, kade vorbisaros, sar o shavoro, kade hatyaros sar o shavoro, kade gindisarosma sar o shavoro: Kana pale mursh kerdyilom, muklom kodal butya, so shavorikanej.
12. vers
Akanak apol kathar e glinda perdal, ande muglya dikhas, ba atunchi pale sakofalo. Akanak inke rigako si muro zhanipe, ba atunchi kade zhano, sar akanak vi me pinzhardo som.
13. vers
Anda kado ashol o patyape, o sperantipe, o kamipe, kado trin: ba mashkar kadal o kamipe si o majbaro.
Könyvek
