Angluno lil kaj le korintushicka
10. fejezet
Le Izraelesko historipe, sar ferisaripe
1. vers
Chi kamav, ke te bistren kodo, phralale, ke tumare dada savorazhene tala o noro sas, haj savorazhene perdal geline pa mara,
2. vers
haj savorazhene bolardinepe perdal pa Mozesh ando noro haj mara.
3. vers
Savorazhene zhikodo duhikano xamasko xanas,
4. vers
haj savorazhene zhikodo duhikano pimo penas, ke piline anda kodo duhikano plaj so palalende zhalas: o plaj pale o Kristo sas.
5. vers
Ba ande majbutende chi arakhlas voja o Del, ke muline ande pusta.
6. vers
Kado pale amenge anglune pecimaske kerdyilas, ke ame tena dorosaras o nasul, sar von dorosardineles.
7. vers
Chi fetisha kamle na kerdyon, sar unyizhene mashkar kodal, sar iskirime si: „Tele beshlas o popularo te xal haj te pel, haj opreushtyiline te khelenpe”.
8. vers
Haj tena marhisaras amen, sar unyizhene marhinsardine pen mashkar kodal, haj tala jekh dyes bishtajtrin miji zhene muline.
9. vers
Chi le Kristos na zumavas, sar kon unyizhene zumadine les mashkar kodal, haj xasajlinetar kathar le sapa.
10. vers
Chi te xolyajven na xolyajven, sar unyizhene xolyajline mashkar kodal, haj xasajline kathar o pustisari.
11. vers
Sa kadal anglune pecimaske kerdyiline amenca, haj anda kodo iskirisardineles tele, ke te sityuvas anda leste ame, kaste la vramako agor pashardyilas.
12. vers
Kon apol kodo gindil, ke tordyol, te lel sama, tena pereltar.
13. vers
Kathar manusheski zor majbaro zumavjipe inke chi reslas tumen. O Del chachoj, haj chi mukel kodo, ke opral pa tumari zor te dukhadyon zumavjipe, ba le zumavjipesa kethanes vi o slobodipe del tumenge, ke te zhanen perdal te trajin les.
Le fetishesko kamipe haj o murtikano sarkafimo
14. vers
Anda kado mure kamade, krujin le fetishongo kamipe.
15. vers
Kade dav duma tumende, sar kaj godyavera manusha: krisaren tume, ke so phenav:
16. vers
Le ashtyilimasko taxtaj, so ashchilisaras, na amaro ande Kristoske ratesko rigipe si? Haj o manro, so phagas, na amaro ande Kristosko truposko rigipepe si?
17. vers
Ke jekh manro, jekh trupo sam but zhene, ke savorazhene anda jekh manro rigajvas.
18. vers
Dikhen le trupostarutno Izraeles: kon le sarkafimura xal, apol ando kethanipe si le oltarosa?
19. vers
So kamav kadalesa te phenav? Dore kodo, ke le fetishonge sarkafimasle masa bake o fetisho kerel variso?
20. vers
Na! Ba so le murtikana sarkafimosaren, kodo le demonenge sarkafimosaren haj na le Devleske. Chi kamav, ke le demononca te aven ando kethanipe.
21. vers
Nashtig pen le Devlesko taxtaj haj le demonengo thaxtaj. Nashtig aven rigasle le Devleske mesalyake haj le demonenge mesalyake.
22. vers
Te xolyaras dore po daramnipe le Rajes? Dore maj zurale sam lestar?
23. vers
„Sosko slobodoj”, ba na sakofalo hasnisarel. „Sakofalo slobodoj” ba na sakofalo avla po oprevazdipe.
24. vers
Khonyik tena rodel pesko, ba kodo, so kavereskoj.
25. vers
Sakofalo, so pe masesko foro bikindyol xanles, kade, ke vi variso te pushenas anda duho hatyarimaske butya.
26. vers
Ke le Devleskij e phuv haj kodalako intregonipe.
27. vers
Kana varikon mashkar le murtikana akarela tumen haj vi kamen te zhantar, sakofalo xan, so xaben angla tumende shon, kade, ke vi variso te pushenas anda duho hatyarimaske butya.
28. vers
Ba kana varikon kodo phenel tumenge: „Kado anda fetishege sarkafimosarde butya si”, na xanles anda kodo, kon vazdas e vorba, haj anda duho pushlipe;
29. vers
Na tyire duhoske hatyarimata phenav pe kado, ba le kaveresko. Sostar te krisarel muro slobodipe kaveresko duhosko hatyaripe?
30. vers
Kana me najisipesa resardyuvav, sostar te kushel man varikon anda kodo, anda soste najisipe phenav?
31. vers
Apol te xana, te pena, haj zhikaver te kerena, sakofalo pe Devlesko luvudyipe keren.
32. vers
Na keren kasavo anda soste shaj xolyajven le bibolde, haj le hellena, haj chi le Devleske eklezhiake,
33. vers
sar vime ande sakofaloste sakoneske leski voja kerav, na kodo rodindes, so mange lashoj, ba kodo so le majbutenge, ke te muntosardyon.
Könyvek
